تعال داو الجروح الروح متلوفه

[نجم الإبداع]

عند الملاهي وشط البحر شي ثاني=والجو هادي بحاله غير مألوفه
قابلت مضنون عيني يوم ناجاني=اطوي مسافات بالاخطار محفوفه
كن القدر هيّئه والحظ صافاني=فرحت من شوفت الغالي ومن لوفه
جاد الهوى قلت ياحي اللذي جاني=خايف وانا قمت اهدّي الروع من خوفه
هذاك خلّي اللذي فالعالم ارواني=حط المناكير ماحلى لمسة كفوفه
اللي اعشقهّ! من سنين احريه لاقاني=وارتاح قلبي المعنى من سنا شوفه
لون العبايه مع الشنطه والاجفاني=رسمه للابداع دون الكحل محصوفه
لالا تلومون قلبي لو له ادماني =ضبي الجنوب التهامي فاقت وصوفه
غضيّض القد ميّل ميْل الاغصاني=يوم انهصر لاع ورده حاني قطوفه
رحبت من روح شوق وقلب ولهاني=وردّ باحلى كلام وذوق معزوفه
يومي لمحته بغيت اشيل الالحاني=اليين اجاوب مشاعر نفس ملهوفه
اول لقاء واشترط والشرط عناني=وانا اوفي العهد لو قلبي غلى جوفه
وحذرت من كيد وانا ويش دراني =يمكن يمثل علي الدور واطوفه
حاولت نبعد وقالت عار لاخواني=انا وعدتك بشوف وتكفي الشوفه
قلت ابشري والخيانه مهرة الداني=ماهيب طبعي ولا صوفه ومعروفه
لكن وش حيلتي في شوق مناني=في ليل يروي ضما لوعات مصروفه
هي ربع ساعه وحاكيته وحاكاني=قدّرت جيّت حبيبي واعرف ضروفه
ماجيت محضور لوّه كان بامكاني=ولا قربت الحرام وحِلّ راشوفه
الا بنظره لخشم وفم ولساني = منه العسل سال نفسي فيه واعوفه
عشنا مناجاة روح وعفّ الابداني =احلى دقايق مضت فالعمر وتلوفه
رهيفت الحس هزّت كل وجداني =من خوفها جالسه جنبي ومرجوفه
لارّن جوالها تهتز الارداني =حتى الجلكسي تجي رنته مردوفه
وان جيت اناظر وجنها رنه اعماني=وهي من الرنه مثل الضبي مخطوفه
قلت اركدي واطمئني معك زهراني=يحميك لو يهجم الليله هل الكوفه
قالت ذي اختي تطمن ويش لهواني=لازم ترجعني اختي الحين مهفوفه
قلت اصبري قالت اصبر كيف وايماني=اني على جمر من فرقاك ملفوفه
ياشيخ لو يعرفون اهلي وجيراني = باني صدفتك قضيت العمر مكتوفه
لكني اوعدك ياحبي وتحناني = لازم تحين الفرص لاوراق مكشوفه
مر اللقاء مر لحظه راح خلاني=وخلا حياتي على ذكراه موقوفه
قولو لخلي وبعده هيّض اشجاني=يجي يداوي الجروح ! الروح متلوفه

[الطائر المهاجر]

امتعتنا بهذه الباذخه
صح لسانك
ولاهنت
تحياتي وتقديري

[عيادة الجهيلي]

مليون صح السانك طال عمرك

[داعي الشوق]

طيب يا بو محمد طيب ..

دام فيها مناكير .. اكيد الشي يستاهل

من يلومك

وصح لسانك و دام ابداعك يا نجم

[عبدالله الشويمان]

الله الله الله

صح السانك يا ابومحمد

هز مشاعر المناكير..يا حبيلك..ههههههههه

على العموم قصيده مطوله وجزله يا الجزل.

دمت بخير وصحه وسلامه ولاهنت.

[عبدالله السويلم]

صح لسانك

جزلاله لاتقاوم


لافض فوك


تحياتي لك

[النداوي]

صح لسانك وعلى شانك
اكتملت روعتها بروعة ابداعك
لاهنت يالغالي
دمت بخير

[منيع]

ياسلام عليك
مبدع ورائع
شكرا لك
تحياتي

[بنت النور]

صح لسانك ابومحمد
امتعتنا بقصيده روعه في الاداء ماشاء الله
لاهنت تحياتي وتقديري

[شاكـر محمـد]

رووووعه
صح قلبك ...
..يعجبني أسلوب احمد الناصر السرد المتحرك
وانت هنا أسلوبك يشابه أسلوبه
تمتعت هنا وعشت الموقف

لك تقديري