(حاليات الطواريق )والرد من الشاعر بندر النفيعي

[الآكيد]

اخذ الصحيح اللي على بيض الاوراق = يابندر ابن ابديـر يابـن المطاليـق
كـلام حالـي مانبيعـه بـالاسـواق = الصدق واضح مايجـي بـه تلافيـق
من هاجسٍ حاصل على كـل الاذواق = هواجـس الافكـار جملـه وتفريـق
يلعبي الهاجـوس والفكـر مشتـاق = واتعب من الهاجوس ساعات وافيـق
هواجسٍ بالقلـب تبـداء بالاعمـاق = خطرٍ تتل القلب باقصـى المعاليـق
سبة ضروف الوقت والوقـت بـواق = حـوادث الايـام تتعـب مخالـيـق
احدٍ جمـع مالـه وياكثـر الارزاق = وقت المواقف ماوقف ساعة الضيـق
لو جاه مديونٍ مـن الديـن منسـاق = يرجع مـن البيبـان مابلـل الريـق
واحدٍ دماره من كثيـرات الاشـواق= قلبـه تـذوق فالمحـبـه تـذاويـق
واحدٍ يخاف اللي على سبع الاطبـاق = خوفه من الله ساعة الحشـر لاسيـق
مانام ليلـه يسهـر الليـل بارهـاق = عكس اللذي يسهر على غير توفيـق
حاولت اوضح هاجسي وسط الاوراق = عبر اللحن مع حاليـات الطواريـق
وتحيةٍ من خاطري عنـد الاغـلاق = دوك الهواجس والضمايـر مغاليـق
يامرحبا بلي بدا كل طوراق= امن اللحون المبهمات اللواهيق
عداد ماهل المطر فوق الاعراق= وعداد مابرض القفر من ضعن سيق
صحيح ماقلته ولادونه ادراق= وخلف الحقايق ماتدرق تدريق
والوقت ممافيه بي الفضاء ضاق= ادله ولادكت هواجيسي اضيق
وعلى الهجوس وكثر ماكافح ارهاق= اكفخ ولافكيت ياخالد الريق
تصككت بيبان خيره بالامحاق= وعذرت من وقتٍ تمحق تمحيق
كم واحدٍ جاله زمانه بالاوفاق= واغترته نفسه بكثر التوافيق
يقول طيبي من جذوري والاعماق= والريش حر وله مواطي غرانيق
في شدة الايام تلقاه خرناق= وخساره الفنجال قده ليا ريق
والناس شعرٍ والدهر موس حلاق= كلٍ يرغوا ثم يحلق تحليق
ومن لاعمله صالحٍ قبل الاخناق= فالاخره ماقدمه الا المشانيق
اخذ اللذي نهديه ماحدٍ له اشتاق= دهرك هذا مافيه غير التنافيق

[نجم الإبداع]

صح لسانك ياخالد
وصح لسان بندر

حقيقه صوت وصدى مميزين

لاهنتم


تحياتي ومودتي

[متعب المينيح]

ياسلام

جزله من روس شعار

صح لسانك ياخالد
وصح لسان بندر


لاهنتم


تحياتي ومودتي

[أم ريما]

يعطيك العااافيه

وصح لسانهم جميعاااااااااااااا


تحياتي لك

--------------------------------------------------------------------------------

صح لساااانك ودام ابداعك قصيده جزله ووافيه

صح لسااااااانك ملااااايين ياكحيلان

لك اعجابي وتقديري
تحياااااتي لك

[عبدالله الشويمان]

صح السانك يا اخ خالد(الاكيد)

وصح السان الاخ بندر

ولا هنتو جميعاً.

[نسناس الهوى]

الشاعرين / خالد ، بندر
صحّت اقلوبكم ولاهنتوا

[متعب]

صح السانك يا اخ خالد(الاكيد)

وصح السان الاخ بندر

ولا هنتو جميعاً.

تحياتي

[الخنساء]

صح لسانك اخي الشاعر الاكيد
وصح لسان الشاعر بندر لاهنتوا
راااائع
تحياتي