خبروووني

[مجدي صالح المبارك]

خبروني يا هل الألبـاب عنهـا=ياترى تسأل بعد هـ /البعد عنّي
ياترى من هاجرت تذكر وطنها=بين أنفاسي وتنهيـدي وأنّـي
والله ان القلب مشطورٍ ومنهـا=مابقى بالراس ساكن غير جنّـي
والله ان باقي تحت رحمة رسنها=الشعور اللي دمى رحم التمنّـي
والله ان العيش في ذمة سجنهـا=أنتهك حرمة شفاي و غار سنّي
والله ان الموت لو ياخذ أذنهـا=قلت له تامر من العينيـن ذنّـي
ليتها أمّي وانا حسبـة أبنهـا=آتحايل برهـا و تقـول عِنّـي
ليتني دمعه على ضفـة جفنهـا=أغتسل في موقها واسهر و اغنّي
ليتني حاجب وهي تامر وتنهـى=وانحر اشواقي على حد التجنّـي
ليتني ياليتنـي شـيٍّ ضمنهـا=و انصب ظلالي غلا وتكون منّي
آه ياجرح المفـارق ياشجنهـا=كلما منّيت طرفي خاب ظنّـي
أنقضي عمري على دكّة زمنها=حسبي الله في هواها اللي غبنّـي
يا ملاك الروح في رجوى كفنها=كثر ماحنّيت لك تكفين حنّـي

[العصفور]

شكرا لإمتاعنا بإبداعك
لاهنت
تحياتي

[داعي الشوق]

يا سلام عليك يا بو صالح

و صح لساانك مليووووون يالشاعر

ابداع متجدد و جزالة مطلقة

لله دررك

و صح لسانك

ولاهنت

*************

[الطامي]

مجدي
صح السانك ملايين
رائعة جدا
لاهنت اخي

[حي الضمير]

صح لساااااااااااانك يامجدي
قصيده رائعه وابدعت
سلمت يمناك

[الراقي]

صح فكرك

صح بيانك

ودام حرفك ..

و صح السانك

[زهرة اللوتس]

صح لسانك ونبضك
لاهنت
تحية طيبه

[عبدالكريم اليوسف]

صح لسانك يالغالي
جزله من راس جزل

والله يجمع شملك

لاعدمناك

[منيع]

ياسلام عليك يابومنذر
ابداع وتميز الى ابعد الحدود العاطفية
تسلم
كل الود والتقدير
تحياتي

[عبير الورد]

الله الله
صح لسااااانك ملايين
سلمت وسلم منطوقك الجزل
ربي يعطيك العافية