النفس لقمه والمنايا خواطيف

[سعود القت]

ياللي تنشد ماعليّه تخاليف = ولنته مداوي مقلتي من رمدها
عايش بغفله في علوم وسواليف = وانا لياليّه توالي هددها
أفز للمعروف وافز للضيف = واثني الجميله لو عميلي جحدها
واقدّر اللي له عليّه معاريف = وربعي خطيتهم تموت بمهدها
واثني بوقت اللازمه والمواقيف = ولحدٍ ذكر في قمةٍ ما صعدها
ودنياي عيّت لا تجيلي على الكيف = باحت خفاي الله يبيد جهدها
لو جيت اوصفها عديمة تواصيف = المسعد اللي ما يجي في نصدها
تغنج وخلق الله عليها مشاعيف = تمدهم بحبالها وتعقدها
دايم مخالبها حدادٍ مهاديف = وان مست الاطناب تثبت وتدها
والنفس لقمه والمنايا خواطيف = ومن هاب له من غبةٍ ما وردها
ويالله في نوٍ قنوفه مراديف = براقها يلمع ويرزم رعدها
تاخذ ثمان ايام سحبه مقانيف = حقوق وسميه بحيلك مددها
غثو المسايل بالشجر كنه الليف = ديموم سبلٍ مختلط مع بردها
منه المحاجر والخباري مذاريف = وامزونها تردم ويكثر لبدها
لين ام سالم به تجر الغطاريف = وتنسابه النفس الشقيه نكدها
وبعد اسبوع يفع نبت الشفاشيف = وتسمن به العرا وتطنخ ولدها
ولاعد تجيب البدو طار المعاليف = يا ونسها يا فرحها يا سعدها
تتبع هوى شقح البكار المشاعيف = بدوٍ ومفتاح الجمايل بيدها
والعمر عدٍ والليالي مغاريف = والنفس ما يشبعها الا لحدها

[عبدالرحمن الصباح]

والعمر عد والليالي مغاريف= والنفس مايشبعها الالحدها= صح السانك اخوي قصيده جزله

[الريم]

الشاعر القدير/
سعود القت
صح السانك
صح فكررك
سلمت يمنااك

قصيدة قمممه مشا الله تبارك الله

يعطيييك العاافية

[كريمة محمد]

راااااااااااااااائع ما ابدعت اخى سعود التقت
قصيدتك فى منتهى الروعة والابداع وربى
تسلم لنا اناملك يالغالى
ودمت ولا هنت
اختك
كريمة

[الصريح العتيبي]

الاخ/سعود.القت.........سلمه الله
ابدعت..ابدعت
جزله.وانت راع الجزاله صح لسانك
اعتلاء شانك
دمت مبدعاّ ومتالقا
تقبل مروري وسجل اعجا بي والى الامام
تحياتي وتقديري

[الخنساء]

صح لسانك اخي الشاعر سعود

لاهان راسك قصيدة رائعة

سلمت وسلم شعرك

دمت بخير

[منيع]

ابيات رائعه
دمت مبدعا
تحياتي

يسلموووووووووو اناملك كبيرنا سعود
قصيدة روووعة
الله يعطيك الف الف عاافية
ولك منى فائق التقدير والاحترام
تحياتى لك

[نجم الإبداع]

الجزل


سعود القت


صح لسانك وقلبك

نص راقي كالعاده

لاهنت

تقبل مروري
وودي

مشكووووووور اخى سعود
على هذا الابداع
قصيدة عن جد روعة وقوية من شاعر متمكن
تسلم خوى
ودمت بود