قصيدة القلب ماشاب

[سعيد عوده الحويطي]

اخواني اعضاء منتدى الفطاحلة الكرام اقدم لكم هذه القصيدة بعنوان ( القلب ماشاب ) ارجو ان تحوز على رضاكم .

الراس شيب لكن القلب ماشاب=ولا زال قلبي يفتخر في شبابه
لانه عن دروب الهوى قفل الباب=وطوح مفاتيحه بعد صك بابه
ماعذبه حب العذاري ولا ذاب=وفي حبهن ما يشتكي من عذابه
لانه يحب وينتقي نوع الاحباب=ولا ينتقي الا في رضا الله احبابه
وما دام ربي يغفر ذنوب من تاب=الله يغفر له ويقبل متابه
يغفر ذنوبا مالها عد وحساب=في ساعة كل يواجه احسابه
في الموقف اللي مابه احساب وانساب=ولا ينفع الرجال رفعة انسابه
ولا ينفعه الا عمل صالحا ثاب=الى كتب ربي لعبده ثوابه
يالله ياللي لدعوة العبد مجتاب=يارب تجعل دعوتي لك مجابه
يارب تجعلني لمعاصيك هواب=واجعل بقلبي للمعاصي مهابه
عبدك الهي جاك تواب اواب=ياربي تجهل في جناتك مابه
في جنة الفردوس في ظل واعناب=يا كبر حظ اللي تظله اعنابه
يارب ما غيرك لنا ستر وحجاب=بهذا الزمان اللي كثيره انشابه
واعوذبك من كل كذاب مغتاب=اللي لخلق الله كثيرا اغتيابه
واعوذبك يالله من غدر الاصحاب=يارب عفوك من طعون الصحابه
واعوذبك يالله من غدر الاقراب=يا موجعه في النفس غدر القرابه
الطعن بحد السيف نلقى له اطباب=وغدر القفى ماله علاج وطبابه
والعمر يمضي والزمن دوم قلاب=يا سرع لفات الزمن وانقلابه

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[الضيغمي]

احسنت
فقد ابدعت
لاهنت
ودي وتقديري

[داعي الشوق]

صح لساانك يا بو توفيق

تقبل مروري السريع

ولي عوده ،،

ولاهنت

[منيع]

ابيات اكثر من رائعة
ربي يرعاكم
تحياتي لكم

[حي الضمير]

جزله وابدعت يابوعوده
ومدد صح لسااانك يامميز

صح لسانك سعيد ،، ويعطيك العافيه

تحياتي

[الطامي]

الطـعـن بـحـد السـيـف نلـقـى لــه اطـبـاب
وغـــــدر الـقــفــى مــالـــه عـــــلاج وطــبــابــه
والـعــمــر يـمــضــي والـــزمـــن دوم قــــــلابي
ـــــــا ســـــــرع لــــفــــات الــــزمــــن وانــقـــلابـــه
،،،،،،،،،،،،،،،،،،،
الحويطي
بدعت فأجدت لافض فوك اخي
صح السانك ملايين
قصيده طيبه معاصره لما نعيشه الان
الله يخارجنا واياكم ممن به شر
لاهنت اخي

[ابو أنس]

الفاضل سعيد الحوطي..................
نص جميل كما عودتنا .
استهللته بوجدانيه وختمته بتوبة وإنابه بسلاسة لم تؤثر على التنقل

يـــاربــــي تــجــهـــل فـــــــي جــنــاتـــك مــــابــــه

في هذا الشطر خطأ مطبعي واظنك تقصد (تجعل في جنانك مآبه)
تحيتي وودي

[المثالي]

درة جميلة من غطاس ماهر
صح لسانك
ولاهان راسك
تقبل اجمل تحياتي