مع خيوط الفجر نوّخت الرحال....رحلة هاواي

[الطائر المهاجر]

مع خيوط الفجر نوّخت الرحال = من بعد ليلٍ قضيته في الرحيل
راكبٍ مسرع على ظهر الخيال= وين ما وجهت ما به مستحيل
لا جواز ولا تذاكرأو سؤال = ولا تأخر من أجل راسٍ وذيل
رحلتي للشرق لكن في عجال= ال جزر "هاواي" أجمل أرخبيل
الجزر سبعٍ ووحده بالكمال= مثلهن ماشفت لو شوفي قليل
اسمهن لاكبر جزيره لاجدال= "هونلولو" عاصمتهن والدليل
تعني المينا المغطى ..باكتمال= وال " وكيكي" اسم شاطيها الجميل
واسمها من قبل هذا بالعدال = "كو".. ولا لي بخص بالمعنى الجزيل
جو لها "البولونيز" واللي يقال= سادت المشرق حضارتهم طويل
وجاء "براون" يمّهم بالإحتلال= يوم لندن ما يقابلها قبيل
واستمر الوضع عزله وانعزال= لين راعين البقر جو له بديل
تمشيه في هالجزر فوق الخيال= وان بغيت الحق ماله من مثيل
بالبحر والجو من فوق الجبال = جنةٍ خضرا ونبع السلسبيل
وان لفاك الليل فانظر للمحال = منظر البركان وانهاره تسيل
من حمم نيرانها دوم اشتعال= تنتهي بالبحر شيّال الثقيل
والشواطي منظرٍ ما له مثال = لا تلاقى الموج واشجار النخيل
اوغروب الشمس عن ذاك المجال = لا توارت والبحر ودع خليل
وان بغيت الليل وطيور الضلال= انتبه!! لا يخدعك طرفٍ كحيل
لو تشوفه في جماله كالغزال= داخله كل البلا دق وجليل
ارجع معافي وعقلك لك عقال = حافظٍ دينك قبل وقت الرحيل

[الأموره]

الله ،، الله

يا عيني على هالزين

سلمت يالمهاجر ،،

الف شكر لك ،،

دمت برعاية الخالق ،،

[العيناء العامريه]

ماشاء الله تبارك الله

رااااااااااااااائعه يابو عبدالله و رحله حلوه ووصف احلى

و احلى مافيها النصيحه في اخرها

صح لسانك وعلا شانك