يا حبيبي فيك يا حلو الغزل

الأخوة والأخوات في هذا الصرح الشامخ بمن فيه

أضع بين أيديكم هذه القصيدة من قصائدي العزيزة على نفسي صراحة

وأتمنى أن تنال إعجابكم واستحسانكم وتعانق شعركم الراقي

وتلامس أحاسيسكم المرهفة وهي بعنوان :

( ياحبيبي فيك يا حلو الغزل )

يا حبيبي فيك يـا حلـو الغـزل = جل من سواك في حسـن ودلال
حبك اللي داخـل الوجـدان حـل = دون إذن ولا سـؤال ولا جـدال
المشاعر : شافتـه معنـى الأمـل = والخيـال : لطلتـه قـام احتفـال
والفؤاد الضامـي : فنهـره نهـل = والشجون : انسجمت لحلو المقـال
والعيون : فصـورة فيهـا خجـل = سلهمـت وتقـول لله الكـمـال
ويوم ذاتي قال ويش اللي حصـل ؟ = قال كلـي : يـا هنانـا بالوصـال
غاليـة مملوحـةٍ بأجمـل مُقـل = فوقها حاجب كما قـوس الهـلال
مكتسيها الزين من قـول وفعـل = درةٍ فيهـا عنـاويـن الجـمـال
جات تمشي والخُطا فيهـا وجـل = وانشغلت وصار في عقلي هبـال
وقلت يالله بأجمـل ألحـان الغـزل = رحبـو هلّـو ويـا حبـي تعـال
وفي خضم الحفـل أهديتـه وهـل = غير قلبي ينهدي لاأروع غزال ؟!

أخوكم / دخيل الغانمي

[نجم الإبداع]

صح لسانك يادخيل

قصيده وافيه من وافي

لاهنت

تقبل مروري
وودي

دخيل وانا اقول بعد ياحبيبي انت على هالأبداع

صح لسانك
على هذه المترفه العذبه اللتي اخذ جمالها من كمالها وعذوبتها لله درك على ا اتحفتنا به
مرور متواضع من معجب بهذه الحروف
اخوك
سراب الراحل

[الخنساء]

صح لسانك اخي الشاعر دخيل
لاهان راسك قصيدة راااائعة
سلمت وسلم شعرك
دمت بخير

الأخوة والأخوات أشكر لكم طيب مروركم وجمال تعبيركم

وإطرائكم الراقي ... بارك الله فيكم

::::::::::::::::::
::::::::::::
:::::

[ابومالك رسام]

الشاعر الرائع دخيل الغانمي

صح الله لسانك وحفض هديتك

ولاهنت يالغالا سلامي لك ولأبداعك
تحيات ابومالك

[يوسف الشقران]

حبك اللي داخـل الوجـدان حـل=دون إذن ولا سـؤال ولا جـدال

،
،
،

وفي خضم الحفل أهديتـه وهـل=غير قلبي ينهدي لاأروع غزال ؟!

لله درك

صح لسانك يالغانمي

تحيتي

الغالى
وقفت واستمتعت
بهذه الفاتنه والرائعه
بروعة حضورك ف لله درك
وصح لسانك
مدد بلا عدد واعتلا شانك

ولاهنت

تحيه واحترام
عقاب النهار

دخيل الغانمي


اسم استمتع بما يكتبه دون مجامله


صح لسااااانك


وننتظر الجديد


تحيااااتي لكـ

الأخوة والأخوات أشكر لكم هذا المرور

وكلي أمل دوما أن يعجبكم ما أكتب وأعجب

بما تكتبون ... فنحن مكملون لبعض كالجسد الواحد

دمتم بكل خير وعافية ... وفقكم الله

؛؛؛؛؛؛؛؛؛
؛؛؛؛؛
؛؛؛