ذاك الـــغـــلا

أطرد وراكم والمفارق ظليمه=الله على وقت التلاقي والأفراح
اليوم دمعي صاير(ن) مثل ديمه=والنفس عيّت دونك اليوم ترتاح
النور مطفي والليالي عتيمه=والناس من حولي غدو مثل الأشباح
ذاك الغلا ياليت ربي يديمه=الواحد المعبود خلاّق الأرواح
كنتي ولازلتي بقلبي مقيمه=وأنا أخايل بارق الطيف لالاح
وانتي بقلبي لك معزه وشيمه=عد النسيم وعد هبّات الأرياح
في ضامري نيران شوقي ضريمه=وماظنتي تنزاح لو راح ماراح
النفس ضاقت والمحاني هشيمه=ولازلت أعاني من هواجيس وجراح
والحب سنة خلق ماهو جريمه=لو كان حبك ياهوى البال ذباح
أرمي سلاحي وأعترف بالهزيمه=الله على وقت التلاقي والأفراح

[

[الطائر المهاجر]

هلا ومرحبا بك أخي الكريم والشاعرالقدير/ عبدالله الحجاج
في محلك وبين اخوانك وربعك الفطاحلة
مصافحة جزلة من راس جزل وشاعر متمكن
تحتاج مني وقفة اخرى للتأمل
ارحب يالغالي
وياليت تتكرم بالمرور على موضوع عرف بنفسك
حتى تعرف الزملاء ويعرفونك وأين تنشر قصائدك.
تحياتي الطيبة

والحب سنة خلـق ماهـو جريمـه
لو كان حبك ياهوى البـال ذبـاح

أرمي سلاحي وأعتـرف بالهزيمـه
الله على وقت التلاقـي والأفـراح


الله الله
الله عليك

رووووووووووووووووعه

وربى قمه
سلم قلبك
وصح لسانك
مدد بلا عدد

ولاهنت



دمت بود الغالى

[الخنساء]

النفس ضاقت والمحانـي هشيمـه
ولازلت أعاني من هواجيس وجراح

صح لسانك اخي الشاعر عبد الله
قصيدة رااائعة لاهنت
سلمت وسلم شعرك
دمت بخير

صح لساانك
مليوووووون

* * *
جزله من راس
جـــزل
* * *
سجل اعجاابي

[عذبة الطباع]

صح لسانك
على هذا البوح الجميل
تحياتي لك..

[نجم الإبداع]

عبدالله بن حجاج


صح لسانك وفكرك

قصيده وافيه من وافي


لاهنت


تحياتي وودي

صح لسانكـ
وعلى شانكـ على
هذا الابداع الرائع الذي اسراء بنا
الى مافووووووووق السحاب قصيده ونزف رائع
فـ نحن من ينتظر جديدك ويتابع تألقك
سراب الراحل

	أشكر الجميع على المرور الطيب .. وكلي سعاده بتواجدي في هذا الصرح الشامخ بشموخ أبنائه ..وشهاده أعتز بها من أساتذه كبار .. تحياتي للجميع

ياسلام والله العظيم ابداع

تسلم اخوي عبدالله وتسلم مشاعرك