الرد على ابن قبلان العتيبي ؟؟؟؟؟؟؟؟

[الطامي]

قال ابن قبلان

يابروق الشعر في جو القصيـد المستهلـي=مااقبل التاخير في وقت الطلب والعلم شاره
جمليني ياالبيوت اللي كما النجـم المطلـي=قلطي ياالمستذيره والبسي بشـت الامـاره
أذكري عبدالله ابن غراب هاتي واستد لـي=في جناب مدسم الاشناب فـي ديـوان داره
بيض الله وجه راع الطيب تحفظ بالسجلـي=اعلنيهـا يالصحافـه دونيهـا ياحضـاره
التحيه والسلام وطلـع ورد وريـح فلّـي=من ولد قبلان غنا والقديحه مـن شـراره
مالقينا غيـر تقديـر الحجـاج المسفهلـي=يالكريم بكل ماتعنيـه مضمـون العبـاره
يوم ولد اللاش ماضوى من الهقوات ملـي=نقْز المحزم وصـلا ركعتيـن الاستخـاره
مابخلتـو يـآل مـره والمهلـي مايولـي=مايمد الوافيه للضيـف حسـاب الخسـاره
مانظمت ولاطرقت القاف من باب التسلـي=فرحتي بمقابل ابن غراب وآسوق البشـاره
يستحق المدح من لا شح في الوقت المولّي=والله اني لمدح اهل الطيب تاره عقب تـاره
النوادر من قصيـدي سقتهـا تقديـر للـي=شجع الشعار وأعطى كـل رجـالٍ وقـاره
والقصايد لا مدحت ارجال مـره صفقنلـي=ثم زان القول في ساس الطناخه والنعـاره
ويش اقول ويش نذكر وش نجيب وش نخلي=وقبست البارود مصدرها قديحه من شـراره

الرد مني على ابن قبلان

مرحبا بالشاعر اللي جاب طرقٍ مايملي = ساق قيفانه بعد تجريب ثم قدم قراره
مرحبا به عد مالاحت ابروق وماتهلي = مزنة غرا مطرها فوق بدوان وحضاره
ساق قيفانه وفيها مدح للظل المظلي = من كريم لمستحق المدح مافيها استشاره
مدح عبدالله احزامي شبه ضلع مستقلي = اوكما اطويق المسمى شامخ دون انحداره
تاج راس عزوتي في كل قولي به مقلي = جامعٍ بين المروه والمعرفه والنداره
ساسه الطيب معرب بين جداني وكلي = بين عم وبين خال كلهم بربعه اخياره
ولد عود في اعلومه ويش اوصف ويش احلي=كنه اسهيل اليماني لاظهر بعدالحراره
لاوزا به من هو يشكي الزمان المستهلي = كربته راحت وقفى شاكر ويحمد اسفاره
وكم ضعيفٍ قد عنى له شاكيٍ ضيمٍ وغلي = قام معه بحاجته ماصد ثم كثر عذاره
كم دعى له من صغير ومن كبيرٍ يوم ايصلي = طيب علمه عند خلق الله ايجيه بوسط داره
هو كبير القوم فينا منزله فوق ويعلي = هو مقدم عصبتي بالعون نعطيه اعتباره
قلها ابن الذيب في قافه على ياهيه ياللي = الكبار الها اكبار والصغار الها اصغاره
وقالها فيصل اعبيدالجابري من يوم حلي = وساق قيفانه على المذكور ماحلاها عباره
وانت ابن قبلان من قومٍ لهم ذكرٍ يسلي = بالشجاعه والكرم واعلوم طيب عن جداره
شاكرٍ لك في اعلومٍ انت فيها ماتزلي = وانت رجل طيب ساسك وفي راسك نعاره

صح لسانك وتسلم

[محمد بن عمار]

	السلام عليكم الأخ الفاضل / الكاشف صح لسانك وجاد بيانك صوت وصدى ولا اروع تقبل حضوري وتواضع مروري محمد بن عما ر

[عبدالله الشويمان]

ا سلام عليكم قصيدتين رائعتين

الله يعطيكم العافيه

وصح السانك يا الكاشف وصح السان بن قبلان

دمت بخير وصحه وسلامه

[عيدالماجد]

ابدعت واجدت الابداع لوحه فنيه تبهر من ينظر اليها تمنياتي لك بالتوفيق والنجاح

بيض الله وجهك وارفع لك البيضاء
انت ولد عمك

والاخ عبدالله غمرني بطيبه ولاتكفيه هذه القصيده

ونعم يال مره ويام

علومكم غانمه وتشرف

وقصيدنك وافيه وشرف لي واضعها وسام افتخر فيه

وصح لسااااانك يالواااااااااافي

[عبدالله المسعودي]

منصور المري و ابن قبلان ..؛
صح لسانكم ولا هنتوا ..؛
شكر1 لكم ..؛

[ابومياس]

صوت وصدى

كفيتوا ووفيتوا

ومدح الرجال الغانمه غنيمة

صح لسانكم جميعا

ويعطيك العافية يابومحمد

دمت بخير

[الخنساء]

صح لسانك اخي الشاعر منصور

صح لسانكم ولا هنتوا صوت وصدى رااائعين

سلمتوا وسلم شعركم

دمتم بخير

صح لسانكم و الله لا يهينكم

مبدعين دائماً

تحياتي لكم ,,


اخوكم ,, فـ,ـهـ,ـد