دندنه والهوى كله عذاب

[الطائر المهاجر]

دندنه .. والهوى كله عذاب = من يلوم اللي مشى درب الهوى
صاحبي وش صار في علم الكتاب= وش مصير اللي فؤاده انكوى

[نجم الإبداع]

دندنه ياصاحبي سكر وذاب = من يرد القلب لامنه غوى
اقترب ياصاحبي يوم الحساب = صل فرضك واطلب الله الهدى

[الطائر المهاجر]

القافية وى

دندنه ...دنياك ما تحمل عتاب = ابتسم فالضحك ياخلي دوا
ما خلقنا الله نتبع للسراب = ميز الإنسان في عقل وقوى

[نجم الإبداع]

دندنه من ورده والا من رباب = من زمان الصمت فارقنا الجوى
مانت عود ولا تفكرني شباب = مير من فاته شبابه مارتوى

[الطائر المهاجر]

دندنه ...قلبك اخضر كالنهر فيه انسياب= وش بلاه اليوم كنه مهتوى
جيت لي بالنصح تبغى الاحتساب = وكل من هاجر على ما انتوى

[نجم الإبداع]

دندنه والقلب حل به العطاب = عقب ماشاف الرشاقه وانطوى
فاتنه في كفها ذاب الخضاب = والجبين النور من حسنه ضوى

[الطائر المهاجر]

الحلا والملح في ذات الحجاب = وغيرها مادل زين ولا احتوى
لكن المشكل ترى بعض السحاب= تحسبه ممطر وهو عج التوى

[نجم الإبداع]

دندنه وشبك تراوغ بالخطاب = يوم بالجولان والثاني طوى
كن قلبك بالهوى العذري مصاب = كل يوم اشوف لك نزعة نوى

[الطائر المهاجر]

دندني يادندنه واسمعي فصل الخطاب = والشنب ياهل الهوى كالغصن لامن ذوى
قلت وينه قال راح بعد ذاك الألتهاب = قلت موضه قال يمكن ميش واصبحنا سوى

متابع
شدوا حيولكم
الليل
تراني فصف المشرف ولا يهون فلاح
وش نسوي يا فلاح نبي نلطف الجو الرجال ناوينا الليله