غبن الفراق

[ماجد الزيد]

الياس والحزن الكئيب وصوت زنات الرياح = لا فارقك غالي تشوف ان الحياة بضحكته
ليت الاماني بالذراع ان صاح صياح الصباح =ماكان قلبي هموم بقعا بالبلاوي صكته
وجدي على اللي من غيابه خافقي بوّخ وفاح =كن الجمر تحته وكن حجار سلمى حكّته
فرقاه بيدا والضما منّه فلا عنّه مراح =والخافق وحوش الفراغ من النحر ما فكّته
غبن الفراق آشد من ضرب الضماير بالسلاح= بالخصّ لاحدّت عليه العوج وأردت سكّته
كنّي عليه المسلم الي عاشق ٍ مكّه وراح = يم الحرم حجاج وأقبل يوم هدّوا مكّته
الله حق , إن الشموخ من المدامع مستباح=كنّي جبل طاحت من العليا النجوم ودكّته
لو الليالي بالمنى / ماكان شفت الدمع طاح =ولا شفت فرقاك , الأبر بالقلب سمّ ٍ شكّته
ودّع : وخلك لا تروح إبقى علشاني متاح=لو ما وصلني غير طاري منْك , نفسي زكّته
هي الليالي ما ضحكت / إلا تلوّح بالنواح =كم غافلٍ عنها بنيبان المواجع تكّته
من وين ما درت الفكر ! ضيقة ومامن ارتياح =وجدي على صندوق وجدٍ والليالي فكّته
ووجدي على قلب ٍ عليه من الهموم أقشر وشاح =النود , لا هبت عليه عصير غصب ٍ بكّته

[عبدالمحسن الرحمه]

الله عليك صح السانك رائعه الله يزيدك منفضله

[منيع]

ياسلام
يطيب الشعر مع ماجد
شكرا لك
تحياتي

[سناعيس]

الله الله
ياسلام عليك ياماجد
دائما مبدع وجزل
لاهنت

تحياتي

[احمد الكثيري]

بارك الله فيك على هذا النص الجميل
لك تقديري

[حنان الكون]

صــــــــــح لــــــســـــــاااااااانـــــك ـــ

[الطامي]

الزيد
صح السانك ملايين
رائعة جدا
لاهنت اخي

[حي الضمير]

رائعه وابدعت شاعرنا القدير ابوحمد
ومدد صح لساااانك يامميز

[كظيم]

ماجد الزيد

سلمت وصح لسانك
قصيده جزله ووافيه ابدعت فيها يالغـلا
تقبلني وتقبل مروري المتواضع لاهنت
ودي وتقديري

[سعيد عوده الحويطي]

اخي ماجد الزيد قصيدة راقيه. تناسب قامتك الشعرية المعروفة والغنية عن التعريف لا استطيع الا ان اقول لا فض فوووووك وتقبل احترامي وتقديري