احدٍ على باريس واحدٍ على جنيف

[الطائر المهاجر]

احدٍ على باريس واحدٍ على جنيف= ينفق بليّا حساب في كل مشوار
ما جابها من كد مثل النداديف = ولا هو بتاجر دايسٍ درب الاخطار
اما بطانه فاسده يسرق الليف = وإلا على الممنوع تاجر وسمسار
وإلا خويدم لا مهابه وتشريف= على فتات العم في ذل واصغار
وإلا وضيع الأصل هيفٍ ولد هيف= في كل مكتب واقف تقل طرار
يطلب تذاكر مدعي انه ضعيف = وإنه مريض وحاجزٍ عند بيطار
ذولا ضياع ويحيوا العمر تزييف = ببلا هويّه لو مشوا كل الاقطار
واحد اذا هبت تجي له على الكيف= لو باع خيشه يكسب القرش دينار
لو هو تفسح ضابطٍ للتكاليف = يصرف بعقل وللفرص دوم سبّار
واحدٍ بقى فالدار من غير تكييف= ماله سوى داره ولو جوها حار
مقرود حظه نايمٍ برد او صيف= مديون واحواله من ادبار بادبار
غزاه فقره لين نتفه تنتيف = ومع كل هذا رافع الراس ما انهار
مثله اصيلٍ شهم في اكرامه الضيف= لو هو تحمل دين ما اعلن اعسار
لكن اذا فكرت من غير تطفيف= تلقى النهايه واحده دون تحتار
منها خلقنا الله واليها مهاديف= في وسط لحد بلحظةٍ دون اشعار
فلا تشغل لبالك وخل التصاريف= للي خلقك وقدر الرزق باقدار
اقنع بمقسومك واذا تاجد رغيف= على معزة نفس يسوى لقنطار
تاكْله مرتاحٍ على غير تكليف= افضل من مفطح تجي بعده امرار
تنام هاني العين ما بك تواجيف= وتصحى على ما نمت حرٍ كالاطيار

[عمر ال شيبي]

صدقت في شرح المظمون

الين الاصيل حر ولد حر
ويكرم بروحه
صح لسانك لا هنت

[الـزلـزال]

فلا تشغل لبالك وخـل التصاريـف=للي خلقك وقـدر الـرزق باقـدار
اقنع بمقسومك واذا تاجد رغيـف=على معزة نفس يسـوى لقنطـار

الطائر المهاجر
قصيده رائعه وهادفه
من شاعر متمكن يسرنا ويسعدنا مصافحة قصيده
أبدعت وأتقنت ماوجهت له سهام شعرك طائرنا
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[مجدي صالح المبارك]

الشاعر القدير ( الطائر المهاجر ) صح لسانك وجاد بيانك , أتحفتنا بهذه الرائعة التي تفيض بالحكمة , لك مني فائق التقدير ودمت بكل خير .

[عبدالعزيز البليهد]

انا اشهد ان الغناة غناة النفس

والحمد لله مرد الجميع للتراب

لله درك هكذا الشعر وإلا فلا

صح لسانك واعتلا شانك

[منيع]

ياسلام عليك
جبتها صح
الله بستر الحال
دمت بخير وعافيه
تحياتي

[الأموره]

الله يا مهـآجرنا


يـآ شـآعرنـآ

و مبدعـنـآ


كلمـآت رآقيه برقي شخصك

و حكم جميله

صح لسـآنك ملايين

سلمت و سلم فكرك

الف شكر لك

دمت برعاية الخالق

[داعي الشوق]

يا سلام عليك يالطائر

قصيدة رائعة

مليئة بالحكمة و النصح

لله درررررررك

و صح لسانك مع التقدير لك

،،،،،،،،،،،،،،،

[حي الضمير]

صح لساااانك مدد يابوعبدالله
ابدعت ويسلم فكرك وكلك
والله يرزقنا وياكم نعيم الاخره

[حوريه]

طااائرنااا المهاااجر

نص سامي وهادف من شاعر متميز

صح قلبك مليوون ولا يوفووون

دمت وداااام ابداعك


.....