يقولون الهواوي في الهوى مبسوط

[الطائر المهاجر]

يقولون الهواوي في الهوى مبسوط متهني=واقول ان الهواوي ماعرف طعم الهوى مره
يجينا عنه يفك العمل ويظهر عاصي الجني= واذا من صار جنيه تبعها يقص في الجره

[داعي الشوق]

صح لسانك يا بو عبدالله
و منتظرين أبو عبيد

شكلها حاميه
متابع

[الطامي]

صح السنتكم
وعاشووووووووووووووو

[زهرة اللوتس]

صح لسانك
وفي انتظار رد الهواوي
تحية طيبة

[نجم الإبداع]

ههههههههه صح لسانك يابو عبدالله

ومنتظرين الهوووووووووووواوي

موووووودتي

[ناصر عبيد الهواوي]

هلا والله بمن لا غبت عنٌه قام يطعني.......والى مني بغيته يختفي ما اقص له جرة
انا قاضي وخصم ومبعد ٍكيد العدا عني.....واعرف الكيميا وابهل ديود الناق واصره
واجيد الخط والترتيل والتجويد واغني......ولو خاويتني تقول يارب البشر دره
كتبت الرد مستعجل وقافه صادر ٍمني......دريت الحين وارسلت الجواب بخيره وشره

[الطائر المهاجر]

انا ما اطعنك ياناصر وفنك ماله بفني= وبيتي صار له يومين ماقربت من دره
ومادامك قاضيٍ فانشدك عن من بالكف متحني= يجوز انه يخلط الرز في طبخه مع بره

[ناصر عبيد الهواوي]

تــــسر القلب زينات المثايل لاتنصٌني====وانا ما افتي ومالك بالمدينة وانصحك مره
انا امس بشغل واليوم انتهى والقاف ما اشحني=واذا ودك تماشيني ليالي عاود الكرة

[ترانيم المطر]

لله دركما واصلوا إبداعكم لا هنتم

[الطائر المهاجر]

وصلني علم عن شغلك الا بالله طمني= ولا تقول الأذن حمرا ولا تزعل وتتشره
ترى حنا بزمن طبعه غريب وصار متدني= فلا تغتر بالمظهر ولا تنظر إلى الفره