الحياة تعرية

[فايز بن جبيل]

صباحكم مطر ومسائكم شعر اتيت بها من الذاكرة عسا ان تنال الرضى



تكالبت من كل صوب

............. كني هدف لـ اسهامها

تعبت اجابه والجنوب

.............الاربعه بــي ضـامها

البين وسمومً تروب

.............اذا عصفت بانسامها

وقفت مثل الضلع نوب

.............في وجه ريح اركامها

ونوب/ ينحتني هبوب

..............التعـــريه واعــــوامها

يمكن سنيني ما تذوب

.............لكن تحـت عضامها

اللي مضى ماهو امحسوب

............والنفس قبل اسلامها

يغفر لها كل الذنوب

.............يالله يا عـــــــلامــها

جيتك وفي امن العيوب

.............اللي سترت اجسامها

والعبد مادامه يتوب

............النفس تنسى اثامها

جـنبـت عن بعض الدروب

............والزمت نفسي اصيامها

ولو عابني خبلً كـذوب

............ رجـــولته ما رامـــــهــــا

تركه على مثلي وجوب

............لـــو بالـــيدين احسامهـــا ....



بعيد عنكم حفظكم الله ورعاكم


بن جبيل

[الطائر المهاجر]

ابعد الله عنك الهموم
صح لسانك ولا هنت
تحياتي الطيبة

[فايز بن جبيل]

د / عثمان بيض الله وجهكم

غانم وسالم من كل شر

شررررفتني

[داعي الشوق]

صح لساااااااااانك يا فايز

هجينيه طيبه و جزله من جزل

صح لسانك مدد

ولاهنت يالشاعر

[الراقي]

كتبت فأبدعت

وتألقت

بروعة قلمك و فكرك

صح لسانك

لك كل الشكر

[فايز بن جبيل]

حياك الله ياسعود لاهنت

شرررررفتني وعاش راسك

[فايز بن جبيل]

الراقي بارك الله فيك

لاهنت وعاش غاليك

شرررررررفتني

[هترل]

صح لسانك يافايز
ابدعت وامتعت يالشاعر


تحياتي وتقديري

[منيع]

اكثر من رائعة
رعاك الله
تحياتي لكم

[كظيم]

الله الله الله

فايز بن جبيل
صح لسانك وكلك يابعــــدي
قصيده في قمة الروعه والجمـال
والله يسعدك يارب
ويبعد عنا وعنك كل هم وحزن ويتوب علينا وعليك
ابدعت يالغــلا في هذه الشامخــه
تقبلني وتقبل مروري المتواضع لاهنت
ودي وتقديري