اهداء للنشطاء من اعضاء واداريو الفطاحله

[الطامي]

يكفي حضور اللي يرد الاجابات = ويكفي حضوره لاحضر بالنيابه
بعض العرب يستاهل المدح بالذات = والبعض حضوره شبيه لغيابه
اللي يرد ويفتعل له حركات = ويفتش الاقسام مثل الذيابه
هذا عليه يرد وهاذاك نشدات = وهذا يعدل مواضيعه تشابه
تلقاه في مجموعته نحل وردات = في كل صوب تشوفهم لاغرابه
انا اشهد انه يستحق الاشادات = والمدح له راعيه وايضا عُجابه
ياكثر ناسِ يدخلون السجلات = ماغير عالة ذا علومه هبابه
ياريس المجلس معي بس لحظات = ماتنصفون المجتهد في صوابه
يرفع لمجلس بالاداره بلحظات = وان غبت سلمه الامور برحابه
والمعذره ماهي حكر للسعادات = فال الجميع ومن عمل ينجزابه

[الطائر المهاجر]

انا اشهد انه يستحـق الاشـادات
والمدح له راعيه وايضا عُجابـه
سلمت
وصح لسانك
ولاهنت
وشكراً لهذه اللفته الطيبه
تحياتي

كلام عدلٍ وما حوى للشباهات=من شاعرٍ فطحول كل يهابه
اللي يتفاعل نرفعه للمنصات = واللي يتراجع نرجعه لو قرابه
قانون عدل ولا عرف للملفات= سيرفر مبرمج مايبي له كتابه

[الطامي]

ههههههههههههههههههههههههههه
سيرفر مبرمج خخخخخخخخخخخخخخخخخ الله يخارجنا بس
صح بدنك دكتور
وشكرا لمرورك
لاهنت

[منيع]

ياسلام عليك يامنصور
اجدت وابدعت
-----------

منصور جاب العلم وايضا الجزيلات=هذا الوكاد ولاعليها محابه
خوينا لامن حضر له بصمات=ماهو بمن يدخل ولاحد درابه
كم واحد اسمه معانا سنوات=ومعة تبادلنا الامور بذرابه
اليوم راح وبعدتة المسافات=لوهو على الكيبورد يبخل جنابه
ومادام بالساحة رجال المهمات=اهل الوفا مايخلفون الاجابه
حنا بخير ولا علينا كلافات=والود مفتوح مع الكل بابه

[الخنساء]

صح لسانك اخى الشاعر الطامى

ولاهان دكتورنا ولاهان اخى الشاعر منيع

والله يجمعنا يالخير ولايفرقنا

سلمتوا ودام حرفكم

[داعي الشوق]

صح لسانك يا منصوور

ابدعت و اجزلت في المعنى و أصبت الهدف

وافي يا بو محمد

و صح لساان الدكتور و لسان منيع

و الله يديم الموده على الجميع

و لاهنتووا

[الردادي]

مليار صح لسانك يالقرم
ولا هان راسك
على هالجزله
ودي وتقديري

[سعيد عوده الحويطي]

صح لسانك الشاعر منصور المري. على هذه القصيده الرائعه ومن حقك ابداء وجهة نظرك وهذا حق اي شاعر في النتدى مادام ان النقد في حدود المسموح وانا ايدك في ذلك ولك تحياتي

[عبدالرحمن الصباح]

ياسلام عليك اخوي منصور ابيات رائعه وهادفه تحياتي وتقديري وشكرا لك وصح السانك

[روح الشعر]

صح لسانك ولاهنت

جميل ماكتبت

تحيتي