من غيرها يمون

[ابراهيم غضيان الشراري]

قالوا تمون وقلت من غيرها يمون= سلمتها مفتاح قلبي بيدها
قولوا علي صايع وضايع ومجنون=ماهو مهم أهم شياً سعدها
كم بالبشر جاحد وحاقد وملسون=وكم بالعذاراء من تجاهل ولدها
مير الغلا ملعون ملعون ملعون=خصن الى شفت بعيونك جحدها
كم عشت في حب الغنادير محزون=وكم عاشت الروح الحزينه نكدها
وأنا الوفاء طبعي من احساس وشجون=كذا من الله والصفات أحمدها
وأنا أذا عاهدت مخلوق ماخون=شاعر وفاء والشوق حالي جلدها
ويوم أسمعت قصيدتي جات بالهون= امام حشد الناس تمشي وحدها
وأسترسلت من بوح الاحساس بلحون=وقالت فدتك الروح واغلا جسدها
أرفع لك الرايه بالاخلاص وأكون=الجارحة والمخلفه في وعدها
=الشاعر/ إبراهيم بن غضيان الشراري

[داعي الشوق]

صح لسانك و طاب حالك يالشاعر

و من يلومها ..

ابدعت ولاهنت و طابت معانيك

-----

[احمد الكثيري]

اخوي ابراهيم قلت لك من السابق تعيدني لذكريات شاعرنا الرائع
جاسر بن غضيان الله يمسيه بالخير
وفقك الله تعالى

[الرضيان]

إبداع في إبداع
وقصيدة رآئعه
صح فكرك واحساسك
ولاهان راسك
تحيتي وتقديري

[عبدالله السويلم]

المشاركة الأصلية كتبت بواسطة ابراهيم غضيان الشراري

وأنا الوفاء طبعي من احساس وشجون=كذا من الله والصفات أحمدها
وأنا أذا عاهدت مخلوق ماخون=شاعر وفاء والشوق حالي جلدها
ويوم أسمعت قصيدتي جات بالهون= امام حشد الناس تمشي وحدها
وأسترسلت من بوح الاحساس بلحون=وقالت فدتك الروح واغلا جسدها
أرفع لك الرايه بالاخلاص وأكون=الجارحة والمخلفه في

صح لسانك

الله الله

شاعر جزل بدون مجامله

ابدعت وامتعت

تحياتي لك

[الطامي]

الشراري
صح السانك ملايين
فعلا من غير الحبايب يموووووون
لله درك مأعذب ماتقول
شكرا لك

[حي الضمير]

صح لسانك ملايين
قصيده رائعه وابدعت
بارك الله فيك

[نجم الإبداع]

ابراهيم الشراري

صح لسانك

مبدع

انت

[غازي الفكر]

الله الله
راقي ..بهذه الصور الشعريه الجميله
ممتع ..بهذا الحضور وهذا المعنى
والذي اشبه بطيب عتيق ..يفوح في ارجاء
المكان ..لاحرمنا ابداعك ..ورقي افكارك
دمت للرقى عنوان ..وللاذواق ممتع ورائع
تقديري واحترامي

[منيع]

كل الروعة والابداع
تحياتي لكم