الوله ذبّـاح

[عذب القوافي]

	--(( الوله ذبــّاح ))-- جميل أسافر بذاتي على أبياتـي وأنـا المـلّاح=وأبحر في عيون الزين رغم مالمـوج يرمينـي أنا شاعر كوان الظيم وألبس من عناي وشاح=وأهيم بداخل حروفـي أواسيهـا تواسينـي أترجم للغلا عشق ٍ سكن فينـي ولاينـزاح=رغم ماشفت بالدنيا هموم ٍ تزحـم سنينـي رغم ما أحاول أتجاهل هموم ٍ ساطية تجتـاح=حنايا صدري الضايق تقول أرجوك كافينـي أحبّك والهوى بلسم عشقتك والوله ذبّـاح=بلاي أعوام ياعمري حنانك ساكـن ٍ فينـي كثير يزورك الهاجس وحظي للهوى ما طاح=أجل وشلون في شوفك أكيد السعد يدنينـي هلا يانصفي الثاني هلا ياعمـري اللـي راح=هلا ياملهمت قافـي بيـوت ٍ دوم تبكينـي تخيّلتك زهر نرجس وريحه بالفضـاء فـوّاح=أشمك تنتعش روحي رغم مالحـظ جافينـي أسولف للقمر عنّك يجاوب نجمه الوضّـاح=وعلو سهيل ترجم لي ياكيف البعد كاوينـي حبيبي ليه هالدنيـا بدونـك مابهـا أفـراح=صدودك دوم يسهرني يطير النوم عن عينـي كثير يدور في بالي أقول الزيـن علامـه راح=تمنيتـه تمنانـي وأحـسّـه دوم يدعيـنـي تمر أيام من غبتي وقلبـي مـا هـو بمرتـاح=تسلي نفسي الذكرى وأحسّك ماسك إيديني تقديري للجميع ,,,,,,

[مجدي صالح المبارك]

الله الله الله عليك , أخي الشاعر القدير ( عذب القوافي ) بوح راقي برقي وعذوبة خيالك وإبداعك الجميل , كم أطربتنا وأمتعتنا بهذه الباسقة التي كان لي شرف المرور على ضفافها , تقبل تحياتي مع فائق التقدير .

[منيع]

ياسلام عليك
ابيات ولااروع
دمت مبدعا
تحياتي وتقديري

[صعبة المنال]

الله عليك يا عذب

دوووم مميز

صح لسانك

صعوووووووووووووب

[عبدالله راشد الثويني]

شاعرنا الجزل / عبدالكريم ابراهيم بن خزيم
صـح لسانك ملـيون ولا يكفـون نـص راقي كـ رقيّ حضورك
تسلم اناملك على ماخطت .. طامعيـن بالمزيد من روائعك
تقبــّل وُدي

[داعي الشوق]

مقدما

صح لسانك يا بو ابراهيم

شاعر جميل

لي عودة للجمال

[سعيد الصاعدي]

الاخ الفاضل / عدب القوافي
صح لسانك لاهنت
تسلم ويسلم فكرك يالغالي
تحياتي
أخــــوك
س / ص

[سناعيس]

عذب القوافي
صح لسانك ولله درك
جزل يابو ابراهيم
لاهنت


تحياتي

[الطامي]

بن خزيم
هاذي من الروائع الفذه لافض فوك اخي
صح الاسنك ملايين
جزلة ووافيه
لاهنت

[فهد المري]

للتفوق عنوان

هو ما قرأته

واستمتعت به في هذا المتصفح

الله يصح لسانك

ودام ابداعك