بـرد الخيـانـة

[نجد الضاوي]

يكفي الشتاء ينهش ضلوعي من البرد= يكفي الزمان اللي غلبني رهانه
ما كنت أظن الشوك يطلع من الورد= وإلا الجفا يسكن ضلوعي عشانه
ليت الخيال اللي بدالي هوى شرد= ليت الذي شفته مجرد لعانه
شفت الغدر في نظرة الشوق تحتد=يروي ضما محبوبته من حنانه
أهونّ علي أعمى ولا شفت هالود=بينه وبين اللي خدعني عشانه
سلمت له قلبي من اليد لليد= فيني نبت روح الغلا من جنانه
ما كنت أبي جرحه ولا كنت أبي الصد= بيده رسم خط النهاية وزانه
الله على ذاك الغرام اللي من بعد= لوعة خفوقي اللي مضيع كيانه
محبته في داخلي مالها حد= غيره تمنى يملك الصدر خانه
إسمه قبل رسمه غدا فيني منجد= عطيته من غدر الليالي حصانه
اخلصت له روحي ولا كنت أبي رد= غير الوفا غير الوعد والأمانة
دمع الحروف الغايرة يروي الخد= حتى القصايد تنزف من الإهانة
ياما تمنيته يجي يقهر البعد= يلمس أحاسيس الوله باحتضانه
صدره بغيته يحضن أسواري ويشد= لا ذقت جمرة من هواه وزمانه
كنت أنتظر تدفا ضلوعي من البرد= وإثر الدفا جرحه وبرد الخيانة

[داعي الشوق]

الله الله يا نجد الضاوي

كلمات من قلب

صح لسانك مليوووووون

و الله يعينك و يصبرك

ابداع جزل و معبر

هلا بك من جديد

وصح لسانك مع التقدير

[الراقي]

سلم لنا بوحك ودام نبضكـ الرائع

قصيدة جميله ..

ونص متميز .. ,,

سلمت يمينك شاعرتنا القديرة ... و صح السانك

[حي الضمير]

ياسلام ابدعتي يامميزه

ومدد صح لساااانك ياجزله

[منيع]

اكثر من رائعة
شكرا لك
تحياتي

[الطامي]

يامـا تمنيتـه يجـي يقهـر البعـد
يلمس أحاسيـس الولـه باحتضانـه
صدره بغيته يحضن أسواري ويشـد
لا ذقت جمـرة مـن هـواه وزمانـه
كنت أنتظر تدفا ضلوعي مـن البـرد
وإثر الدفـا جرحـه وبـرد الخيانـة
،،،،،،،،،،،،،،،،،،،،،،،،،،،،،، ،،،،
نجد الضاوي
صح السانك
رائعة رغم المعانه في القصيده الله يعينك
شكرا لكي

[الخنساء]

صح لسانك مليوووووون ولايكفون

قصيدة جزله من شاعر متمكن

سلمت ودام حرفك

[محمد بن عمار]

أختي / نجد الضاوي
صح لسانك يالشاعرة
وبارك الله فيك يابعدي
لاهنتي ولاهان غاليك
مودتي لشموخك العذب

[فايز بن جبيل]

ما كنت أظن الشوك يطلـع مـن الـورد

وإلا الجفـا يسـكـن ضلـوعـي عشـانـه

ليت الخيـال اللـي بدالـي هـوى شـرد

لـيـت الـــذي شـفـتـه مـجــرد لـعـانـه



شاعرتنا نجد


نص اتى محمل بالعذوبة

شكراً على ها الطرح الجزل


تقبلي ودي وتقديري

[حوريه]

صح قـلبكـ رائعه وجـميله
لاهـنت ولاهـان مغـلـيك
ودي وتقـديري
0
0