قصة موفق !! للرائع عبد الله السعير

[سلطان العطاوي]

البارحه من بعد زان الحظ دق التيلفون= وانا معي دمعه ومتمخش وملعونٍ ثواه
وانا بدوي ماكنت اعرف الناس كيف يغازلون= لآدق جوالي من اول دقتين اقول هاااااه
وليا امتحني رقم قلت اكيد يبغون الديون= ومن قبل اسلم طرت فيه وقلت قلي من يباه
اثر الطريقه ما تباك تمون وإلا ماتمون= اقصر على حسك شوي وقول بالرقم اشتباه
وسكر ودز الها رسالة حب مليانه عيون= وفيها ورود منطله والقلب خله قلب شاه
واصحا تقول اسمي ( صنت) واطرب على شوف المزون= شهادتي متوسطه جندي ومبدع فالمشاه
قول اسمي ( موفق) وانا شامي من اللي يشتوون= وجدي من اللي لا لقا صيخ الشوي راح وشواه
وليا انشدتك المترفه وش تشربون وتاكلون= لا تطري المرقوق وتقول بدوي هذا عشاه
قل الصبح بحضر الفرشه ومعجون السنون= وكريم لآ وشي وبلسم حق ترطيب الشفاه
والضهر ببلش مع الماما بتغسيل الصحون= كذا الحياه الطيبه وإلا بلاش من الحياه
وإذا نظرنا فالحقيقه كل ابوهم يكذبون= البنت في خط المدينه والولد باطرف مراه
وبعد ثلاث ايام حب وفي بعضهم مغرمون= وتنشده وشو عشاه وتنشده وشو غداه
ومن بعد عشر ايام يبغون العرب يتزوجون= وتخطيط في تخطيط وموفق جهازه قد شراه
ثم تبلشه في ( كول مي) وتقول انا البنت الفتون=اما موفق مبتلش ويقول يارب النجاه
وبعد شهر هوشه ويبدن المشاكل والطعون= وتقول جدي شاف رقمك قال من رقمه هذاه
وإلا الوعد بكره على شاطي يبا يتقابلون= لكن جد البنت جاب العيد والموعد لقاه
ثم قالت الرقم امسحه( ابليز) قبل يلاحضون= ثم راح فيها موفق المشهور يومي في يداه
راحت بطاقات السوا في كل ليله يشحنون= وكل الخساره في موفق حسبنا الله علاه
إليا متى ياهل الغزل وانتم همج ما تفهمون= شوفو موفق وش حصله راح ما يلقى عشاه

[الطائر المهاجر]

إليا متى ياهـل الغـزل وانتـم همـج مـا تفهمـون
شوفـو موفـق وش حصلـه راح مـا يلقـى عشـاه

عندما يحمل الشاعر هموم المجتمع ويترجم مشاكله
في مثل هذه القصيدة نقول لست مبدعا فقط ولكنك
تمتلك ضميرا حي ... فأكثر الله من امثالك
شكرا أخي سلطان على تعريفنا بهذا الشاعر الفذ
لاهنت
تحياتي الطيبة

[رفيعة الشان]

هههههههههههههه
حقاً لماذا لا يعتبرون بموفق
قصيدة جميلة وطريفة
صح الله لساان شاعرها
اخونا وشاعرنا العطاوي

لاااهنت على النقل الطيب

[عبدالله راشد الثويني]

ههههههههههههههههههههههههههه

ياحبيبي ياموفق راح فيها

قصيده رااااااااائعه وتحمل رساله ساميه

صح لسان شاعرها وتسلم يدين ناقلها

وُدي

[محمد عبدالله البدراني]

الله الله


قصيده هادفه عالجة الوضع باسلوب كوميديٍ ساخر


صح السان الشاعر عبدالله السعير



وسلمت يداك يالعطاوي


بيض الله وجهك



تحيتي وتقديري

[يوسف الشقران]

سلطان دحيم العطاوي

اضحك الله سنك

قصيده فكاهيه ممتعه وهادفه

ابدعت بحق

صح لسانك وسجل اعجابي الشديد

[الطامي]

العطاوي
شكرا لك على الأختيار الموفق
والله يعين موفق ههههههههههههههههههههههههه

[ابو أنس]

الفاضل سلطان العطاوي......................
قصيدة جميله وتعالج هموما واحداث
شكرا لك وللرائع عبدالله السعير
كل الشكر

[عالي مستواها]

هههههههههههههههههههههههههههههه هههههههههههاااي


سلطان العطاوي


صح لسانك مليووووون قصيده أكثر من رائعه


انا انسجمت مع القصه ههههههههههههههه


ابدعت في نضم القصيده يسلم فكرك وحرفك


يعطيك ألف عافيه وماقصرت

قصيده رااااااائعه

صح الله الساانك مليوووووون

ولا هنت

موج القصيد"