اخترت عقب الحرّ خوّة خززّه

[سهيل الشمري]

مافيك دمّ وخاليٍ من معزّه =تِبْعٍ ولا لك بين الاخيار مذكور
تقول حرّ ولك مقامٍ ورزّه =وتْقول لك صيتٍ ولك عرق مخبور!!!
واثريك يالمعتوه بعروق وزّه =جِلْفٍ وعن درب الاجاويد مسطور
الطيب لك سقناه في كلّ حزّه =ومنزالك امسى بيننا حيل مشهور
نطلب رِضاك وشوفتك له مفزّه =ونْلبّي طلوبك مسيّان وفْجور
ونعدّل المايل ونارك نوِزّه =واللي تبيه يصير لك دون محذور
ياحيف واثري فيك مليون هزّه =كرامتك دسْته ولا طعْت للشور
رحت لمهابيط الوطا عقب عِزّه =حودرت من عقب الشواهيق لجحور
واخترت عقب الحرّ خوّة خززّه =واظنّك من اللي لفوا طرش ببحور
خلّك بدربك دربنا لاتلزّه =مالك جلد بمْرافق احرار وصقور
حلْوك مع اللي للشوارب يجزّه =هم عصبتك واللي لهم بالخنا دور
ياهيه هذا الرمح يمّك مهزّه =كانك فهيم انطح مناتيب مقهور
لنّه هقاك اللي عفيفٍ منزّه =واثريك رطب ولو تغسّلت بنْهور

[يزيد النمي]

خلّـك بـدربـك دربـنـا لاتـلـزّه
مالك جلد بمْرافق احـرار وصقـور
الله الله كفو كفو


حلْوك مـع اللـي للشـوارب يجـزّه
هم عصبتك واللي لهـم بالخنـا دور
ياهيـه هـذا الرمـح يمّـك مهـزّه
كانك فهيم انطـح مناتيـب مقهـور
لنّـه هقـاك اللـي عفيـفٍ مـنـزّه
واثريك رطب ولو تغسّلـت بنْهـور
لا ينجسها بس :d

الشاعر المبدع سهيل
صح كلك يابعدي

[سهيل الشمري]

فديت قلبك يابعد هلي

لاتلومن موجع كبدي

والعذر على نهجي هذا يالذيب

لكن بعض المواقف تحدك على اقصاك

عساك ذخر لاخوك ياخلف جدي




سهيل

[منيع]

عندما ترافق شاعر
فحسب له الف حساب لاان الشاعر انسان حساس جدا وعندما يتأثر وتوجعه كبده مثل شاعرنا(سهيل) فاصبرعلى مايجيك
عموما الابيات معبره وراقيه وموجعه

[نجم الإبداع]

الثائر

سهيل

قويه

صح لسانك والله يعين الهدف


تحياتي لك

[ابو أنس]

الغالي سهيل..............

لاهنت يالقرناس حليحيل رزّه=غانم علومك غانمه تكره الجور
والحر له فزّه أيا وي فزّه=فزة مراجل مايبي الضيم مقهور
دايم عن الزلات دوم يتنزه=رجله ابد ماتدرج بدرب ماخور
حييت يامن بالشعر صاغ عزه=يكتب درر وشم(ن)بها الحرف مسطور

كفو والله كفو انا اشهد انك كفيت ووفيت

لك التحية وافيه

[ثار التميميه]

الله عليك ياسهيل

وربي وربي وربي الكيبورد كل حروفها ماتوصف لو قليل من هالابداع

الشعر اما كذا ولا بلاش

صح لسانك مليون ولايكفون

صح لسانك حتى ترضى

وربي ابدعت ابدعت ابدعت يالحر

حلْوك مـع اللـي للشـوارب يجـزّه
هم عصبتك واللي لهـم بالخنـا دور

ياهيـه هـذا الرمـح يمّـك مهـزّه
كانك فهيم انطـح مناتيـب مقهـور

لنّـه هقـاك اللـي عفيـفٍ مـنـزّه
واثريك رطب ولو تغسّلـت بنْهـور

الجميل ....... سهيل
جزاله
قوة
عمق

قصيدة تحمل في طياتها
الكثير والكثير

صح لسانك

[أم ريما]

صح لسانك اخوي سهيل

ويعطيك العافيه يارب


تحياتي لك

[ابو زياد]

خلّـك بـدربـك دربـنـا لاتـلـزّه
مالك جلد بمْرافق احـرار وصقـور

جعله من فداياك


اشهد انك حر وخوتك شرف
وممشاك ينومس ويرفع الراس

صح لسانك