بالعالم الثالث فرص كل نصاب

[الطائر المهاجر]

بالعالم الثالث فرص كل نصاب = من كل دلخٍ لا ضميرٍ ولا دين
من دون علم ولا تجاره ولا اتعاب= يصير له شان ويجمع ملايين
يشري شهاداته من ديار الاجناب= دكتور عالم في جميع الميادين
ويلفي على دلخٍ له ضلوع وانياب= وياخذ مشاريعٍ ببعض البلادين
هذا جسر وهذا مطار له قباب = وهذي بيوت ضعوف باقساط او دين
ولا صار سيل وانكسر جسر او عاب= يحميه دلخه من جميع القوانين
وان كان ضف السيل حاره للاشناب= هذا قدر في شرعنا يالمسلمين
وهالنوع بالمشفى يقدم للاطباب= عينه على جيب المريض المسيكين
مواطن ووافد ولا خاف او هاب= يلعب بخلق الله يزيد الجثامين
مثله مثل تعليم يخرج لطلاب = واستاذهم شاري الشهاده بفلسين
محاضراته نسخ من بحث وكتاب=ولا جاء يصحح سقط اللي طموحين
ويمكن يصل يومٍ الى عال الاعتاب= بالفهلوه والنصب ضمن المهمين
يصدر قراراتٍ مهمه ولا صاب= ويسرق وينهب مع جموع السروقين
مضبط اموره بين صحبه والاقراب= ولا من شبع يمشي بعد عدة سنين
وشلات كيسانٍ بسهرات الاصحاب= عصابةٍ تخدم بعضها بتمكين
كلٍ يقرب صاحبه عند الارباب = والنهب كسبٍ قسمته بالموازين
والمشكله من يلبس الدين جلباب= جاب الشهاده بالهدايا بعد حين
وصل القضاء واصبح مخاوز للاحباب= ومن يدفع اكثر يكسب الطاق طاقين
ولا من كشف والم بعذره والاسباب= مسكون من جنٍ تبعهم شياطين
في مجتمع ضيعه ماكر ونهاب = يرجع ورا وغيره يعلق نياشين
من دون حزم وربط في كل ماناب = العالم الثالث يدحدر الى الفين

[منيع]

ههههههههه
الله يستر منك ولو انك صادق بنطلق عليك شاعر العالم الثالث بدل شاعر العثمنيات
تحياتي لكم

[بنت النور]

فـــي مجـتـمـع ضـيـعـه مــاكــر ونــهــاب
يــرجـــع ورا وغــيـــره يـعــلــق نـيـاشـيــن
مـن دون حـزم وربـط فــي كــل مـانـاب
الـعـالـم الـثـالـث يــدحــدر الــــى الـفـيــن


صح لسانك وعتلى شانك
ياشاعر الفطاحله
يعطيك العافيه
لاهنت
تحياتي لـ سموك

[خالد محمود الفردي]

لم أكذب ولم أنافق عندما قلت ان واقعية شعرك تفوق خيال كل الشعاراء في الجمال

روعة

صح لسانك يا دكتور ولا رهنت ..

[داعي الشوق]

الله يعين يا بو عبدالله

ابدعت فيما طرحت و صح لسانك و فكرك

ولاهنت

[نجم الإبداع]

صح لسانك يادكتور

هذا هو الواقع ورفقا بالدلوخ هههههههههه

لاهنت

[حرف وشعر]

نعيب زماننا والعيب فينا وما لزماننا عيبٌ سوانا
ونهجو ذا الزمانَ بغير ذنبٍ
ولو نطق الزمان لنا هجانا
وليسَ الذئبُ يأكلُ لحمَ ذئبٍ ويأكلُ بعضنا بعضاً عيانا
آذا انصلحت أعمالنا نحن سوف تنصلح أحوالنا ،،
نص يحكى واقع الفشل الذى تعيشه الأمة ،،

[الطامي]

الطائلر
صح السانك
ابداع متجدد ووصف لاغبار عليه لافض فو ك
شكرا لك

[عبدالإله]

صح السانك وسلم قلبك
مودتي لك و احتراماتي

[سعيد عوده الحويطي]

صح لسانك يادكتور. باختصار هذه القصيدة محاضرة شامله عن العالم الثالث