عشنا وشفنا للعجب

[الطائر المهاجر]

عشنا وشفنا للعجب/في الوحل غصنا للركب = من من تسمّت بالعرب/ صارت رقيق العولمه
صارت تجاره كالحطب/ في العهر والاّ في الطرب= وابليس اسقاها وشرب/ واعطاها اسم "المعلمه"
ياعالمه هزي الكرب/ ورينا منك ما احتجب= يشوفك اللي لو قرب/ يعلم بما لم يعلمه
يظهر مفاتنك العهر/ من شافها يكظم قهر = من غيرته حس الجمر/ شاعر ينادي الملهمه
قولي لهم ذولا غجر/ وإلاّ طيور من بحر= جتنا تدوّر للدلر/ فالضاد يمكن متهمه
من لا اقترب شوفه شجر/ ولا من قرب شاف العبر= فرموشها صنع ومكر/ تركيبةٍ للسلهمه
والوجه منفوخ وغبر/ وعيونها عيون البقر= واسنانها طقم كشر/ بالبسمه تعلي اسهمه
مكياجها ساح وخرب/ وكشف لنا حلق الشنب= ونهودها مثل العنب/ ممصوصةٍ وململمه
مرفوعة مثل الكنب/ لا من خفت منّه جنب = يحسبها تفاح زهب/ خدعه ظنّه وظلمه
والاّ الشعر مهما كثر/ باروكهٍ لصق بتمر= تضرب على ردف انحشر/ فالشدّ رزّه واوهمه
من شان يغري من نظر/ من شبه اشباه البشر= يطلبه يفجر بالسهر/ ماخاف موت يزهمه
والخافي اولى بالعجب/ حمّام مليانٍ غرب= ياويل منهو اقترب/ ايدز وهربز سلمّه
تدفع له اكياس الذهب/ من اللي لقاها بلا تعب= محصول رشوه أو نهب/ والاّ خداع ومظلمه
وفي الآخره عمره ذهب/ ضحيّةٍ ماله طبب= موته أكيد من الجرب/ من بعد ذيك الهيلمه
اسأل وتعرف بالخبر/ زر المشافي للعبر= تشوف منهو يحتضر/ موته بذنبه داهمه
الغرب واحتل الفكر/ صدّر لنا انواع العهر = واحنا نقدّم له شكر/ فالدرس لازم نفهمه
ومعها المخدر والخمر/ نلتحه في سرّ وجهر= ننسى احتلاله والخطر/ قومي ارقصي ياسالمه
عرض القنوات لأرب/ واللي يشغلّها كرب = من بعض من هو اغترب / جاب العلوم مثلّمه
اخذ قشور من الغرب/ اللي رموها للعرب = مافكّر بجيلٍ خرب/ من مسلمٍ او مسلمه
ياناس خوفوا من وهب/ خلاكم بأعلا رتب= من بعد منتو في المهب/ في وضع كلٍ يعلمه
قبل العقوبه تنكتب / ودياركم تصبح لهب= فالذنب من قبلٍ نكب / امم عديده ظالمه

[الأموره]

قويه يالمهاجر ،،

و تحكي الواقع ،،

احييك على جراه الطرح

صح لسانك ملايين

الف شكر لك

دمت برعاية الخالق ،،

ابداع متفجر




الله لا يهينك مدرسه شعريه





صح لسانك

[ابراهيم عبدالحميد]

.د / عثمان العبدالله

يعجز قلمى على ان يوفيك قدرك
من الثناء لعطاءك المتميز الراقى
كلمات قمه فى الإبداع و الرقى
سلمت يداك ودمت لنا

[الطائر المهاجر]

شكرا للفاضلة الأموره
على كريم الحضور والتفاعل
لاهنتي
تحياتي

[الطائر المهاجر]

قصيدة الأخ الفاضل احمد الجريفاني
ذكرتني بهذه القصيدة ، ويبدو اننا نعالج نفس الفكره

[منيع]

ابيات رائعه ومعبره
بارك الله فيكم
تحياتي وتقديري

[عذب القوافي]

الطائر المهاجر مشاء الله تبارك الله عليك

تشرب من بحر

صح لسانك

على هالوافية والصريحه

تقديري ,,,,,

[ناصر عبيد الهواوي]

ياسلام يمهجرنا لله درك
موضوع ولا كل المواضيع
اقولها بصراحة جزاك الله خيرا على طرقة
احسنت ورب الكعبة
صح لسانك وزدنا من هالموجهات فانت تبدع في هالمجال
تحياتي والسلام

[الطامي]

الطائر
رائعة جدا
قديم متجدد نادر لافض فوك
صح السانك استاذي ولاهنت