![]() |
رقم المشاركة : 1 | ||
|
لي ثلاث ايام ما جاني كفر=واعنا قلب المبنشر واعناه
واقفن مابين رفحا والحفر=بنشر الحنتور واستملس سماه طحت في خطن جلد كله جفر=ارض صبخا ما نجا حيٍن وطاه ارض جردا ما بها ريحة شجر=تستحي تنبت بها حتى السفاه السبير انشق من مدة شهر=وضاعت الرقعه اكيد احدن خذاه وين مفتاح العجل ماله اثر=من سرق عفريتتي هذا عصاه يوم حل الليل والنور انحسر=ابتدا ذيبان يستعرض عواه دق لي سرحان ناقوس الخطر=كان هو جيعان خلاني عشاه بي جلادة بدو لو ربعي حضر=ما يخوفني عواء ذيب الفلاه بتْ وسط الجيب والدنيا مطر=جايعن بردان يا الله النجاه ليلتن خرمس تمنيت القمر=لجل اشوف الذيب وشو منتهاه ليلتن شلتى والامعط ما شعر=لا قعد بارضه ولا ربي هداه المطر والبرد لقاهن ظهر=ناوين له واحدن ربي بلاه عنده انه با العواء يرمي درر=وشٍي الدبره لمن حظه رماه قمت ابسحب فروتي طاحت حدر=فوقها مطارتي منكب ماه ليلتن من طولها صارت عمر=ما تفيدن قولتي ويش السواه صرت اهيجن لين ما شق الفجر=جايعن حصران وسلاحي قناه احمد الله يا عرب ربي ستر=النهار ارحم من الليل وشقاه يوم صار ضحي مديت النظر=المطر كل الذي حولي ملاه صارت الصبخا من الديمه بحر=من نوى يمشي تعثر في خطاه سرت مشمل يا عسى موتر يمر=عشر كيلو يمكن اكثر باتجاه مومنن يا خوك في حكم القدر=واعرف الله ما يخيٍب من رجاه عند اذاني تقل به شي يهدر=استدرت وقمت اشاور با العباه احمد الله ساق لي راعي (....)=اجودي با الحيل ركبني معاه موتره مضبوط لعنبو الفقر=ودي ادري بس من وين اشتراه قلت هذا جمس قال استح (همر)=شد في (دترويت )ماهو في (مرآه) الاكيد انه مصنع من حجر=كان هو مية سرندل ما كفاه ضاع جوعي تقل شبعانن هبر=صرت امدٍح فيه واشكر بخوياه قال وين انت امتعطل يا بشر=قلت هذي جٍرتي سيروا حذاه جيت للماخوذ يا وجه القشر=قال هذا موترك رديت آه المعاون قام في لمح البصر=حربث وهمهم حسبت انه قراه مادري وشلون قالوا با الكفر=ادخلوا به سيم قالوا ذا دواه اسحبوا جيبي شوي عن الجفر=قال لي حرك قبل يدمس مساه قلت عشتو دربكم كله خضر=جاوب اتبعني ورحت اسحب وراه النصيحه للذي ينوي سفر=التهقوي علة القلب وعماه شل معك قربه وشل خيشة تمر=وشل معك عده من الفه لين ياه وشل معك شوزن وكبريت وسمر=مخطين من راح من دون خوياه اعتبر هذي نصيحه لا امر=مثلكم يفهم وقصدي ماخفاه لا تضيع التجربه عندك هدر=الذكي من يستفيد بما قراه |
||
![]() |
![]() |
رقم المشاركة : 2 | ||
|
احمد الله ساق لي راعـي بقر (كاوبوي) |
||
![]() |
![]() |
رقم المشاركة : 3 | ||
|
الله يسعــدك ههههه |
||
![]() |
![]() |
رقم المشاركة : 4 | ||
|
صح لسانك وأضحك الله سنك |
||
![]() |
![]() |
رقم المشاركة : 5 | ||
|
الجريفاني |
||
![]() |
![]() |
رقم المشاركة : 6 | ||
|
شكرا للجميع على المرور العبق والشعور الصادق انتم من يثمن الكلمة وانا اثمن شعوركم الاخوي لكل فرد شكري وعرفاني الكبيرين متمنيا لكم دوام العافية ورضى المولى احبائي |
||
![]() |
![]() |
رقم المشاركة : 7 | ||
|
فكاهية نطق بها لقمان شعرك الجميل |
||
![]() |
![]() |
رقم المشاركة : 8 | ||
|
هههههههههههههههههههههههه الجريفاني |
||
![]() |
![]() |
رقم المشاركة : 9 | ||
|
والله ضحكتني يا بو فراس |
||
![]() |
![]() |
رقم المشاركة : 10 | ||
|
صح لسانك لا هنت |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|