مهره وعـز الله ماهـي ذليلـه

[ترانيم المطر]

قبل الفجر يستنشقـك يالمعانـي=قلّبت صفحاتك وأنا في مكانـي
صفحات بيضا تعجب اللي قراها=أحرف عظيمه يا سهيل اليماني
راجعتها ما أختل فيها ولا بيـت=عدلتهـا والجمتهـا بالعْنَـانِـي
مهره غريبه طوّعت دون سايس=طوّعتهـا وأغرقتهـا بالحنانـي
روضتها بالطيب والطيب كايـد=حتى تحدت كـل قـاصٍ ودانـي
مهره وعـز الله ماهـي ذليلـه=تبعد عن دروب الهوى والهواني
وسمتها في وسم مخفي ولا بان=يوم إن وسم الغير يصبح بيانـي
سميتهـا وأعليتهـا بالكنـايـه=عزيتها مهره وبنـت حصانـي
تركتهـا ترتـع بخصـبٍ وافـر= راهنت فيها وإكتسبـت رهانـي
ترجح بميزانـي نهارأستشيرهـا=لاتخالـف لشـوّري ولاتنسانـي
حازت وصوف الطيب لين الهامه=لين إعتلت وأضحت كما برزانـي
قامت تزمجر في سماها تـرزم=دوا رعدهـا زانـت الوديـانـي
غاصت بلج البحر ماهي خبلـه=حازت وصوف اللول والمرجاني
لي الشرف في ذكر أبوها وجدها=سليل مجـد ولا بتـه شجعانـي
أخت الرجال اللي تعلا صيتهـم=اللي يجازون الحسـن بحسانـي
ما يعيبها شعـرٍ تقولـه بينكـم=دام البنا قايم علـى سيسانـي

[محمد عبدالله البدراني]

حجز فخم لعودة تليق

[عبدالعزيز البليهد]

الله عليك واصالة مهرتك

كفو يابنت الرجال

صح لسانك ولاهنتي

[عبدالله مذكر العقيلي]

ياسلام عليك

والله ومليون نعم

نص شامخ

صح لسانك

والله لايهينك

دمتي متميزه



تحياتي وتقديري

[الخنساء]

صح لسانك مليون ولايكفون

قصيدة جزلة من شاعر جزل

سلمت ودام حرفك

[نفحات حساسة]

الله الله

صح السانك مدد..وكفو والله

سلمتي وسلمت يمينك

يعطيك العافيه

تحيتي لكي..

[سعيد الصاعدي]

الاخت الفاضله / ترانيم المطر
صح لسانك لاهنتي
نص شعري رائع
من شاعره متمكنه
تحياتي
أخــــوك
س / ص

[حي الضمير]

ياسلام ابدعتي شاعرتنا الرائعه ترانيم
وعوايدك يامميزه
ومليار صح لساااانك

[عيدالماجد]

صح لسانك تحياتي

[الـزلـزال]

ترانيم المطر
بوح مميز وجميل
من شاعرة متميزة ورائعه في كل ماتقدمه
مبدعه شاعرتنا وممتعه في كل ماتبوحين به
دمتي ودام نبض بوحك
صح لسانك ملايين ملايين
ولك فائق تحياتي وتقديري