قالت لي اكتب عن لساني قصيده

[الطائر المهاجر]

قصيدة الجريفاني الأخيرة ذكرتني بهذه القصيدة في ديواني
فقمت بإخراجها

قالت لي اكتب عن لساني قصيده = واكسر بشطر ولا توضّحه بالحيل
لو يكتشف باقول توّي جديده = وصغيرةٍ ما اعرف عن الوزن بالشيل
ودّ اشتهر وانشر بأفضل جريده = مثلي مثل غيري بشعّار هالجيل
واللي تبي حاصل عليك تحديده = اطلب تجد من فوق حقّك بتدبيل
فكّرت في حالي فانا عل حديده = شاعر بليّا شغل مثل الرجاجيل
ولا نيب أوّل بايعٍ من عبيده = كلش يباع بهالزمن لو نقص كيل
هذا بدينه وذا يتاجر بغيده = وهذا اختصاصه في البلا والمعاميل
وهذا الشهاده مثل خاتم بايده = زورٍ على المظلوم ماخاف تنكيل
لكن حرام إني اغش البليده = حتى ولو عانيت من فقري الويل
فقلت استخير ولله اللي يريده= رزقي على اللي يرزق الطير بالليل
خليت غيري يشترك بالمكيده= فيا كثر من دربه على البيض به ميل

[الأموره]

يا سلام ،، يا سلام ،،

تراها من جد موجود بيع القصايد ،، و بالهبل ،،،

نسال الله السلامه ،،

صح لسانك و علا شانك ،،

الف شكر لك ،،

دمت برعاية الخالق ،،

[ابومياس]

واقع واقع

وياما اكثر الشعار اللي يشار لهم بالبنان

ولهم مكانة اجتماعية وادبية

مايعرف يقول لك شطر بيت

بسلامة ادفع 0

صح لسانك يابوعبدالله

دمت بخير

[الطائر المهاجر]

شكرا للأموره
على كريم الحضور والتفاعل
لاهنتي
تحياتي

[عمر ال شيبي]

صح لسانك لا هنت

الين جبتها

على الوجع

[احمد الجريفاني]

رائعة ابا عبدالله دمت بخير يا مبدع وملهم

[الطامي]

الطائر
صح السانك ملايين
رائعة جدا
لاهنت استاذي

[مبروك بن ماضي]

الاخ الفاضل الشاعر العلم/ الطائر المهاجر
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[شجون القصيد]

الله الله

صح لسانك شاعرنا قصيده رااائعه

وتوجيهات راقيه في قالب جميل

لافض فوك دكتور

دوما نتعلم منك

ابدااااع لامحدود وتناغم رااائع

دمت كما تحب

[عبدالله مذكر العقيلي]

صح لسانك

والله لايهينك


تحيتي