26-09-2007, 02:54 PM
|
رقم المشاركة : 1 | |||
|
مهنا ابو عنقا بداية ً هو شاعر بني خالد عاصر الملك دجين بن عريعر ونظم الشعر فيه
ايهاالمستمع نظم مابالسطر = اسأل الله يرسل حقوق المطر
يامجيب الدعاياوالي السما = يامن له الكون كان في ماأمر خافض رافع قابض باسط = يا سميع بصير إليك المفر يا رؤوف بنا دايما علا = يامن علىالعرش استواكاخبر أول أخر ظاهر باطن = رازق محصي برها و البحر عازل ناصب أمر زاجر = ناشر طاوي حاصر محتضر اسألك يا الهي بآيات هود = يا والي الكرم أله البشر ان تجعل لنا دامع لامع = كالعزاللي هماليله إلى انزجر هلول شلول سحوع سفوح = دهوش غطوش يدق الوعر سكوب حلوب امشيل امثيل = امخيل امطيل ابدربي الصخر على صلب مبد ارتوع السحاب = ثلاث تعوده الى جا الشهر على الجوهر أوالحتيفه غروق = دعا بالمخاليق مثل البحر وغبقا ملاها و بالخد حام = و حط الحصايل لسيله مقر وهدبا الرويضه الى الثقال = واراضي اليتيمه بها السيل قر سقاواستقايوم جاباالقريم = و جابا السيوفي ابروس النير دهش وابتهش يوم جابا الحصات = و سجم وارتكم يوم وصل المقر غدا التسعين ماهن امقيم = سوا التريبي سوات النير وحسن السابقين تروا العنوف = وسيل الثمايل ماله قدر واسقا الخسيفه وخبرا أبن عون = وعلىالغبيبات ماه ابتكر ودق الثعاقم واسقا افليج = وفي ارض مشرف مغن ماجفر جفل بالجند اليه حقوق = وامسااغثاالنار فوق الشجر وجرا على وادي اخشوم الدفان = ومجرا الثمامي جرا بالمطر وصفح امغيرات الى النفال = ودم النجيه أورام الحفر وساقه ولينه سقاهن جميع = وتسقى الرمل فوقه نشر وجاب احروباته هو والخدور = وصعدابرايات ذاك المقر على عدا اباالفهود السيوفي ذاك = على الحفن ثم غدرني مر على العنق والشق جامستدير = امثيرامنير جرابالحفر وسقابه الوادي المستطيل = والحبل اخيال منه الخطر الى هجروالخن ضافي الشليل = الى الرجم الأقصاالىابوبحر يارب ياخالقي أن تجيب = عسابه تخالف افنون الزهر مرابيع هبس أهل الطايلات = ارفاع المناسف اخصاب الدهر على ساقه الشيخ سقم الحريب = سعد هباس سعدون عين البشر اعنان المعادي وفعل جميل = ومن هو على الضد منه الخبر فعل جميل وكف حميد = زين المعالي بها افتخر لعله إلى فر عقب المقيض = على العز من هجر قاضي وطر يصبح لهذا و هذا ياطاه = وهذا فضيضه توطا السفر وهذا يهدي سابق يستجير = وهذاك قبله يعطف البشر وزانت مراعي راعي الفياض = غدا العشب فيها يغطي الشجر بصوت الفرخ همام رعوش = كبير الثنادي فج النحر وافي المناكب قصير الحجول = ابعينه كما القدح جن خزر وراس تقل فنجان صين = وعينه كما اللي يطالع قمر عطيب الصواب ثقيل المراز = خفيف ارتعاش وفيه النزر ذا وخذ عنه ماخفا ناظريه = تلدغ تقل شايف له نذر رمح واصطفق بالهوا ثم جال = و انحا على الأرض فوق الشجر لما توازن لهن باللحوق = شهر بالسما فوقهن ثم خر ظربهن ابسح وهن بتجوال = و طاحن على الأرض مثل البحر هذيك طاحة صوابه عطيب = و هذيك حول بها له نسر كما فعل راعيه يوم الكفاح = إلى ذهلن البيض زين الحذر وصل على سيد المرسلين = شفيع البرايا ابيوم الحشر |
|||
|
|
26-09-2007, 02:58 PM
|
رقم المشاركة : 2 | |||
|
أرسل مهنا أبوعنقاءالخالدي ( شاعر بني خالد ) هذه القصيدة إلى محسن الهزاني بعد وفاة الملك عريعر بن دجين بن سعدون الخالدي سنة 1188 هـ ..
عضّنـي نـاب الزمـان فقلـت آه=نابنـي وانـا مغـر ّ ٍ مـن بـلاه نابنـي نـابـه ونابيـتـه وانــا=خايف ٍ من غـدر مايرمـي قضـاه والليالي لو بغـت تصفـي زمـان=كـدرّت بالغـدر مطعومـي ومـاه مثـل أيّـام المقـيـظ وطيبـهـا=تقتفيهـا مـع مقـاديـر الإلــه عبثت أيّـام الشتـا بـرد ٍ وجـوع=والربيـع وطيـب أيّامـه قـفـاه مثل أنا المغضي على خبث ٍ وطيب=كل ّ حـي ّ ٍ ذايـق ٍ طيبـه وفـاه أيّا الغـادي علـى بكـر ٍ صبـور=يطـوي البيـدا بتطويحـة خطـاه أغلبـي ّ ٍ دغلبـي نابـي القفـار=في عمان ٍ مع بنـي يـاس ٍ غـذاه كل ّ مايعجـب بمرعـوب ٍ هميـم=كـن ّ ينهـش فـي عراقيبـه ذراه في نجير ٍ أعوج ٍ راعـي قريـض=ما يملّـون السـرى ربـع ٍ حـذاه حاذق ٍ فـي بـدع توليـف ٍ نشـر=صاينه إلاّ لمـن هـو لـه شـراه حينمـا تلفـون لـي ياغانمـيـن=بيـن ذالـوك الصناديـد الـلـواه فانشروا حالي فما لي من صديـق=أشتكـي ماصـار مـن حالـي إلاه عقب عرعر مـع سنـادي زامـل ٍ=أو سراج الدار سـرداح ٍ بهـاه ثـم ّ أولاد ابـن هــزان سـنـاد=منـزل ٍ لـي منـزل ملجـا غنـاه جمرة الحـرب المنايـا البارعيـن=خزنة المعسر إلى جـا مـا عنـاه نادهم فـي نادهـم بأزكـى سـلام=من قبالـي ثـم ّ أبلغهـم وصـاه وانخ أخو محسن وقل شاعرك صيب=سوّ حظّه في شـرك سـوّ ٍ رمـاه ويـن ميـم وشيـن را ياسـيّـدي=ووين صنديد الكمـى شـقٍّ عـداه وين مـن لاخـذّ غيـر الطايـلات=وين أخو محسن مهدّي من عصـاه وين سـور الـدار ويـن أحزامهـا=وين ريف الضيف من جوع ٍ حـداه ويـن عمـه تركـي ذرب اليميـن=وين من للضدّ يبحـث عـن كـداه وين أخوي محسن ومحمـد وزيـد=ويـن شاديـن المكـارم منتـهـاه كلّهـم مـا قـط فيهـم ناقصيـن=يطعنون القـرم مـن كـلّ الجهـاه مالهم بالوقـت هـذا مـن نطيـح=فانّ طفـل الجـود هـم أمّـه وراه جمـرة ٍ تنهـاب مـا فيهـا رمـاد=غير بالماضي مثـل عنتـر عـزاه كم بروس أحراربهـم ذاق الممـات=من شجـاع ٍ فـارس ٍ تنثـر كـلاه يعتفـر بالقـاع مرمـيّ ٍ مصـاب=راثع ٍ في الخـدّ يرثـع فـي دمـاه غيـر ذا ياكاسـب ٍ نـوّ الجميـل=ياحمـى الخفـرات ياسـتـره ذراه يامنـى مـن خـفّ مـزهـب زاده=بالشتا ماتقضب أصباعـه عصـاه منكف ٍ أو حـادر ٍ حاديـه جـوع=فـي مسيـره يمّكـم أنتـم حجـاه جاتكـم لـي فاطـر ٍ ياغانمـيـن=عيرة ٍ مـا وقّـع الشاطـر حفـاه جاتكم لي بري مع ضـبّ ٍ مكـون=أطلبـه منـكـم وذاك أنــا دواه نوّ خيرٍ ٍ من ضحاكـم لـي قـلاط=فـان ّ نـوّ الخيـر أنتـم منتهـاه مثل مـن وردن علـى شـط ّ وذاك=مثـل حفّـار النقـا يبـحـث وراه ذا وصلّى الله علـى سيّـد قريـش=ما حدا الحادي ومـا رجّـع غنـاه وهذا رد محسن على قصيدة مهنا أبو عنقاءالخالدي:
مرحبـا مـا غـرق بـرّاق ٍبمـاه=أو تردّد صوت رعـد ٍفـي جهـاه
أو بكنّ عيون مـزن ٍجنـح ليـل=أو ابتسم نـوّار نبـتٍ مـن بكـاه أو ضفا ديجـور جلبـاب الظـلام=أو بدا فيـروز صبـح ٍمـن قفـاه أو عدد ما حـنّ مشتـاق ٍدنيـف=فارقه مـن بعـد محبوبـه عـزاه أو عدد ما ضجّ في قرن الحجاج=أو نفر من بعد حجّه مـن قضـاه أو سرى الخريّت باكـوار ٍهجـان=أو تـبــارت يعمـلـيّـات ٍوراه بالكتاب اللى لفانـي مـن صديـق=نظـم درٍّ مـن بحـر فكـر ٍنقـاه من محبٍّ لى رفيـق ٍمـن عشيـر=صادق ٍفرض ٍعلـى مثلـي قضـاه بعـد منظومـي كتابـي والسـلام=للـذى ممّـا جـرالـه قــال آه أيّها الغـادي علـى حـرٍّ هجيـن=دارب ٍكالقـوس محـنـيٍّ قــراه سالم ٍمن سـوق معـوجّ الظـلاف=كنّ حمرة ناظـره جمـرة غضـاه هملعـيٍّ نايـف المقـدم نجـيـب=مـا يشـدّه راكبـه لـولا بــراه شد قميٍّ أعيط ٍمـن نسـل عيـط=نقع خفّه من حـدو جريـه غطـاه نابي الوركيـن كـنّ انّـه يطيـر=أين وخده من جنونـه يـوم جـاه دارب ٍلافـرق بيـنـه والعـجـاج=ما حد ٍيـوم اللقـا يقـوى لقـاه يسبق الكدري إلى جـنّ قاصـدات=منهل ٍيجلي الصدى سلسـال مـاه في ضحى يوم من الشعرى مخيف=لفح بارح كافـح الجـوزا شـواه بالبرا عجّ راس نضوك لي كفيـت=مـن زمانـك شـرّ ماتخشـى أذاه قدر شـرب العجـل فنجـال ٍودون=باغي ياهيـه تنقـل لـي وصـاه يّم أبو عنقا وقلّ لـه ليـش يـوم=دزّ نظمـه ماتفطـنّ فـي قـفـاه فـاق بالآفـاق فـي قيلـه وانـا=كـل نظـم ٍرايـق ٍعنـدي قضـاه ما احقر يالعشر مـن ردّ السـلام=يوم جيت " الخرج " يوم ان زاد ماه بعد ذا إن كـان لـي عنـدك كمـا=عندنـا مـن ذات توقيـر وجـاه فافتهم نظمـي وسلّـم لـي علـى=منتج الطولات مغنـي مـن أتـاه من حشا قلبى وقل لـه ذا سـلام=من محـبّّ ٍوالمـودّة فـي حشـاه ميم حا سيـن ٍونـون ٍكـن فـي=وسط عينـه يـوم فارقكـم قـذاه مـن عطايـاه الأصايـل والجيـاد=مثل " عرعر " في زمانه ما نـراه مظفي الحسنـى وبـدّاع الجميـل=فرز شطرنج الوغـا بحـر الغنـاه ذروة العليا شقـا عيـن الحريـب=ترجة الصاحب سبب عـزّه غنـاه تلتجـي بـه بالملاقـات الجيـاد=والرعايـا آمنـات ٍفـي حـمـاه بدر تمٍّ فـى سمـا المجـد خيـل=عـم مشرقهـا ومغربهـا سنـاه من بهـاه نجـوم نحـس ٍآفـلات=والسعـود مقارنـات ٍفـي سمـاه طـوّق رقـاب الأدانـي والبعيـد=بالحسانـي طـوّل البـاري بقـاه فان بغاني في مديحـي لـه بعـد=يزدرينـي جـاهـل ٍماقـلـت آه فانّ لي يا سامعيـن القيـل فيـه=من المآرب ما لموسى في عصـاه لازم ٍ أقضـاه لـو أنّـي بعـيـد=بالثنـا والاّ فمـن ربّـي جــزاه بعد هذا القيـل يالممـدوح جـاك=في سجلٍّ مـا مـلا عيـن الـرواه حكيهم لك مثـل لالٍ ٍفـي ضحـى=ضيح دوٍّ حين ما العطشـان جـاه لـم يجـد إلاّ غديـر ٍمـن هجيـر=شمس قيظ ٍمن وراه وعن ضحـاه حز بك اللي أنت له طول الزمـان=من جداكم تعـرف اليمنـى جـداه أدخلـوك بتهلكـة حسبـة سنيـن=والخبر عنـدي وجابتـه الـرواه ماعهدنـا بإنّ آســاد الـشـرى=قبل ذكرك هادنـت ضـبّ الكـداه وانت حاشاك انّك تسوّي مثل مـن=قد طوى عن مايح الجمَّـة رشـاه ختم هذا القيـل والمكتـوب قلـت=مرحبـا ًمـا غـرق بـرّاق ٍبمـاه ثمّ صلّـى الله علـى خيـر الأنـام=ما حدا الحادي ومـا رجّـع غنـاه |
|||
|
|
|
26-09-2007, 03:01 PM
|
رقم المشاركة : 3 | |||
|
قال الشاعر مهناء ابو عنقاء الخالدي في شكوى الزمان ويمدح فيها الشيخ درباس بن مجدل الخالدي والمتوفي بحرب الزبارة الثانية والتي وقعت بين الخليفة شيوخ البحرين وأهل قطر وكان درباس مع اهل البحرين
دارت بى الدنيا علـى غيـر ماريـد=وأزرت بحالـى خاينـات الليـالـى
وأصبحت بين الناس لا أبدي ولا أعيد=متحيـر مـا بيـن جافـي وغالـى كل(ن) ينام ونـوم عينـي سراهيـد=مثل القريص وخاطـري باشتغالـى كني ربيط حـط فـي رجلـه القيـد=في حبس من لا هـوب آو ٍ لحالـى كامي لما بي عن شمات الحساسيـد=ما أوريهـم إلا الميسـره بالمجالـى في دولة(ن) فيها اللكع صاير سيـد=والسيـد ينقـل للخسيـس النعالـى والحكـم فيهـا للجلـب والمواليـد=والحر بار بهـا وهـو كـان غالـى والصدق لو يجلب بالآسواق ماريـد=واللـي يحبـه مخطـر بالنكـالـي والكذب أمسى منزله عندهـم شيـد=راعيه يرفـع فـوق روس العوالـى هذا الذى بيـن المـلا ينقـد الميـد=ماعد بـه لآهـل المراجـل مجالـى شكـواي لله ثـم لليـث أبـو زيـد=حامـي عقـاب الجاذيـات التوالـى شيخ(ن) نشا ماداس طرق المناقيـد=متنزه ٍ .. عن كل طـرق الخمالـى مشبع ضحى يوم الوغى الطير والسيد=بمصقـلات الهنـد ويـا ..العوالـى درباس للي في ليـال القسـا عيـد=لآهل الركايـب سايجـات الحبالـى عز النزيل ان جا على الجـار تنكيـد=جاره مريـح خاطـره فـي عدالـى يابو حمد يلـي لحمـل القسـا حيـد=ان عجز عن شيله جمـال الرجالـى لك اشتكي يا شيخ ضاقت بـي البيـد=وأمسيت بلش في معيشـة أعيالـى من عقب مانـي سلعة(ن)للأجاويـد=قواعـدي منهـم عطايـا جـزالـى واليوم برت وقـام سـوق المداويـد=اللـي تقلطهـم بـنـات الحـلالـى وأنا ذبيلي يا بـن مجـدل مواعيـد=اتعب وأتعـب فـي رجاهـا زمالـى وأرجع حزين وخالي الكـف مافيـد=أصفق بكفـي يـوم رديـت خالـى وأسلم ودم نجاك مـولاك مـن كيـد=أهـل الخدايـع خاربيـن الفعـالـى وصـلاة ربـي للنبـي عـد تغريـد=ورق الحمام بـروس غيـن طوالـى |
|||
|
|
|
26-09-2007, 03:02 PM
|
رقم المشاركة : 4 | |||
|
باح مكنون الأمور الخافيات =والصبا عصره قضى نحبه وفات
والليالي انكرن والخل بار=من عقب كلمهن لي مقبلات أبعدن لاماي عن لاما الحبيب=فاتر اللحظين معسول الشفاة هايف الخصرين خطربانقسام=لو نسانيس الهوا له هاصرات اعذبي النطق في رد الجواب=لوعذل من علومه ناصحات ماأغبط الشاه هووياحمود=فرد ساعة للواصل جامعات اسمها يا صاح لام ثم ألف=يشتمل بالفا وغيره نازحات عشت أيام إلى جن الظلام=جنح ليل والليالي مظلمات خذت عندي صارم ماضي جديد=اعضب ماناش حده فايتات يقسم الهامه فيانعم الرفيق=حين ألقى لي بدربي مكرهات ما أهاب الصد في وصل الحبيب=حين ألقي لي هموم رايحات يوم زرته والملا عني رقود=جيت بابه والمجاري مغلقات |
|||
|
|
|
26-09-2007, 03:10 PM
|
رقم المشاركة : 5 | |||
|
القصيدة التي حررت الاحساء من الاتراك
وعوجوا رؤوس عيـرات خفـاف=هجاجيـج(ن) سليمـات الخـفـافِ على واد(ن)عذيب لي اربطوا=أحملـكـم ســلام(ن) للسنـافـي سـلام فيـه لفـظ مـن أديــب=سبـك نظمـه بعيـدات القـوافـي إلـى القنديـل هبـاس المسـمـى=بعيـد الذكـر (سعـدون) المكافـي فـدار العـز مـا عنـهـا مـقـام=ولـو كـاس الحمـام بهـا يـدافِ ولاشـر(ن) بغيـر الشـر ضــر=ولاسيـف(ن) بغيـر السـو كافـي الا واشيـب عيـنـي واعنـاهـا=اثرها عقب اخـو داحـس عوافـي غدوا هبس(ن) وراحوا شوف عيني=وصارت عقب اخو داحس مقافـي الا بالغـيـر ماتنـفـاج يـــوم=يشوف اللي جرى القـرم السنافـي يشوف الهـر يلبـس جلـد نمـر=وصار النمـر عنـد الهـر هافـي وصـار دجاجهـا عقـب الحـرار=مناقيـره مـن البـولاد صـافـي ياليتـك ياصليـب الـراي حــي=ولاشفنـا ( بهجـر ) ذا الكسافـي لقـد متنـا ومـات الخلـق كـلـه=وبيـن الحضـر والبـدو اختلافـي وكثـر الظـلـم مــن ذولا وذولا=ولاادري اي هــذا والـعـوافـي فليت المـوت يأخـذ الـف شيـخ=وبعـده الـف الـف مــع الآفِ مضى هـذا وسرهـا يـا رسـول=شمال عجلـة كـان كنـت شافـي الـى سعـدون ودجيـن وداحـس=وزيـد مسقـي الضـد العـزافـي وقـل لمحمـد واخــوه مـاجـد=ترى ( هجر ) بكى وانتـم مقافـي وعبدالمحسـن الـحـر القـطـام=وبندر حيـث اخـو جهجـاه يافـي وقل للشيخ أبو مشـري ومشـري=بعيـد الذكـر نــزال الشعـافـي وخالـد والعميـري والـشـواوي=وخـص نقالـه الحـدب الرهافـي قـل ويـن أهلـك عطيـوا نخيـل=وأيضـاً للذهـب غالـي الطـرافِ وسيعيـن الهـوايـا بالمنـاسـف=هـل الشيـلان والجـوخ النظـافِ وصقر وخـص لـي أولاد مفلـح=جميـع كلهـم تقـبـل حـوافـي إلـى مـا جـيـت هــذولا وذولا=فقـل النخـل زيــن الخـوافـي وأنتـم تتبعـون هــوا النـيـاق=تقولـون انهـن هـزلا ضـعـافِ فأيـن الشيمـة اللـي قيـل فيكـم=ولبـس للمصـاريـد الـرصـافِ وطعـن الخيـل فـي دار المعـادي=وعـن دار النـدا تعطـون قافـي وما منكم احـد يقضـي الحسايـف=فهبيـتـوا عسـاكـم لـلــذلافِ فـان كـان انكـم تجـار هــرج=وشرب حليـب زينـات الشعـافِِ وهـذر بالمجالـس مــن بعـيـد=وخـبـط بالمـطـارق بالـرفـافِ (وهجـر) مـا تجيكـم بالحكـايـا=ودفـع خطوطكـم مـع كـل لافـي يبي قطم الجموع وضـرب سيـف=وضـرب للجماجـم فـي شظافـي ففيكم (( عرعر )) شمس وغابـت=ومسـرج عزكـم ياهبـس طافـي أجل ما دون (هجـر) اليـوم ذخـر=فهوشـوا كلكـم هـوش يـشـاف فينصركـم ويكـره كـل بـاغـي=علـى ماقيـل لطـف الله خـافـي فـإن كـان أنكـم نومـاً جمـيـع=فليـت ان واحـد ماهـوب غافـي وسوقـوا جربكـم لا بــارك الله=بهـا لـم الحسـا كـود تـوافـي فـان كـان انكـم هبتـوا بنـاهـا=فشـوري ان تعافـكـم العظـافـي ولا تفـرش لـكـم زل الـزوالـي=ولاتبـرك لكـم لوهـي ظــرافِ ولا تلـوون مـجـدول الـعـذارى=ويحـرم شربكـم ذيـك الرهافـي وأنـا لـولاي مملـوك لغـيـري=عنيـت وجيتكـم لوكنـت حـافـي ولكنـي كـمـا القنـفـذ بخـطـة=ولو هـو شـاف منهـا مايعـافِ بهجـر هجـرت رجلـي وزنـدي=وشربت المر هـو ويـا العزافـي وهـذا قـول مـن شفـق عليكـم=وجيـع الكبـد مـلـوي الكـتـافِ صديـق صـادق صـاح عـديـم=تكـلـف بالقـوافـي للـمـلافـي عشيـر أن بغيتـونـي عشـيـر=وعبـد وافـي مـانـي بهـافـي وعيشـوا وأفهمـو قـول العناقـي=نقـي العـرض مـادام الـخـلافِ والا فاذلـفـوا يــم الـشـمـال=بحـراذيـن مقاصـيـد ضـعـافِ وصلـى الله علـى سيـد قريـش=عدد ساع سعـى واحـرم وطـاف وعندما وصلت قصيدة مهنا أبو عنقاء إلى آل عريعر في الشمال عادوا بجموعهم من بني خالد واستردوا أملاكهم بعد ما اخرجوا الدولة العثمانية من منطقة الاحساء - وقضوا على ولاتها من العثمانيين الذين تولوا السلطة في المنطقة بعد سقوط الدولة السعودية الأولى وهذه من القصائد التي دونت بعضاً من وقائع تاريخ الجزيرة والخليج العربي - |
|||
|
|
|
26-09-2007, 03:17 PM
|
رقم المشاركة : 6 | |||
|
مساجلة مهنا ابو عنقاء والشيخ مشعان ابن مغيليث في رثاء الملك ماجد بن عريعر الخالدي رحمهم الله جميعا
بكيت رجال واجواد شيوخ =مع اسلاف يقدون الجهـام ويبادله شاعر الأحساء مهنا أبو عنقا التعزية بتعزية وتسلية إلى أن يقول : مـنـاعير واعيـان عدام = بروس رماحهم ريش النعام يغـزون الضـد بكـل دار = ويسقونه امرار الشري حامي وراية ما حضرها كل واشى= ولا يدخل بها ولد الحـرام عزيزين النفوس بكل شيمة= إلى قـالـوا وفيين الذمـام ذرا الجيران عـوق للحريب =هل العليا رفـيعين المقـام وسيعين الهوايا بالمعـادي = كبيرين الصحون اهل المقام وراحوا واقفت الدنيا عليهم =ورسم اذكارهم مثل الحـلام ووين اللي بهم صدر وورد= هل العـليا رفيعين المقـام خلوهم باللحود المظلمات = ولا عنهم يردون العـلام ما غير الطيب والفعل منهم = وممشى الجود مايمحـا دوام الى ان قال يمدح محمد بن عريعر:= الى عدت خصال الطيبين = فابو سعـدون عـد بالمقام ببذل المال واكرام الضعيف = الي شحـوا على الزاد اللئام صخي الكف شيال الحمول = ينفذ ما يحوش من الحطـام محمد ما طلع مثله بصير = بتالي وقتنـا هـذا حـرام ولا خلى حلاله راس مال = على الراحات والشدة يحامي
كذلك وين كسرى وين قيصر = غدا ملـكه وايوانه هـدام وكلتا القصيدتين اطول من ذلك وهذا مابلغنا منها ولكني لعلي ابحث عن التتمه قريبا
وبـراك الغرير مع مهنا = ومقرن هو ودواس الدهام بحق الحشر لي لولا محمد = أبو سعـدون كساي الايتام وما أنسل عريعر مع محمد = وماجد وأنت ياالحر القطامي لا أقول الشيمة العليا توفت = واصير قبرها فوق الرجام |
|||
|
|
|
06-10-2007, 03:12 AM
|
رقم المشاركة : 7 | |||
|
مهنا ابوعنقا في رثاء الإمام عبدالعزيز بن محمد بن سعود |
|||
|
|
|
12-11-2008, 01:34 PM
|
رقم المشاركة : 8 | |||
|
وأنـا لـولاي مملـوك لغـيـري=عنيـت وجيتكـم لوكنـت حافـي |
|||
|
|
|
05-03-2009, 03:36 PM
|
رقم المشاركة : 9 | |||
|
شكرا للمجهود الطيب ابو حمد |
|||
|
|
|
09-04-2009, 08:04 PM
|
رقم المشاركة : 10 | |||
|
يعطيك العااافية |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 13 ( الأعضاء 0 والزوار 13) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مختارات طلال السعيد | يوسف الشقران | الشعر المنقول(خاص بالشعر النبطي) | 91 | 27-12-2013 07:07 AM |
| قصائد شاعرات الفطاحله بالوطن | انكسارات النخيل | الصحافة والعلاقات العامه | 1 | 14-02-2011 06:49 AM |
| بعض قصائد الامير زيد الخشيم امير قفار | ماجد الزيد | رواد الشعر النبطي ماقبل المعاصر | 17 | 15-12-2010 11:58 AM |
| قصائد انجليزيه اعجبتني | صياف | تعليم وثقافة عامة | 38 | 28-04-2007 01:19 PM |
قصائد مهنا ابو عنقا
