حامي النار

[الصمت الثائر]

ياناس قال اللي وطا حامي النار

شاقه غزال (ن) لوّحت له يديها

تلقي التحيه وتلفّت وتحتار

شفت الغلا بعيونها محتويها

وتنظر لي بنظرة تعجب وتذكار

ثم استذارت والحلا مرتديها

بعيونها بحر (ن) وانا فيه بحار

واخاف من غدره وانا مهتويها

اغوص انا داخله وادري به اخطار

ما تاب قلب (ن) بالهوى مبتليها

العشق سيف (ن) تشهره سابق انذار

وخافي جروحي بالحشا تشتريها

انا ارتديت الليل ثوب (ن) وستّار

اراقب نجوم السما واحتريها

سألت عنها نجمة سهيل ويش صار

في اللي حياتي خاتم (ن) في يديها

ردت وقالت خايفه تاخذ الثار

بعيونك اللي حابس الموت فيها


علي أحسن منصور المكرمي
(الصمت الثائر)

[نجم الإبداع]

صح لسانك اخوي علي


نص عاطفي راقي


لاهنت على اتحافنا

تقبل مروري
وودي

[الــذاهبه]

علي المكرمي

قصيدة رائعة بروعتك

صح لسانك

دمت بخير

[يوسف الشقران]

بعيونها بحر (ن) وانا فيـه بحـار =واخاف من غـدره وانـا مهتويهـا

شاعرنا علي المكرمي

قصيده تفرض الاعجاب

تحيتي وصح لسانك

صح لسانك وعلى شانك
قصيده في قمة الروعه والعذوبه


اخوك
سراب الراحل

[ابومياس]

قصيدة رائعة بروعة حظورك

معاني استمتعنا بها


صح لسانك مدد بلا عدد

دمت بخير

[الخنساء]

صح لسانك الشاعرعلي
لاهان راسك قصيدة راااائعة
ترجمت جميل المعاني
سلمت وسلم شعرك
دمت يخير

صح السانك جميله ورائعه من شاعر رائع ..

[مبروك بن ماضي]

اخوي المبدع :
الشاعر / علي المكرمي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي
..

[سناعيس]

الشاعر علي المكرمي

صح لسانك
قصيدة جميله ومعبره
لاهنت وبيض الله وجهك

تحياتي