![]() |
رقم المشاركة : 1 | ||
|
عبد الله السياري |
||
![]() |
![]() |
رقم المشاركة : 2 | ||
|
لا باس يا عين جرى دمعهـا فيـض = غـاد لدمعـك فـوق الاوجـان جظـة
لا واعنا قلبي متى ما ادبـر القيـظ = ونادى المنادي راعي البيت قضـه وغـدا لهـم بيـن المنـازل مراكيـض = والكـل منهـم تــل حـوضـه وكـفـه وشالوا عشير شوفته تطردالغيـظ = والقلب صابـه عقـب الافـراح رضـة يا عمير ياشوق الفريدة من البيض = لـد النظـر لـي ياهـوى كـل غـضـة يا عمير فقده فرض القلب تفريـض = كـن الغليـث بنـابـه القـلـب عـضـه على الذي زمة نهوده كما البيـض = مـن خلقتـه مـا لـه جنـيـن يمـظـه ابـــو ثـمــان صـافـيـات مـفـاريـض = بيـض تكـاشـف كنـهـا لــوح فـضـة |
||
![]() |
![]() |
رقم المشاركة : 3 | ||
|
.
يوم قفـّـت وصاح صغيرها عاودت له=عنز ريمٍ تدرج فالمسايل ولدها
. إن مشي بارته وإن كان وقف وقفت له=وإن تعثر عن الطيحه تعلق بيدها . كل ماشافته وقف وصد .. رمعت له=وأنحنت وهمست له لين يمشي بعدها . كبر حظ الصغير اليا وقف ورجعت له=إن ضحك حبته وإن جاع يرضع نهدها . ضاحكٍ له زمانه والليالي صفت له=مابعد شاف يومٍ في حياته نكدها . وأسعد الخلق ابوه اللي ملكها وجت له=غير شوفه بعينه مستحلٍ جسدها . شفتها غافله في موقفٍ مارمت له=لو يشوف القمر ما شفت منها حسدها |
||
![]() |
![]() |
رقم المشاركة : 4 | ||
|
في الأمير سلمان
وقل لليتيم اللي بكا فقد واليه=وقل للضعيف اللي سطا به زمانه
وقل للمريض اللي جروحه تقزيه=وقل لكبير الي ضعيف كيانه وقل للأسير اللي ديونه تبكيه=وقل للغريب اللي يحن لمكانه اردو على بيت تذري حواميه=يامن به الي حطه الله بامانه بيت العديم اللي كبار حسانيه=زود على فضله شملهم حنانه سلمان بحر الجود كل الوفا فيه=يا غيث من داسه زمانه وهانه سلمان يا مناديه يعطيك اياديه=واصدق حديث تسمعه من لسانه سلمان ابا النجدات ابا الجود اناديه=يانيل نجد اخجلت نيل الكنانه ما جاء مديون لظى الوقت حاديه=إلا أعتقه من جور راعي الديانه من فيض كفه فاضت كفوف راجيه=ومن وسع حلمه عظم الله شانه سلمان سلم للمسالم يخاويه=وحرب على منهو نوى بالخيانة قولوا معي يالله للناس تحييه=ذخر وملاذ لمن جذابه حصانه |
||
![]() |
![]() |
رقم المشاركة : 5 | ||
|
مل كبد من هالأيام مندبله=ما يشيل الهاف لو ربع ما فيها
لي صديق كل ما ضقت أبندب له=وأنشده عن ضيقتي ويش تاليها وأشتكي له حب لباسة الدبله=انتحت عني وأنا مولع فيها كلما ابعد قمت اوصي وأنجب له=دايم رجلي على الدرب محفيها وإن قرب عندي وعزمت أقرب له=خفت من علم يجيها ويوذيها |
||
![]() |
![]() |
رقم المشاركة : 6 | ||
|
العام أنا لك وروحي مثل جسمي لك=واليوم ما اعطيك لا جسمي ولا روحي
ما شفت عندك مثل ما كان عندي لك=تضحك وأنا أبكي ولا لي منك مصلوحي يا طول ما جيت لك من جورك أشكي لك=ويا طول ما سهرت جاري من صدى نوحي ما عاد تسمع كلامي لو بنادي لك=تصد عني وتقفي تقل ما توحي لا,لا تعذر ولا تتعب مراسيلك=يكفيني اللي حصل لي وأنت مسموحي أقفيت عني وأنا بالعين أراعي لك=وأغلقت باب الغلا اللي كان مفتوحي إمسح دموع الندم بأطراف منديلك=عش ما بقى لك مثل ما عشت مجروحي |
||
![]() |
![]() |
رقم المشاركة : 7 | ||
|
وراك عني ياحبيبي تنحا=وانته هوى بالي وبلسم جروحي
ما مثلكم بالوصل عني يشحا=ولا مثلكم ينسى الغلا والمزوحي نفسي إلى من شفت زولك شرحا=وإن غبت عني طال عقلي وروحي رمشك لروحي والضماير جرحا=وإن قلت لك رحماك مانته بتوحي يا غصن موز تحته المي سحا=وإن حس بالنسناس ولا يموحي طال العنا منكم ونفسي طرحا=بعدك علىعين نظرها يفوحي ما حسبك قبل اليوم فيني توحا=وبأسرارنا عند العواذل بتوحي وترخص صديق لك بالأعيان ضحا=عن زول غيرك يم زولك طموحي وأنا الذي ما قلت لي قلت صحا=أجي بإشارة رمش عينك وأروحي ليت العيون أصغت لمن هو نصحا=لاشك ما تسمع كلام النصوحي لاغمضت جاها خيال ورمحا=عيا خيالك عن عيوني يروحي يا عبيد عيني غاب عنها فزحا=وشالت غضبها من كثر ما تنوحي ولا ظنها تبرى وهوما منحا=من سلسبيل به لغيري شحوحي با عبيد كانه بالاصابع مسحا=وإلا ترى شوفي خطير يروحي |
||
![]() |
![]() |
رقم المشاركة : 8 | ||
|
علي ما عين بكت غايب غاب=إلا عليها من غيابه مضره
فرق بعيد بين طيب ومنصاب=ابعد من الما عن مسار المجره يا علي صبار على النار كذاب=لو من وراها له مسره,, تضره يا من جرى دمعه على الخد سكاب=ما من عقب فيض المدامع مسره لولا الجفا والصد بالحب ما طاب=هجر المحب لمن يحبه مبّره قلب من الرقة وحلو الهوى ذاب=يا عاذله خله بخيره وشره الحب لقلوب العشاشيق نهاب=ليت العذول يجربه بس مرّه |
||
![]() |
![]() |
رقم المشاركة : 9 | ||
|
ماكم حلو من حلوكم يامزايين=وإلا فانا أعرف ما رد منه وأحلى
لو هو هماج صار بأريا قنازين=لاجل العيون اللي من الرب كحلا دم خفيف ودق خصر معه لين=وهرج بلطف وفي المناجاة رحلا وغصن ليانٍ ما نبت بالساتين=وريق عسل من سلسبيل ونحلا وممشا مثل ممشى المقيد مع الطين=مسكين مربوط ويمشي بوحلا أرقيتني يامنبع الملح والزين=في عاليات الشوح وأصبحت وحلا من شوفتي لك كن بالقلب رمحين=امشي دبوب مثل ممشى الدبحلا |
||
![]() |
![]() |
رقم المشاركة : 10 | ||
|
القصيدة التي وجهها إلى صديقه الشاعر المعروف عبدالله بن عبد الرحمن السلوم وذكر بها الشاعر المعروف الحميدي الحربي صديق الشاعرين إذ يقول شاعرنا
سلام يالصاحب اللي صحبته تاج على الراس=لولا غلاه ومقامه ما عتبرته تاج راسي ــــــــــــــــــــــــــــــ ــــــــــــــــــــــــــــالصاحب اللي لثوب الطيب والنوماس لباس=الباتع اللي على ضيم الدهر قاطع وقاسي الوافي اللي صفا لي من عرفته بدة الناس=ما غيرته المناصب مثل غيره والكراسي لاباس يا من شكالي من هوى ليلاه لاباس=ياصاحبي مثل ما قاسيت من دنياك اقاسي الشاعر العاشق المحروم مثلك مرهف إحساس=ولا كل من صاح من جرح الهوى يلقي مواسي يا مانصحتك وحذرتك عن التفريط بالماس=أخاف من ساعة تحتاج فيها للنحاسي شفي على ما مضى لي من ليال بيض منحاس=من قو غبني على ما ضي مضى لي شاب راسي مثل الحميدي حرمه الله من الخضرات مياس=فرط وصارت حياته كلها هم وماسي يدق صدره على ما فات له مقطوع الأنفاس=العيش عنده من الحرمان والموت متواسي وإلا انت توك شباب وطلعتك طلعات قرناس=والصيد راتع ووامن ما عليه من الحساسي الصيد ولعه على ما قيل والمقناص نوماس=أتعب لهن لا عدمتك في مشاريف الرواسي وقد أجابه الشاعر عبدالله السلوب بقصيدة جميلة فقال
ذعذع وأنا بالجزاير من هبوب الوجد نسناس=وسما بي الشعر وأطلق همته عقب احتباسي ــــــــــــــــــــــــــــــ ــــــــــــــــــــــــــــــ ــما بين هاك السهول الطيبة وجبال الاوراس=قريت خط الرفيق اللي تزايد به حماسي من شاعر له بقلبي منزل سوس على ساس=يا ما شكالي هموم يطردن عنه النعاسي وإلى بغى يدمج الدعوى ويبعد عنه الأرماس=سوى قضية يبي جوي يجي فيه التماسي حاشاك منتب يبو خالد على الغرات بلاس=انت الصفي الوفي ولا تجي درب التباسي لاشك من سمع هرجك لبس درع والطاس=وفصل ثياب من البهتان لو ما هي مقاسي ما ثور الحرب بين كليب و المقرود جساس=إلا كلام بسيط وصار له راس وساسي لا تنصح الناس درب العشق ما به غير الإفلاس=من جنبه صار سالم والمولع به يداسي رست سفينة غرامك في مكان ما به او ناس=وإلا الحميدي مسافر ما بعد دور مراسي وانا تخيرت عن باب الطمع باب من الياس=ومشيت في الدرب الابلج ما تعرضت الهراسي من عاش ما حط بالدنيا دليل وحط نبراس=ما ادرك مرامه وشرب من النكد عشرين كاسي وكان الصدى الثاني للقصيدة التي قالها السياري من الحميدي الحربي الذي جاء ذكره في هاتين القصيدتين وذكر انه محتار بين شاعرين رائعين فقال
أنا أشهد إني وقفت بموقف بالحيل حساس=وشلون أجاري بعذب الشعر صعبين المراسي
زهر المعاني خذوه وجيبت انا للروض عساس=ما قدمي إلا حتات اوراق وغصون يباسي أدير الأفكار واضرب بالظنون أرباع وأخماس=واصبحت كني مع التفكير في زايد عماسي قصاص جره وضاعت حيلته في عج ودماس=ما عاد شوفه يقدي له ولا يسمع حساسي الخالدي والتميمي جددوا بي وجد واتعاس=يوم ادخلوني طواريق لها منا نيب حاسي صحيح انا خذت في غبة بحور الحب مرواس=ووصلت شط الأمان وفيه حطيت المراسي مابين الابحار والمرسى حصل لي ربح وافلاس=والربح ماهو بمشروع المحبة شرط أساسي عشقت وعشقت وانياب المهالب تضرس اضراس=وطلعت منها وثوب الستر والشيمة لباسي ايام حلت وزلت والخبر عن حالها ناس=ما قول ياليتها ترجع وانا مانيب ناسي الحب وانتم على عرش النقا بأفياه جلاس=لو فات بالروح يبقى له صدى افراح وماسي لكن على شان وضعي خففوا من دق الأجراس=تراه يتعبني مجاري صعيبين المراسي |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 11 ( الأعضاء 0 والزوار 11) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قبيلة بني زيد | فارس بني تميم | القبائل بلدانها وشعرائها | 25 | 19-02-2014 06:33 PM |
تكمله أموت وأحيا بك | نوووونا | القصة والرواية والمقال | 76 | 09-09-2011 03:57 PM |
تاريخ قبيلة زهران واعلامها | نجم الإبداع | القبائل بلدانها وشعرائها | 19 | 15-12-2010 12:00 PM |
((أموت وأحيا بك)) قصة اماراتيه | نوووونا | منتدى الشعر والخواطر بالفصيح | 37 | 24-07-2006 09:29 AM |