هات القلم

[ناصر عبيد الهواوي]

هات القلم ياعبيد والبوك وينه=ان يسر الله ودي اكتب لي ابيات
مثايلن من نسج فكري رزينة=حبيت اسوي للعتيبي مجارات
والصبح قبل الفجر يبدي جبينه=وموترك جاهز يا زبون المهمات
شغل وسجه مع طريق المدينة=مع كبري البتراء شمالي ابانات
احرص ولا تسرع بهون وسكينه=امن الطرق حامي بقبض الغرامات
حمراء الاسد وحرارها عن يمينه=وابتل وجنب عن طريق التريلات
جعلك معان وهو عسى الله يعينه=تاصل بحول الله بعد خمس ساعات
ولاجيت ينبع والديار الحسينه=وموج البحر ياخذ مع الجو طلعات
قل كاتب القيفان تسلم يمينه=راع البيوت الكايفات الحسينات
البيت وافي والمعاني حسينه=تنم عن جملة معاني جميلات
يومه صعد خلا الجدي من دوينه=وعانق نجوم ٍبالمجرة رفيعات
لو فتحة الاوزون قدام عينه=يمديه معها طار يم السماوات
ملفاك رجل ما يقطب جبينه=حب الكرم طبعه وسيما وعادات
سلم عليه وثم قبل جبينه=وقل ما لفاك من السوالف خرافات
تكتيك والا عرى الاواصر متينة=وجهة نظر فيها يصير اختلافات
اهل النقيلي يمكن مضخمينه=اللي على الفشفاش سوو دعايات
قوم القشر واهل النفوس المهينة=ناس ٍبعكر الماء تصيٌد وتقتات
والمعذرة كان القوافي مشينة=زلة قلم تعفون عنها الى جات

[داعي الشوق]

يالشاعر المميز

ناصر الهواوي

صح لسانك حتى ترضى

تحيتي لك مع التقدير

[الخنساء]

صح لسانك ولاهنت

قصيدة جزلة من شاعر جزل

سلمت ودام حرفك

[عبدالكريم العياش]

الشاعر /الهواوي

لوفتحة الاوزون قدام عينه @@يمديه معها طار يم السماوات

خيال واسع فوق العاده صح لسانك ودامت شا عريتك .

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[جلال ابراهيم الصبيح]

صح لسانك واعتلى شانك....قصيدة جزلة من جزل....جميلة جدا....لا هنت....دمت بخير.


عاشق دمشق

[ناصر عبيد الهواوي]

الاخ الشاعر الغالي داعي الشوق
بيض الله وجهك ولا هنت
سرني مرورك اشكرك
تقبل تحياتي

[ناصر عبيد الهواوي]

اختنا العزيزة الخنساء
اهلا بك وبمرورك الذي اسعد به
الله لا يهينك ودمتي بحفظ الله ورعايته
اشكرك والسلام

[ناصر عبيد الهواوي]

الاخ الشاعر الغالي العياش
يامرحبا بك ويشرفني مرورك وافخر بكلماتك الراقية
ودمت بحفظ الله ولا تهون وتقبل تحياتي

[ناصر عبيد الهواوي]

الشاعر الغالي حي الضمير
اسعد بمرورك واتشرف بثناءك
اشكرك وبيض الله وجهك
تحياتي وتقديري