للجميع مع المري الكل مطلوب!!

[الطامي]

قلنا نجدد ساحة اللعب ياخوان = والكل مطلوبي يجيني برده
من حط له رد ٍ فعزيزٍ وله شان = ومن هو تعذر نكتفي مانحده

[نجم الإبداع]

جيناك يالمرى مادام انت طربان= قافك بديع ومالنا عنك صده
حنا على خبرك نجاري بالالحان= والمطلق الي نازنا مانرده

[الطامي]

المشاركة الأصلية كتبت بواسطة فلاح بن منشار

جيناك يالمرى مادام انت طربان= قافك بديع ومالنا عنك صده
حنا على خبرك نجاري بالالحان= والمطلق الي نازنا مانرده

يامرحبا حييت ياطير حوران = فلاح يامنصاي لاصار شده
وفيت باللازم ومن دون نقصان = اديت دورك حيث سهمك تسده

[صوت الإحساس]

صحت السنتكم


متابع

[سناعيس]

متابعين
الله لايهينكم يالجزلين

[محمد عبدالله البدراني]

ليتك تسلم قبل ترديد الالحان = ياللي بديت القاف هذا مرده
لك شان عندي لكن العلم نيشان = قد قيل قبلي مابخاطرك بده

[رفيعة الشان]

الله عليـــكم يا شعاار يا مبدعين


صح الله السنتكم اخواني


وتجديـــد راائع ومتميــــز

ولا هنت يا الطامي

[داعي الشوق]

منصور دايم بالتعابير فنان = ما ظنتي تلقون مثلة وقدة
لو كان ما سلّم ترى الأمر سيان = الأمر جايز والمواضيع عندة

[الطامي]

المشاركة الأصلية كتبت بواسطة محمد عبدالله البدراني

ليتك تسلم قبل ترديد الالحان = ياللي بديت القاف هذا مرده
لك شان عندي لكن العلم نيشان = قد قيل قبلي مابخاطرك بده

يامرحبا ياللي دخل كنه طوفان = شاعر وقيفانه بعد مستعده
القصد تجديد العهد والعهد شان = من بيننا مابه قلوبٍ مصده

[الطامي]

المشاركة الأصلية كتبت بواسطة داعي الشوق

منصور دايم بالتعابير فنان = ما ظنتي تلقون مثلة وقدة
لو كان ما سلّم ترى الأمر سيان = الأمر جايز والمواضيع عندة

اهلا هلا اعداد ماهل ودان = ياداعيٍ للشوق لو طال بعده
العذر طيب وانت نادر وسلطان = منك الردى دايم بطيبك ترده