رد: الصفوف الاولى بالفطاحله

[سالم منصر الجعيدي]

سلمت أيدي الجميع....=
صعبة المنال تقول التقدم او المقدمه شكلها نسائيه

وانا اقول صار لي مده ماكتبت شعر وحبيت اشخبط شوي بكم بيت

.........

صعبة منال تقول يالربع وتطول=لكن نشوف اللعب هجمه ورده
معقول أصير بأول الصف معقول=ولا مجرد حلم لا نمت أهده
ماهوب ظني بس أبجلس على طول=لزقه بصدر المنتدى او بخده
يمكن تجي في يوم وتغيّر الحول=ومسك عنان الجافله بعد مده
واصير انا قدام ماني بمنطول=والتاليه تحرم عليها الاشده
ظمر وشد وكد ياطالب النول=وره الاصابع وانت يالذيب قده
اكيد تصبح باول الصف منقول=من جد يحصد كل ذربه بجده
وانا معك من شافني قال معقول=ولا مقيّد مافلت غير يده
عد الروى ماهوب ياتي على طول=أكرب حزام وراسك اليوم شده
لين الظوامي تاصل العد وتصول=واشعب ركابك لا تضرا برده
صافي المشارب ماتبي هرج معسول=ولا تجيلك دام باليد ورده
لازم بيدك سيف يالذيب مسلو ل=ولا فخل العد وانهج لجده

والمعذره على خشتي ذي اللى مادري شلون جات خشيت عرض

[الطامي]

الجعيدي
هاذي قصيدة تحدي ومثابره
صح السانك
واشعب اركابك خلك محافظ على المقدمه
لاهنت

[عذب القوافي]

صح لسانك

اخي / سالم

ابدعت يالغالي

تقديري ,,,,,,,

[حوريه]

سااالم ....

شخبطه جميله

تسلم الأنامل

ولااااهنتــــ.......

.

الجعيدي
صح السانك مدد بلا عدد

صح الساانك حتى ترضى

قصيده جميله

سلمت

[زهرة اللوتس]

الجعيدي
صح لسانك
سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[صعبة المنال]

صعبة تقول

هذا تحدى ولعب له اصول
ان كانت تقدر عليه صده
خل سيفك يا سالم مسلول
دامك على الحروف تقوه



صح لساااااانك


صعووووووووووب

[نجم الإبداع]

تاه الجعيدي وارسل الحرف مفلول=يرسم صور بالمنتدى مستجده
ناظر في الصف الامامي على زول=ماشاف غير الرائعه مستبده
واقبل ينادي من يبي جرة الفول =ماشاف غير العود صحنه بيده
والمركز الاول خذته ام محمول = الي لها في كل جوله ملده
نادى لصعبه قال ماني بمسئول=قافي تهيض والهدف جاء بقده
مادري الجعيدي غار والا معه قول=والا يبي يمدح عملها بحده
والا يبي من كفها صحن معمول=غنى بحرفه وارتطم حول حده
قولو لسالم شغل ناقل ومنقول=والمجد مايبلغه راعي المخده

[محمد عبدالله البدراني]

ههههههههههه


سالم الجعيدي


سلمه الله


يعشق الاثاره اين ماكان


وقصيده مثيره فعلا ولكن مثل ماورد بابيات القصيده الدعوى تبي عمل ماهو كلام وبس



مليون صح السانك


وعلا شانك



تحيتي وتقديري

[الخنساء]

صح لسانك ولاهنت
ابيات جزلة من شاعر رائع
سلمت ودمت بخير