محاورة ليلة الثلاثاء 24 ربيع 1

[الطائر المهاجر]

المهاجر=
انا وصنداح على عايض وابو مياس= نباها حرب والسنعوس والحافي يحكمها
صنداح=
اناشوفك يابن سرحي تحاول تقشط الهنداس = ولا ياويل حالك من ذنوبه لو تحملها
المهاجر=
اذا من شفت لك عودٍ اذا يمشي مشى بامراس= فهذا عايض المذكور والمشيات يفهمها
ولكن انتبه لايصدمك فالعود فيه نعاس= وجنب طرقته تسلم على حالك وسلمها
عايض (الصريح)=
على الارض يادكتور والا على المحماس=مااكّرم لحى اللي لحيته مايكّرمها
صنداح=
ذيابن يالمهاجر ماتبي غير الشحم والراس= اشوف افعلها بيدينها والدم في فمها
المهاجر=
ولكني اخبرك دايما في مشيتك محتاس= تشوف الهايشه تركض وودك لو تسممها
عايض=
بعيد الهاقوي ياولد واتعب الغطاس=ونفس الضعيف من الرياجيل نكتمها
المهاجر=
وابو مياس لو انحاش اظنه واصل للياس= على البغله سرى ليله واخاف انها يعمعمها
اظنك يالصريح اليوم تبغى تعلن الافلاس= ولو جاء منك مانكره تراك انته تذممها
عايض=
مااحب المنافق يارجل واكره البلاس=والابواق لن حادت عن الحق الجمّها
المهاجر=
اخبرك مكرفون يزعج المرار والجلاس= الا ياحسرت اللي منك اذنه ما يكممها
ابومياس=
الا ياعود قم وارقد وخل القشط مالك ساس= تخصص ماتجي حوله وابوفايز يصممها
صنداح=
انا ابى اذبح جحا وانته عليك بذبح ابو نواس = تزين السالفه ولا نبي معهم نعدمها
ابومياس=
تحسب القشط يامهرقل تعرفه وانت لك حراس= لحالك دايمٍ تهرب ولاتواجه بمحزمها
المهاجر=
ذبحنا اللي يقول انه نوى يذبح ابن هنداس= وما باقي سوى الأرنب ايا صنداح علّمها
ابومياس=
ترى قافك بدى يرقل مثل راعيه يوم احتاس= تعدل البحر يامخرف وخذ بيوتي تعلمها
صنداح=
سوالفكم كثيره ياجماعه مالهن قياس = لكن لياوصلنا سلم القاله نعلمها
المهاجر=
ابن هنداس يابومياس معاه العلم بالمقياس= فلا هو مثل من يمشي ودربه ما يتممها

[الطامي]

صح السنتكم
قافية طيبة من الجميع
شكرا الطائر على النقل
ولاهنت

[النهج المختلف]

لاهنتوا صح اللسنتكم جميعا


تحياتي للجميع ...

[داعي الشوق]

صح لسانكم يالفطاحل

محاوره ممتعه وشعار كبار

صح لسانكم ،،،

[عبدالله المسعودي]

صح لساان شعرائنا ..؛
وشكر1 لكم ..؛

عافاكم الله

صح لسان من شارك

تحياتي

[السريع]

احسنت
ولاهنت
تحياتي

[المؤذن]

مشكور
على المعلومه الجيده
تحياتي

[البتار]

مشكور
على المعلومه الجيده
تحياتي

[نديم الحيارى]

بارك الله فيك
كتبت فقرأت فاستفدنا
تحياتي واحترامي