غرور

[سمّار]

مغروره ..أسألك؟ لاتَبْدَين إجاباتك../=\..عنديْ الاجابه وانا شاعر عرف دوره
ادري وربي تواضعك أكبر بذاتك../=\..من كل ما قيل ..بسّ الناس معذوره
تكفيك طيبتك في صدق ابتساماتك../=\..وإنك بحبك لكل الناس مشهوره
وان الضغينه على مخلوق ماجاتك../=\..والخير ودّك يفيض بكل معموره
والناس تلمس حنانك من يديّاتك../=\..كنك برفقك لهذي الناس دكتوره
ورغم هذا ففي حكْيِك,وفي سكاتك../=\..الناس توقَف اذا شافتك مبهوره
تصغي المسامع تعانق كل كلْماتك../=\..وعيونهم تتبَعك وتجيك مسحوره
واللي يشاهدك وانتي باي حالاتك../=\..ودّه لو انه معك متصورٌ صوره
وكم شادنِ فاتنه تحفظ عباراتك../=\..من زود الاعجاب لو هي منك مقهوره
ورغم كون التواضع من حليّاتك../=\..مغروره.الخصله اللي عنك منشوره
تدرين بالسرّ وادري عنه ما فاتك../=\..دلالك اللي بمقياسه صنع ثوره
الصدر وضعه حكى مبدأ طموحاتك../=\..متوجهٌ فوق له هيبته وحضوره
وغرور وقفة نهودك ضيّق عباتك../=\..كـَـنْهم سلاطين جت من حرب منصوره
بعض الغرور انصهر في سكر شفاتك../=\..يعْديني احيان واتعامل بمنظوره
وعيونك الناعسه في ثقل نظراتك../=\..سيوف خلّت قلوب الناس مخطوره
والغطرسه عرشها مركزه وجناتك../=\..راهيْ الخدود ابرمت عهده ودستوره
وشَعْر وارداف تتمازح بخطواتك../=\..نزّله..شاله, حرير ٌ فوق اباجوره
يعني الغرور امتزج حتى بهمساتك../=\.. تكوينك انتي كذا وعليه مفطوره
وادري ماهو شئ يدخل في ملذاتك../=\..من طُهْر روحك ومن طيبتك مسروره
ورغم كون التواضع من سجيّاتك../=\..الناس لا بُكره عنْك تقول مغروره

[داعي الشوق]

الله الله يا بو هاشم

وش هالفاتنه ذي ؟

صح لسااااانك مليوون

ما خليت شيء في الوصف

ابدعت ولاهنت

وصح لسانك

*****************

[الخنساء]

صح لسانك مليووووووون ولايكفووووون

قصيدة جزلة من شاعر متمكن

سلمت ودام حرفك

[حرف وشعر]

نص باذخ ياسمار صح كلك يالجزل

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[منيع]

كل الروعة والابداع
تسلم ياسمار
ودي وتقديري

[عمر ال شيبي]

كل الروعه
جزله من جزل
صح لسانك سمار

[روح الشعر]

صح لسانك يابعدي

ابدعت وامتعتنا


تقبل هدوء مروري

[الطامي]

سمار
صح السانك ملايين
رائعة جدا
لاهنت اخي

[عبدالعزيز العمار]

صح لسانك ياسمار وسلم منطوقك

إبداع وجمال وحرفنة شاعر تفوق الوصف

تحياتي لك