مير البلا لامن حسدك اقرب الناس ..!!؟؟

[ابوعبدالرحمن القريشي]

عادي يصير انك من الناس محسود = مير البلاء لا من حسدك اقرب الناس
ترجع ليالي وقتك المزهره سود = وترجع حساباتك على اخماس واسداس
وخيال جوك كنه بروق ورعود = بلاوي (ن) من كبرها توجع الراس
وياللي خلطت بلقمة العيش بارود = عقب المعزة عيب ترجع وتنداس
طعنة ظهر في داخله سم مسرود = تسري به عروق الحسد لأوسط الراس
ليه العرب ما بين حاسد ومحسود ..؟= وليه القلوب البيض طاويهن الياس..؟
ناسٍ تذابح والسبب ناعم العود = وناس على حب الذهب تركب الراس
وناسٍ بحاله مابهم بالعرب زود = تلقاه محسود على شربة الكاس
يالله تعمي كل حاسد ومقرود = وتنزع جذور الحقد من داخل الناس

اتمنى ان تنال على القليل من ذائقتكم
ابو عبدالرحمن القريشي

[راجي الحاج]

يالله تعمـي كـل حاسـد ومـقـرود ==== وتنزع جذور الحقد من داخل النـاس

الله الله يالقريشي على هالكلمات الرائعه التي تجسد واقعنا الإجتماعي

سلمت وغنمت وأبعد الله عنك وعنا شر الحسد وأهله

دمت بخير

[ابومياس]

عادي يصير انك من الناس محسـود
........................مير البلاء لا من حسدك اقرب النـاس

الله الله الله

يابو عبدالرحمن القريشي


نص جزل جزل جزل

اعجز عن وصف روعته

كله حكم وغارق في الجمال

صح لسانك وبيض الله وجهك

اعجابي وتحياتي

دمت بخير

[منصور العبدالله]

وياللي خلطت بلقمـة العيـش بـارود
عقب المعزة عيـب ترجـع وتنـداس
طعنة ظهر في داخلـه سـم مسـرود
تسري به عروق الحسد لأوسط الراس
ليه العرب ما بين حاسد ومحسود ..؟
وليه القلوب البيض طاويهن الياس..؟


ابو عبد الرحمن القريشى

صح لسانك وعلى شانك

تقديرى واعجابى ياقدير

[يوسف الشقران]

قريت قصيدتك وتذكرت سالفة لمعاويه بن ابي سفيان رضي الله عنه

معناها

انهم قالوا له ان فلان يحسدك

فاستغرب وقال ليس قريب لي ولا من قبيلتي


ــــ

فمعناه ان الحسد غالبا يكون من الناس القراب



سالفه وحبيت اذكرها
ــ



والقصيده رائعه فهلا وجزله


صح لسانك وفكرك

[نجم الإبداع]

ارحب يابو عبدالرحمن

وصح لسانك على المصافحه الجزله

ابدعت ياشاعر

ولاهنت


تقبل مروري

وودي

[احساس أنثى]

ونـاسٍ بحالـه مابهـم بالعـرب زود
تلقاه محسـود علـى شربـة الكـاس
يالله تعمـي كـل حاسـد ومـقـرود
وتنزع جذور الحقد من داخل النـاس

الله الله


قصيده تحاكي واقعنا المرير

الله يبعد الحسد والحساد عن الجميع

صح لسانك أبو عبدالرحمن وعلا شأنك


مع التحيه

[شعيل الزلامي]

اخوي العزيز الشاعر/ابو عبدالرحمن

صح لسانك واعلم ان في كل وادي

بنو سعد

[سناعيس]

صح لسانك يابو عبدالرحمن
قصيدة رائعه من شاعر أروع
لاهنت وبيض الله وجهك

تحياتي

[الخنساء]

عادي يصير انك من الناس محسـود
مير البلاء لا من حسدك اقرب النـاس
ترجع ليالي وقتـك المزهـره سـود
وترجع حساباتك على اخماس واسداس
وخيال جـوك كنـه بـروق ورعـود
بلاوي (ن) من كبرها توجـع الـراس
وياللي خلطت بلقمـة العيـش بـارود
عقب المعزة عيـب ترجـع وتنـداس
طعنة ظهر في داخلـه سـم مسـرود
تسري به عروق الحسد لأوسط الراس
ليه العرب ما بين حاسد ومحسود ..؟
وليه القلوب البيض طاويهن الياس..؟


يالله تعمـي كـل حاسـد ومـقـرود
وتنزع جذور الحقد من داخل النـاس






صح لسانك اخي الشاعر ابو عبدالرحمن

لاهان راسك قصيدة راائعة
ترجمت الواقع المرير للاسف
فالحسد هو سبب كثير امن الكوارث

سلمت وسلم شعرك

دمت بخير