حجر بركان

[عبدالله الشويمان]

السلام عليكم ورحمة الله وبركاته..

اليكم هذا النص من الارشيف.اتمنى ان يلاقي القبول.

طرت علي القصيده قلت انا ببدا=عوذه من ابليس ومن جا في مواريه
عوذه من اللي معاني كلمته مردا=صوره لأوصافه العفنات والسيه
طبيعته من حجر بركان في بيدا=شلاف نغله من الأنكاد ممليه
من فيه طبع النغاله ماترك بندا=ما جاز عنها لو ان الناس سلميه
ما زال يظهر خفايا الخبث بالعندا=نضح من اللي نفى بالسابق الليه
هذا دليـل علـى عقليةٍ جردا=ماهو دليلٍ على سيره مثـاليه
الناس صوب المعالي بالزمن سندا=ما تتبع الجاهليه والسفاهيه
والشعر حكمة وعلمٍ ينفع الفردا=على مرور الزمن لجيالنا الجيه
في حسن الاخلاق وعمالٍ لنا تبدا=من دين الاسلام ومن نفحاته الحيه
هذي هي ابياتي اللي قلتها سردا=للي بشعره نفث سمه كما الحيه
والله يهدي جميع الناس للوردا=هو هادي الناس الى جنات عليه

عبدالله الشويمان-الرعد

[ترانيم المطر]

شاعرنا المميز

لله درك ودر تميزك

الجزاله لا تأتي إلا من رأس جزل

دمت بود

ولا هنت

[عذب القوافي]

أبوبدر

صح لسانك

وافيه من وافي

تقديري ,,,,,

[داعي الشوق]

صح لسانك مستشارنا الغالي

و لله درررررك

مطلع الأبيات و مدخالها رائع جدا

و القصيدة بشكل عام ايضا

شاعر كبير و مميز في كل الحالات

( ياليت يا بو بدر تبحث في الارشيف مرة ثانية كود تلقى مثلها )

صح لسانك مع التحية لك

و التقدير

،،،،،،،،،،،،،،،،،،،،،،،

[الطائر المهاجر]

كتبت فأبدعت واجزلت
والله يكافينا شرك
صح لسانك ولا هنت
تحياتي الطيبة

[حمود السكراني]

الشويمان صح لساااااااااااااانك شاعر


متمكن ورائع كعادتك سلم بوحك يالغلا

[منيع]

ابيات رائعه وجزله
بارك الله فيكم
تحياتي لكم

[عبدالله راشد الثويني]

الغالي / عبدالله الشويمان
صح لسانك وعلا شانك شاعر متمكن أمتعتنا بهذه الرائعه
كل الشكر وعساك ع القووه
تقبـّـل وُدي

[همس الورد]

صح لسااااااانك مليون

وصح بدنك

بووووووووووح رائع

تحيتي و تقديري

[الطامي]

الشويمان
صح السانك ملايين
جزلة وهادفه
لاهنت