لا تشغل البال الأمان والربيع العربي

[الطائر المهاجر]

لا تشغل البال دامك عايشٍ في امان= واقنع برزق مقدّر ياصلك او تجيه
ولا تنخدع بالربيع ولو عطوك الضمان= كم من ربيعٍ تحول نقمه لصانعيه
الدم لين الركب والتفرقه والهوان= والكل اصبح زعيم ومحد يقدر عليه
والضعف انهك جيوش بلا سيوف وسنان= والفقر والجوع يلغف من وقع في يديه
خطه بليل تدبّر واضحه من زمان = من فكر مستعمرٍ غيّر لباس ووجيه
كلما بدا العرب باستقرار جاه الجنان= ورفع شعار الخديعه مخفيٍ ما يبيه
كذبة حقوق انسان تعلن باللسان = يخفي وراها سموم ومدخل يبتغيه
تفتيت ارض العرب باكفها والبنان = وبث الشقاق وكأن الأمر له يحتميه
عقل العرب ف الوهم مابين كنا وكان= وكلٍ يرى إنّه حكيم والبقيّه سفيه
العقل انك تفكر في وضعنا باتزان = ولا تنجرف في طريق الغرب يبغاك اليه
اصمد بدارك وعزز سقفها والكيان = بالفعل تنتج وتبدع في كل امرٍ تليه
فالدار بالفرد تعلى في كل وقت واوان= ومهما ترى من قصورٍ فلا تركز عليه
فالكامل الله يجازي بالسيئه والحسان= ومن كان به من فسادٍ لابد ما يبتليه
ودامك بأمن وأمان فأنت بافضل مكان = نعمه تبي شكر للي كلنا نرتجيه

[داعي الشوق]

الله يديم الامن و الامان على بلاد الاسلام و المسلمين

و يرفع الكرب عن كل مسلم

و صح لسانك حتى ترضى يا دكتوور

صوره جميله رسمتها لنا في معاني رائعه

دمت و دام ابداعك

[عبدالله الشويمان]

صح السانك واعتلا شانك

نص رائع مثل عاداتك

دمت بخير ولا هنت

[ساهر الليل]

صح لسانك ياعود على

روعة الكلمه وجمال الحرف

قصيده لها رونق خاص وحكم

دام نبضك الفاخر كما انت,,,

تقبل مروري وتقديري

[الطائر المهاجر]

شكرا داعي
على كريم الحضور والتفاعل
لاهنت
تحياتي

[الطائر المهاجر]

شكرا ابو بدر
على كريم المرور
لاهنت
تحياتي

[عاشقة السحاب]

لا تشغـل الـبـال دامــك عـايـشٍ فــي امــان

واقـنــع بـــرزق مـقــدّر يـاصـلــك او تـجـيــه

صح لسانك وفكرك

[حرف وشعر]

صحيح الكلام 100
%100

[سعيد عوده الحويطي]

الله يديم الامن والامان على بلادنا ويحفظها من كيد الكايدين وصح لسانك يادكتور والله هذه هي الحقيقة التي يدركها الكثير ولكن لا حول ولا قوة الا بالله تقبل مروري ولك تحياتي

[الطامي]

ولا تنخـدع بالربيـع ولـو عطـوك الضـمـان
كـــم مـــن ربـيــعٍ تـحــول نـقـمـه لصانـعـيـه
دامـك بأمـن وأمـان فأنـت بافـضـل مـكـان
نـعـمـه تـبــي شــكــر لــلــي كـلـنــا نـرتـجـيـه

الطائر
صح السانك ملايين
ابداع من عقل راجح لافض فوك دكتور
شكرا لك