شجرة الرأك

[فهد الغنام]

السلام عليكم ورحمة الله وبركاته ..

مساء / صباح الخير و الياسمين والنفل والخزامى .. والجوري والكادي والمسك والعنبر . والقرنفل والقرفه بعد وش اللي محرمه ,,,

المهم .. سمّوا بالله وتعوذوا من ابليس ,,,وإقروا القصيده ..والله الله بالكلام الذرب ,,, تراي حسّاس شوي وزعول ... لا احد يقول قصيدتك مثل وجهك ,,,

والله لو تدرون وش اللي يجيني لا جيت اكتب ما تصدقون .. ماني قايل لكم هالحين ,,, لين اشوف وش تقولون ,,,

بسم الله وعلى بركة الله ,, س تقسيم ص تقسم ن من المرسوم الشعري ,, نطرح هذه القصيده ,,


(( شجرة الراك ))

تدري وش اللي ضرني يوم فرقاك = ما ضرني همّ الفراق وسنينه
اللي ذبحني يوم كفّيت يمناك = عن واحدٍ لرضاك قدّم يمينه
وأكبر مصيبه يوم عجزت شفياك =عن كلمةٍ كنت أنتظر تنطقينه
لو قلت سامحني على اكبر خطاياك=اللي ورا حدب المحاني دفينه
في ذمتي لا حطّها تحت ما طاك =لوّ كانت اكبر من قصور المدينه
وأدمح خطاك وكل ماصار لرضاك =وأصبر لون الموج غطا السفينه
هذا الغلا لولاه ما والله أنخاك =لا حلّ بالرجّال بيّح كنينه
إما تعال ورد روحي بلاماك =مدّ الوفا وإقطع إحبال الغبينه
وألا أرحلي وأنا ترا من فداياك =وإن هلّ دمع البعد لا تمسحينه
عجز النظر مع طول الأيام يرواك =تكفين حبل الوصل لا تقطعينه
الذنب ذنبي يوم حوّلت بحماك =واللي دخل بحماك لا تذبحينه
وأنا على ما قيل لوّ جيت أبنساك =بحط قلبي في يدينك رهينه
طير السعد خلاّاك يا شجرة الراك= يكفيه عشر إسنين يا ساجنينه
وإن مت ما قلت السبب همّ فرقاك =علمٍ تراكم كلكم خابرينه
النفس طيرٍ والمقادير الأفلاك =والموت للمخلوق في حاجبينه
وشخصٍ يسوي بالمحبه سواياك = مبلي على بلواه ربي يعينه

مع تحياتي واشواقي ... الحاره ,,, ايوالله حاره كاتبه الساعه 2.30 ظهرا وعاد انتم ابخص ,,


فهد الغنام الشمري







..

[سناعيس]

صح لسانك يافهد
ولله درك على هذه الجزله
لاهنت

تحياتي

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[الخنساء]

تـدري وش اللـي ضرنـي يـوم فـرقـاك

مــــا ضــرنــي هــــمّ الــفــراق وسـنـيـنــه

صح لسانك مليووون ولايكفوووووون

قصيدة جزلة من شاعر متمكن

سلمت ودام حرفك

[منيع]

ابيات ولااروع
تسلم يافهد
تحياتي لكم

[الطامي]

الغنام
صح السانك ملايين
رائعة من روعة شاعرها
لاهنت اخي

[عبدالعزيز العمار]

صح لسانك ولاهنت

تحياتي الطيبه

[داعي الشوق]

صح لسااااااااااانك مليوووون يا فهد

و لاهنت يالشاعر

ابدعت و امتعت يالجزل

*************

[نجم الإبداع]

ارحب يافهد

وصح لسانك على المصافحه الطيبه

لاهنت

تقبل مروري

وتقديري

[فارس القوافي]

وعليكم السلام والرحمة والاكرام

هلاا بك يافهد

نص في قمة الروعة

من الألف الى الياء

صح لسانك مليووون ولا يسدووون


يعطيك العافية

وعسى ماشر

دمت بخير