اولاد إبليس

[محمد اسماعيل الرفاعي]

يــا مدسوس الزمن العاتم خلف رُكام السحب القاتم
عارف برقك خُلّب وعاوز تشلع مطر الحِن كيفن ؟
يا منزوع القلب النابض وخايف من الأسد الرابض
وشارب علناً كاس من فودكا وكاس من جن
يا ممسوس الجنّ الأكبر سادر في الفارغات تتمظهر
جناً طالع منّك حيّر حتى شيوخ الجن
يا مخدوع الكرسي الأشتر جيت بي سيفك عامل عنتر
تحتك لهب الجور إتحكّر
لهلب جوراً خلى الحجر الساكن
في واطتنا يئن
يا مغشوش بالراي الأبتر كل تاريخ الخزي مسطر
وكيف خليت الزول الهادي ورايق
وواعي وراسي
ينتِّف شعرو يجِن
أنا بسأل فيك وانا وعارف
إنو الحيطة محال في يوم تتكلّم
وعارف إنو الجبل الراسي
عديم إحساس
ومحال في يوم يشعر يتألم
وعارف إنّو الفوضى السكنت في جواك
محال في يوم تهدأ وتتنظّم
شان إنتا خلاص ..
إحساس الزهو زمان غشاك
أصبحت عنيد
ماك شايف زول في الدنيا سواك
خالف رجليك
قاعد متحكِّر في ملهاك
خاواك شيطان مبهور بالعيشةحِداك ومعاك
بقى طول اليوم عايش جواك
زي ضُلّلك يوت بتمشّى حِداك
متحكِّم فيك ماليك للساس والراس
في القالوا كبير .. أو حتى وزير
لا خلى غفير لا شيخ حُرّاس
ورونا زمان .. إنو الإنسان قبل العشرين
بي زي سنتين
حسب القانون
بتعدّا خلاص من الراشدين
لكين بي وين ؟
مادام إبليس
خلّف جنيات
بينات الناس في الكون عايشين
واولاد الناس ..
هم التايهين في بحر الهمّ الليهو سنين
المارق منو بيلعن في الداخلين
والداخل بلعن في المارقين
من وحل الطين
وبيناتن ناس دايماً ظاهرين
في كل تشكيل
سبحان الله ..
زي الفاهمين
وهم ما عارفين غير التامين
وانا لسع بسأل في نفسي
يا ربي دحين ..
فاقد الإحساس
مخلوق من نار زي عيلة إبليس
أو زي الناس مخلوق من طين ؟

الجمعة 6 /8 /2010م

]

[داعي الشوق]

محمد اسماعيل الرفاعي

يعطيك العافية مع التقدير

أكيــــــد ،، فاقد الاحساس بيكون كذا و أكثر ،

جميل هذا الوصف

الف شكر لك

********

[مازن حجازي]

ولاد ابليس
المنافقون فى كل زمان ومكان
الهاربون من حياة البؤساء
إنهم لا يعرفون طريق اليأس
لا يذكرون قيم البؤس
إنهم احفاد الخونة
العابثين الفادمين من طريق اليأس



ابداع راق لي
دمت برعاية الخالق

[عرق الماس]

المشاركة الأصلية كتبت بواسطة محمد اسماعيل الرفاعي

أيــا مدسوس الزمن الغابر خلف رُكام السحب القاتم
خُلّب برقك يشلع مطر الحِن كيفن ؟
أيا منزوع القلب النابض
وشارب علناً كاس من ( ...) وكاس من جن
أيا ممسوس الجنّ الأكبر
جناً طالع منّك حيّر حتى شيوخ الجن
أيا مخدوع الكرسي الأشتر
تحتك لهب الجور إتحكّر
لهلب جوراً خلى الحجر الساكن
في واطتنا يئن
أيا مغشوش بالراي الأبتر
كيف خليت الزول الهادي ورايق
وواعي وراسي
ينتِّف شعرو يجِن
أنا بسأل فيكا وعارف
إنو الحيطة محال في يوم تتكلّم
وعارف إنو الجبل الراسي
عديم إحساس
ومحال في يوم يشعر يتألم
وعارف إنّو الفوضى السكنت في جواك
محال في يوم تهدأ وتتنظّم
شان إنتا خلاص ..
إحساس الزهو زمان غشاك
أصبحت عنيد
ماك شايف زول في الدنيا سواك
خالف رجليك
قاعد متحكِّر في ملهاك
خاواك شيطان مبهور بالعيشةحِداك ومعاك
بقى طول اليوم عايش جواك
زي ضُلّلك يوت بتمشّى حِداك
متحكِّم فيك ماليك للساس والراس
في القالوا كبير .. أو حتى وزير
لا خلى غفير لا شيخ حُرّاس
ورونا زمان .. إنو الإنسان قبل العشرين
بي زي سنتين
حسب القانون
بتعدّا خلاص من الراشدين
لكين بي وين ؟
مادام إبليس
خلّف جنيات
بينات الناس في الكون عايشين
واولاد الناس ..
هم التايهين في بحر الهمّ الليهو سنين
المارق منو بيلعن في الداخلين
والداخل بلعن في المارقين
من وحل الطين
وبيناتن ناس دايماً ظاهرين
في كل تشكيل
سبحان الله ..
زي الفاهمين
وهم ما عارفين غير التامين
وانا لسع بسأل في نفسي
يا ربي دحين ..
فاقد الإحساس
مخلوق من نار زي عيلة إبليس
أو زي الناس مخلوق من طين

الجمعة 6 /8 /2010م

الأخ العزيز محمد

مشاركة جميلة جدا,,

وللأسف كم نعاني من كثرة قليلين الاحساس

في هذه الأيام وهذا الزمان المتحسر على نفسه..

تسلم يدك يامحمد..

[الطامي]

الرفاعي
رائع جدا
والأفضل قولة الشيطان بدل من ابليس كما جاء بالحديث
شكرا لك

[عبير الورد]

سلم بوحك الراقي
يعطيك العافية

[الخنساء]

رااائع اخى الكاتب

ومااصعب العيش

بدووووون احساس ومشاعر

[نفحات حساسة]

رائع..

بوح جميل من انسان حساس

يعطيك العافيه..

سلمت..

[البتار]

شكرا لك
على الجهد الطيب
تحياتي

[الحويطي]

خالص الشكر والتقدير
على كل جهودك الرائعه
تقبل اطيب التحيه