تذكرت

[ناصر عبيد الهواوي]

من البارح والأجواء غايمة فيها رعد وبروق=وذكّرني لميع البرق ضوحه بالسماء ناضي
وتذكرت اتلعٍ له عاتقٍ كن القمر به طوق=وخدٍ لا تكاشف من صفاه البدر يغتاضي
وجبينٍ ساطعٍ عنه اشقرٍمثل الذهب مفروق=وما فالصدر مثل البيضتين صغار وغضاضي
وتذكرت المكان اللي تعرف وذبت لجلك شوق=وجدت بي جروحٍ مرمسات وهاجسي هاضي
حياتي يا حياتي مع غيابك شي ماله ذوق=وانا ما ودي آكلمك لكن لازمي حاظي
بقلبي منك يا قلبي بهاذيل ونكد وحروق=وانا عن كل ما سويت بي ساكت ومتغاضي
اداريك الزعل وارفق عليك وخابرك مطفوق=وشرقت بعبرتي حتى عيوني دمعها فاضي ِ
انا ما ودي اغضب خاطرك وارجوك رق واروق=بلاش الفلسفة والفلفة مانيب انا فاضي
انا وفيّت حقك بس باقي لي عليك حقوق=واظن الصلح خير ولا نبي يجلس لنا قاضي
لنا برنامجٍ مايعلم بكنهه ولا مخلوق=ابا احكم وإرض . والا فانت تحكم لي وانا راضي
هوانا يا بعد من هو يودك شب عن هالطوق=جميع اللي نقول من الجمل جاء فعلها ماضي
جدار الصبر من كثر التعنت والجفا مشقوق=عسى قلبٍ تعذّب فيك . منك اليوم يعتاضي
وإذا ما عاد له عندك مكانة روح مالك عوق=ابا اصبر واحتسب ممشاي من شانك ومركاضي

[سعود العضياني]

ياسلام ياسلام على هالفاتنه الشامخه العذبه

صح السانك لين ترضا

وبيض الله وجهك ملايين

ولله درك والله لايضرك

تقديري وأعجابي

[سناعيس]

انا وفيّت حقك بس باقي لي عليك حقوق
واظن الصلح خير ولا نبي يجلس لنا قاضي
لنا برنامجٍ مايعلم بكنهه ولا مخلوق
ابا احكم وإرض . والا فانت تحكم لي وانا راضي

الله الله
بالفعل ماتحتاجون قاضي القاضي منكم وفيكم ههههههههه
صح لسانك ياناصر الهواوي
ولله درك
دائما انت والابداع لاتفترقان
لاهنت

تحياتي

[الـزلـزال]

ناصر الهواوي
بوح مميز وجميل
من شاعر رائع ومتميز في كل مايقدمه
أبدعت شاعرنا ولنا أمتعت
رعاك الله وأدام لنا بوحك
صح لسانك ملايين ملايين
ولك فائق تحياتي وتقديري

[مبروك بن ماضي]

الاخ الفاضل الشاعر / ناصر الهواوي
ما أجمل الوقوف على عتبات كلماتك
صح لسانك مدد بلا عدد
فقد أستمتعت بكل حروفها
تقبل تحياتي وتقديري
أخوك / بن ماضي

[حمود السكراني]

هوانا يا بعد من هو يودك شب عن هالطوق

جميع اللي نقول من الجمل جاء فعلها ماضي

جدار الصبر من كثر التعنت والجفا مشقوق

عسى قلبٍ تعذّب فيك . منك اليوم يعتاضي

صح لسااااااانك ياناصر


على هالجمال والروعة

[نفحات حساسة]

انا وفيّت حقك بس باقي لي عليك حقوق

واظن الصلح خير ولا نبي يجلس لنا قاضي

لنا برنامجٍ مايعلم بكنهه ولا مخلوق

ابا احكم وإرض . والا فانت تحكم لي وانا راضي

صح السانك

ولاهنت

وسلمت وسلم فكرك

تحياتى لك.

[ابو أنس]

الفاضل ناصر الهواوي.......................
جزلة من راس جزل
وقافية جميلة وصعبه لايمتطيها الا المتمكن
دمت ودام بوحك
تحيتي وودي

[عيدالماجد]

[rainbow]صح لسانك وعلا شانك نص راقي من شاعر راقي تقبل التحيه والتقدير[/rainbow]

[داعي الشوق]

جدار الصبر من كثر التعنت والجفا مشقوق =
عسى قلبٍ تعذّب فيك . منك اليـــوم يعتاضي





يا بو عبيد

شاعر مبدع و متميز دائما

لك أسلوبك الخاص و العذب

الذي لا يتقنه سوى الهواوي

لله دررررررررك

هطوووووول رائع في المعنى و المبنى

تقديري لك مع الاحترام

و صح لسانك مدد