ماجد ومتعب تفضلا

[الطائر المهاجر]

بين ماجد ومتعب طار طيرٍ مهاجر = كلٍ من قال اصيده ما لقى إلا غباره
طايرٍ والفطاحل في يمينه خناجر = لو بغى الشمس ياصل طايلاتٍ شباره

[متعب المتعب]

يمكن اني رحمته يوم شفت المحاجر=دندن الهاشميه عن يمين الزباره
والا انا لو بغيته لو وصل حول ساجر=لازهمته يجيني بس مابغى اختباره

[الطائر المهاجر]

وينك يا ماجد .... تراها ثلاثيه

[ماجد المهدي]

اسفين على التأخير والمرض زاد عن حده وان شاء الله اكون فهمت مقصدكم ورديت صح

يا هلا فالمهاجر بالقوافي مشاجر = طحت يا خوك باللي يفهمون الاشاره
لو أسد فك فكه قال انا اليوم زاجر = قلت خله يولي واعتمدت العباره

[صعبة المنال]

سلا مات يا ماجد ما تشوف شر


صح لسانك

متابعه

[متعب المتعب]

المهاجر تأخر والسبب صار تاجر=طوطحتبه هالاسهم والتجاره خساره
بعدها شوف حاله غارقن للحناجر=ياما ياما نصحته من بحور التجاره

[الطائر المهاجر]

ظنك اخطا مكانه مشتغل ما اواجر = فاتحٍ لي مكيتب للعقار بعماره
حكينا بالأرانب قبل تبدا الدياجر = والكمسيون عالي مايسبب خساره

[متعب المتعب]

جعل ربي يزيدك ماحسدتك وضاجر=والمكيتب عساه يصير مكتب بداره
والأرانب تعشت واكتفت بالطناجر=ومن بدا الليل يمسي ادخلنّ الجحاره

[عبدالله راشد الثويني]

صح ألسنتكم ثلاثتكم

بحور في الشـعر لا يسعني الا أن احييكم واقف مشاهداَ لهذا الابداع

[الطائر المهاجر]

اتسلى بهرجي عن سواليف فاجر = لاعب في الخلايق يحسبنه شطاره
عقب ماطار رزقي بالسهو لاالخناجر= في تداول لهفنا ما حمتنا الاماره