السلام عليكم ( مصافحه اولى )

[طلال العازمي]

السلام عليكم ورحمة الله وبركاتة

اولى : يشرفني ان انظم لهذا الصرح الشامخ والمنتدى المتميز

ثانيا : اتمنى ان افيد واستفيد منكم ان شاء الله

ثالثا : قصيدة ومصافحتي الاولى اتمنى ان تنال الرضا

ما عاد انا مناديك يا زين لو نحـت=من عقب ما جافيتني في وصالـك
مابيك تستغرب ليا شفتنـي رحـت=ورميت من كفي مقاضـب حبالـك
وانا اللذي من شان راحتك كافحـت=واسهرت ليلي لاجل اشاهد هلالـك
وانا الذي لك ظالم العين ما امرحت=واذبلت جفـنٍ مـن تغليـك هالـك
وانا الذي لو طول الوقت ما بحـت=وشي ورى قلبي أبـد مـا طرالـك
اقوم مستهنض لك الهمه ان طحت=واطيح روس معكـرات الغـلا لـك
وانا الذي من قو الاشواق لك صحت=وحلفـت مـا والله ادور بـدالـك
واليوم بانت لي خفايـاك وافرحـت=ناس تـوردك الخطـر والمهالـك
واعرف ترى من يوم قفيت صرحت=القلب ماهو ملـك غيـرك ولالـك

وسلامتكم

[الطائر المهاجر]

وعليكم السلام
هلا بك طلال
النشر في الهمس يتطلب الإسم الثلاثي الصريح
وروابط نشر قصائدك في مواقع اخرى
تحياتي

[طلال العازمي]

طلال فالح بن الرشيدية

وشكرا

[نجم الإبداع]

ارحب ياطلال

وصح لسانك على المصافحه الراقيه

لاهنت

تقبل مروري

وودي

[الطائر المهاجر]

ما يكفي ياطلال
عطنا روابط لقصائد اخرى من مواقع اخرى وبنفس الإسم مع توضيح الإسم الثلاثي الصريح
لاهنت
تحياتي

[عمر ال شيبي]

صح لسانك ومرحبا بك

[الطامي]

طلال صح الاسنك ملايين
جزلة وطيبة وبداية معنااطيب
والأسم الثلاثي مطلوب حسب التعليمات
شكرا لك

[داعي الشوق]

صح لسانك يالشاعر طلال

و حياك الله يالغالي

مصافحة طيبه

و حضوور جميل

و صح لسانك ملايين

و يا هلا بك

،،،،،،،،،،،،،،،،،

[سناعيس]

صح لسانك ياطلال
مصافحة اولى جزله
لاهنت

تحياتي

[سعود العضياني]

ارحب ارحب ارحب

وصح السانك وبيض الله وجهك


نص جزل من شاعر جزل

لله درك

دمت ولاهنت