حنّا وساهر

[ابو أنس]

لي موعد مع ساهر ورسائل الجوال في صباحات كثيره توقضني من لذيذ النوم بتواطئ مع ابنائي على تنغيص نوم الصباح حتى صارت أقساط شهريه كأقساط البنك وفواتير الخدمات ورواتب الخادمه ومصاريف هم
فاقبلو مني هذا التعبير العاجل الغير منظم

قولو لساهر بأن التاجر يخفّض=يعطي عميله عمولاته ويعنى به
وحنامعه دايمن بمسابق ونركض=ندفع رواتب شواغيله ونشقى به
وان كان له في المحافل جهداومعرض=خسايره مننامكفوله مجابه
نفرح بموعد نزول الراتب ونعرض=يادارحقك علينا..لابتك لابه
سَكره والى حلت الفَكره عجزت انهض=الرقم هذاسرح يبغي.له مشابه
لاهط لهط زبدته لجيوبنانفض=والداين اصبح مدين وزاد بنشابه
باقي حقوق اللذي في بيتنا ينهض=قايم بشغله وله حق وبلشنابه
وباقي مصارف بيتن كنها المقرض=تاكل ولا تحسب الديّان وحسابه
وباقي رسوم وعمولات بعد تمرض=لأنها مصدرٍ للهم واسبابه
وباقي الفواتيرتالي الشهر لوترفض=سدادها سددوا لك نظرة ذيابه
ياساهر ان كان قصدك قرشنا الأبيض=ابشر ترى قرشنا ماعاد نهنى به
اصبح مثل حلم ليل يمر اويعرض=والى اصبح الصبح بالمجلس حكينابه
وياساهر ان كان تبغي قلوبنا تمعض=ابشر ترى سيرتك للكره جلابه
وان كان تبغي ولانا للبلد يخفض=معلوم ما ينغذى حبّ لنهابه
الله يفرج هموم ترهق وتمرض=يوم الضعيف فرسه الذيب بانيابه

[حي الضمير]

عز الله صدقت شاعرنا القدير ابوأنس
وساهر هذا يورينا الغبن لكن مانقول الا الله يعين

ومدد صح لسااانك ابدعت حيل يامميز وعوااايدك
تحياتي لك ايها العزيز

[الطائر المهاجر]

الدعوى سهله
انقل السيارات باسامي عيالك
وخل فواتير ساهر تجيهم ويعرفون
كيف يضبطون انفسهم
ساهر له افضال كثيره في حفظ
الشباب من التهور والموت في الحوادث
بسبب السرعه
صح لسانك
ولاهنت
تحياتي

[الطامي]

هههههههههههههههههههههههههه
ابو انس
صح السانك ملايين
كلام عين الصواب لافض فوك
والله يعين الجميع
شكرا لك

[منيع]

ابيات رائعة تحكي واقع ساهر الذي صفق له ناس وختلف معه ناس اخرون
تحياتي لكم

[داعي الشوق]

صح لسانك يا بو انس

قصيدة هادفة المعنى

بموضوعها الذي يلامس شريحه كبيره من المجتمع

دائما مبدع يا ابو انس

و اختيارك لقافية الصدر دليل ابداعك ،

صح لسانك مدد

ولاهنت

[زهرة اللوتس]

صح لسانك
لاهنت
يعطيك العافيه

[الـزلـزال]

ابو أنس

نص رائع ومحاكي للواقع
من شاعر عودنا على تميز حروفه
أبدعت وأمتعت رعاك الله
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[طير قرناس]

جزلة من راس جزل وشاعر مبدع

لاهان راسك

تقبل اطيب تحياتي

[حي الضمير]

سَكره والى حلت الفَكره عجزت انهضالـرقـم هـذاسـرح يبغـي.لـه مـشـابـه
لاهـــط لـهــط زبـدتــه لجيوبـنـانـفـضوالـدايـن اصـبـح مـديـن وزاد بنـشـابـه


رائعه وهادفه تستحق العوده مجددا
ومليار صح لسانك شاعرنا الكبير ابوانس