والي يبي الطاروق يقرب لخله

[نجم الإبداع]

مني سلام الله على الي يمرون=سلام صافي عذب ماجاه عله
من عيشة اهل العولمه باقلب اللون=والي يبي المحراف يقرب لخلّه

[الطائر المهاجر]

وعليك مثله فانتبه يابن قيطون =مهما تسبح ما اصدقك لله
عارفك تقلب مثل ضبٍ بلا سنون=وبيتك بليا تمر او فيه دله

[داعي الشوق]

يا مرحبا باللي له الشوق مدفون = نجم القوافي يا هلا في محله
مالك على درب العرب لو تدورون = درب مشوه الناس لازم تدله

[شجون القصيد]

صحت الالسن

محاوره ثلاثيه حلوووووه

متااابعه

[نجم الإبداع]

الك البقى ياسعود والعود مرهون=كن الحطيئه عرق يمشي بظله
ياصحابنا في العلم دوره وتدرون =واشوف برق ولغزن ازريت احله

[الطائر المهاجر]

مالك بابو مثل الذي هم يقولون= انعم وهرجك لا يجي منه زله
الله خلق هالكون ادرى بهالكون = وكل على كيفه تبع اي مله

[داعي الشوق]

إن كان للألغاز دايم تحلون = و تثمنون القول دقه وجله
شف حل للطائر مع اللي يطيرون = إن كان له جنحان بالله فله
=

[نجم الإبداع]

ياصحابنا وشب البشر خلف شارون=والوقت متغير وجاء فيه خله
شفت المبادئ ضايعه والقيم دون= والرقص بالشارع على غير مله

[نجم الإبداع]

المشاركة الأصلية كتبت بواسطة شجون القصيد

صحت الالسن

محاوره ثلاثيه حلوووووه

متااابعه

صح بدنك شجون

وحضورك يسعدنا بلاشك شاعرتنا

لاعدمناك

[عبدالله مذكر العقيلي]

صحت السنتكم

مبدعين

واصلوووووووووووووووو


متابع