-((لاتكون القشه اللي كسرت ظهر البعير))-

[مبارك الشهراني]

اختصار للمسافـــــات والهــرج الكثير
.............. وضـــح المطلــــوب ولا تكــثر بالكلام
لاتكون القشه اللي كسرت ظهر البعير
.............. ليتك تقصر خطا الرجــل وتكف السلام
الحقيقه واضحــــه لكل رجـــال بصير
.............. نورها واضــــح ولا يختفي تحت الظلام
منيتك لو كــــان تدفــع حياتك ماتصير
.............. وكل مايطـــــري على بالكم أصبح حلام
الظروف القاسيه حددت نوع المصير
.............. وكل شخص حـــــر فالاختـــيار ولايلام
ليت لي جنحـــان واغير الديره واطير
.............. ديـــرة ما أرتحـــت فيها ولا ذقـت المنام
والله اني شفت ماعفت والموقف خطير
............. شــــفت لي ناس تخلط الحلال مع الحرام
شفت بعض الناس كنه على الشينه اجير
.............. كن يـــاخذ راتبـــه لجــل يفـتن في الانام
والله ماعنده كــرامه ولا عنـــده ضمير
.............. شـخص ماعـنده كــرامه يضيَع الاحترام
الله لايجـــزاه بالخـــير ماعـــنده شوير
.............. مالقـــى مـــن ينصحـــه او يعنه بالخطام
مايشوف الدرب قدام عينــه هالضرير
.............. والله ان انســـاه وابصــــم بختمي والبهام
احسبه عاقل وراكز وثر عقله صغير
.............. واحسبه صادق معي واثـــره الد الخصام
وكان يوهمني بشخصه يقول انه كبير
.............. ساس طيب وســاس عز ومن ربع حشام
وكنت انا من طيبي اصدقه بالي يصير
.............. لــــين لبســـني ثيـــاب الــــــردى والاتهام
مادريت انه حثــــاله وفي طبعه حقير
............... لـــين قلدنـــي مــن الاتهـــام اعلى وسام
النذاله مـن صفـــــاته وهو فيها خبير
............... حتى في شهر المغفره وفي شهر الصيام
مهنته بواق لا اهل الردى اكبر سفير
............... كاســـب فيهــا مهـــاره درســـها بانتظام
والله اني صابر وشفت من شينه كثير
.............. ونتـــرفع عن كــــثير الخطــــأ ولنا مقام
الله ينصرني عليه انه الـــــرب القدير
.............. يوم يجبرني على الشــين واعدمني عدام
صابر طــــول الليالي واحللها وادير
.............. وكل يـوم يســن ســــــيفه ويقطع بالسنام
اختصار للمسافـــــات والهــرج الكثير
.............. وضـــح المطلــــوب ولا تكــــثر بالكلام
وسلامتكم
ابو خااااااااااااالد

[الطامي]

ابو خالد
يسرني ان اكون اول راد على هذه القصيدة الفذه
لاهان راسك وصح السانك
والله ينصرك اميننننننننننننننننننننننننن

[نجم الإبداع]

ارحب يامبارك


صح لسانك على المصافحه الوافيه


لاهنت شاعرنا

فائق الاحترام

[ماجد المهدي]

صح لسانك يا ابو خالد

صابر طــــول الليالي واحللها وادير
.............. وكل يـوم يســن ســــــيفه ويقطع بالسنام

قصيدة جميله ومعاني جزله يسلم راسك ويقويك الله وينصرك

تحياتي لك

ماجد المهدي

[ابومالك رسام]

نعم يسرني ان اتواجد هنا وبكل قوة
وللامانه انا مستفيد من حضوري إلى درستك يا استاذي
ابوخال بيض الله وجهك والله اني استمتعت بكلامك وطاب لي البقى
سلامي لك من القلب يابو خالد

[الأموره]

صح لسانك ملايين

سلمت و سلم فكرك ،

الف شكر لك ،

دمت برعاية الخالق ،

مبارك الشهراني

صح لسانك

ابيات جزله ووافيه لاهنت

لك الشكر والتحيه

[وجدان القلوب]

ليت لي جنحـــان واغير الديره واطير
.............. ديـــرة ما أرتحـــت فيها ولا ذقـت المنام

مبارك الشهراني صح لسانك....بشعرك الراقي...

[مبارك أبوظهير]

السمي ..



صح لسانك .. وقواك الله




تحياتي لك




مبارك

[ابومياس]

ليت لي جنحـــان واغير الديره واطير
.............. ديـــرة ما أرتحـــت فيها ولا ذقـت المنام

ابوخالد

انت جزل وهذا لايختلف عليه اثنان

انا هنا للاستمتاع برقي الحرف

صح لسانك وبيض الله وجهك

دمت بخير