في حضور الليل موال وشعر.،.،.،.،.،.،.،.،.

[عبدالعزيز العمار]

السلام عليكم

مساكم/صبحكم الله بالخير..

بدون مقدمات ....

للتواصل أضع بين أيديكم هذه المتواضعة ،


علّها ترتقي لسمو ذائقتكم الرفيعه...

فتفضلوا بكل سرور...

*


*


*


*

يا تماثيل المعاني والصور=ارسمي فكر ٍ يصوّرني خيال
واكتبيني كل إحساس وشعر=صوّري فكري على أجمل مثال
المكان اللي ظلاله من شجر=واحتوى روض ٍ تغنّى بالجمال
الخزامى والزهر عطره نثر=في روابي نجد مع بنت الحلال
والطيور الطايره حولي تمر=غردت مابين أغصان وظلال
والنسيم اللي إلى منـّه عبر=ريح نسناس ٍ هبوبه باعتدال
والغدير اللي جرى عقب المطر=يروي الظامي شراب ٍ من زلال
مع شروق الشمس والصبح استقر=عايش ٍ جو السعادة والجمال
هايم ٍ والعين هامت بالنظر= مع وليف الروح سارح بالخيال
مهتني في ساعة ٍ تسوى العمر=مع هوى بالي ومن فوق التلال
ثم حل ّ الليل بنجوم وقمر=في غياب الشمس لحدود الزوال
في حضور الليل موال وشعر=والجمر مركوزتن فيه الدلال
ليلة العشاق تحلى باالسهر=ليلة العشاق مافيها جدال
ياهناة الروح في روض ٍ خضر=هذا مرسومي خيال ٍ في مقال
اسمحولي يوم فكري به حضر=من تصاوير المعاني له مجال
في ختامه أنثر أبياتي نثر=مع تحياتي لكم في كل حال

*

*

*

*
عبدالعزيز بن سعد بن عمار
1431هـ

[سعيد الصاعدي]

الاخ الفاضل / عبدالعزيز سعد بن عمار
صح لسانك لاهنت
نص شعري رائع
من شاعر متمكن
تسلم ويسلم فكرك يالغالي
تحياتي
أخـوك
س / ص

[عبدالله راشد الثويني]

صح لسانك شاعرنا الجزل / عبدالعزيز
أخذتنا معك بهذا النص الراقي لرحله مـُمتعه تمنيت ان لا تنتهي
تسلم يمناك على ماخطت ولا هنت
طامعين بجديدك دائماً
تقبل تحيتي

[عمر ال شيبي]

ارحب يا هلا

نص رائع يا عيني عليك
فاعلاتن فاعلاتن فاعلا

ارحبت عين الهواجس لك صور = في ضيافة وردها شفنا الجمال

صح لسانك لين ترضى يا جميل القاف

[حي الضمير]

صح لسانك
واعتلا شانك شاعرنا الرائع بن عمار
قصيده رائعه بروعة حضورك وابدعت يامميز
لا خلا ولا عدم

[النهج المختلف]

الشاعر عبدالعزيز بن عمار صح السانك ، ،

على القصيدة الرائعة يا مبدع ، ،

شعور رائع يترجم احساس عذب وراقي ، ،

لاهنت والله يعطيك العافية ، ،

تحياتي وتقديري ، ،

[الطائر المهاجر]

رائعة من شاعر رائع
صح لسانك وفكرك
ودام ابداعك
تحيتي ومودتي

[عبدالعزيز البليهد]

تصوير رائع بريشة شاعر فنان

تجولنا معك في جمال القصيده وجمال الطبيعة وتمنينا لو كانت اكثر من يوم وليله

صح لسانك ولاهنت

[عبدالعزيز العمار]

المشاركة الأصلية كتبت بواسطة سعيد الصاعدي

الاخ الفاضل / عبدالعزيز سعد بن عمار
صح لسانك لاهنت
نص شعري رائع
من شاعر متمكن
تسلم ويسلم فكرك يالغالي
تحياتي
أخـوك
س / ص

الفاضل سعيد الصاعدي

صح بدنك ولاهان راسك..

شرفني حضورك الجميل وأسعدني..

تقبل خالص تحياتي وتقديري

[عبدالعزيز العمار]

المشاركة الأصلية كتبت بواسطة عبدالله راشد الثويني

صح لسانك شاعرنا الجزل / عبدالعزيز
أخذتنا معك بهذا النص الراقي لرحله مـُمتعه تمنيت ان لا تنتهي
تسلم يمناك على ماخطت ولا هنت
طامعين بجديدك دائماً
تقبل تحيتي

الفاضل عبدالله الثويني

صح بدنك ولا تهون يالقرم..

يكفيني شرف مرورك الكريم الذي اسعدني...

وان شاءالله القادم اجمل ...

شكرا ً لك وتقبل خالص تحياتي وتقديري