التجــربة صـارت ويا لعــبة الطــيش

[نواف السعداني]

	(( التجــربة صـارت )) التجــربة صـارت ويا لعــبة الطــيش وعـلـقـنا بالهــــوى تعـــلـيق بلـشـــه لو ندري الدعـوة تجـارب وتهــويش ما طـاوعـنا بمـسـايس القـلب وبشـه كـنا اجــتنبنا درب لـيـل المــغـابيـش ولا ســـارت بنـا عـــيـون عــمـشــه مـسـكين قلبـي مـد كـفـه يبي يعــيش والحــــظ ويـاك شــــاله ثـم طــشـــه من عـقب ما خليتوا قلبي هـشاهـيش طـحـنا من عـينكم كمـا طــيح قـشـه اللي طرف عـينه رمـوش مـراهـيش رمـش انكـسـر مـنهـا والدمـع نـشــه يا اللي تســاهـلتوا مـناهـيج تطــنيش من صــدكم مـذهـــول قـلبي بدهـشــه عـقـب الهــنا مـعــنا بحـالي العــيـش تكـبرتوا وكـن العــســـل فـيه غـشــه والله مـدري مـنهــم اللـي مـغـاشـيش اللـي وفـــا وإلا مـن راح وتـغــشـــه يا ويلك من الله تلعــب بالمــعـاطـيش اللـي رجــاهــم مـنـك قـطـرات رشــه ماهـي على كـيـفـك ترد المـطــاريش ونبت الوصـال من الاراضـي تحـشه ذليتـوا رجـل غادي بعـــقـل تشــويش الدمــع يـذرف والعــــمـه تـمــشــــه ضاعـت هـيبته بين الرجال الحناتيش عـصـاه دمـعـه وضـيق الخـلق فـشـه غـدى ضــعـيف مـثل طــير بلا ريـش تـوه صــغـير ما عــرف غـير عــشـه لو طاح من عــشـه غـزته المناهـيش وإلا بـعــــد امـرضـــه بــردٍ يلــشـــه يا قـو قـلبك يا حــصـاة الحــراحــيش يا اللي عـليك المـشـاعــر دوم هـشـه اشكي على اللي نقـشني بالمـناقـيش ولاظـنتي اقــوى عـلى محـي نقــشـه لا نـقــــش حــــنا ولا هـي دنــاديـش نـقـش القــلـوب صـــعـبه إنك تمـشـه ليش التجـارب واللعـب بالهـوى ليش نـفـخ قـلبـي كـذب الهــوى ثـم فـشــه غــديت لعــبة بـزاريـن الطــــواويش من عـقـب هـيبة ســلطــانٍ وعـرشــه هي تجـربة وفـرقــت صـفـة الجــيش حـتى غـــدى قــايـد الجــيـش دبـشــه شـف فـعــل ذيك العــيون المـراهـيش اقـوى مـن سـيـف ســياف وبـطــشـه ماعـاد فـيها قـولة تجـارب وتهـمـيش قـلب انكـسـر يا تجــبره وإلا تطــشـه جــبرة ســعـيدٍ ينـعــم بناعــم الريـش وإلا طــشـة فـقـــيـدٍ وســـط نعــشــه شـــعـر نواف بن يوسـف السـعداني

[الطائر المهاجر]

هلا بك اخي الكريم
في محلك وبين اخواتك واخواتك
شكرا لإنضمامك للفطاحله
سعدنا بتواجدك
ارجو مراجعة هذين الموضوعي لتتعرف علينا ولنتعرف عليك ولتتعرف على التعليمات
http://www.fatahilah.com/showthread.php?t=140
http://www.fatahilah.com/showthread.php?t=1969
مع أطيب تحياتي

[الطامي]

القصيده مالها حل نوب
ماتعرف وين اتجاهها

[داعي الشوق]

صدقت يا بو محمد ،،

تحتاج مراجعه

[الطائر المهاجر]

شطر مقبول من الأشطر الأولى
اشطر عديده ومنها
والله مـدري مـنهــم اللـي مـغـاشـيش


شطر مقبول من الأشطر الثانيه
من صــدكم مـذهـــول قـلبي بدهـشــه

فلو الكاتب وزن القصيدة على هذين الشطرين لربما استقام الوزن فيها

[نواف السعداني]

اهلا و سهلا بالجميع , وأنا لم اتوجد هنا لاصنع لي اسما ... و لكن تواجدت هنا للحصول على النقد البناء الذي استفيد منه لتطوير قلمي ..

فأنا مجرد هاوي للشعر و لست محترفا ...

وهذه القصيدة كتبتها من اكثر من خمس سنوات وربما لم اتقن وزنها لأني كتبتها دندنة و اعجاب بهذه الابيات :

بعض البشر مثل النجوم المراهيش
انوارهم تزهي بالافراح بشه

افكارهم ري العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشه


و الشكر للدكتور عثمان على نقده البناء ... و اتمنى ان يكون كل نقد بهذا المستوى ..

[الطامي]

بعض البشر مثل النجوم المراهيش
انوارهم تزهي بالافراح بشه

افكارهم مثل العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشه
اهلا السعداني
هذه الأبيات جيده
ولاكن اللي قبلها مالها حل
شكرال ك

[نواف السعداني]

عذرا أخوي ( الطامي ) مافيه قصيدة مالها حل ما دام شاعرها حي ..

لا كامل إلا وجهه سبحانه وتعالى ,, ولكن نحاول أن نقارب الصواب ..

هذي القصيدة بعد التعديل واتمنى إن رأيتوا أنها جيده أن تنقلوها إلى مكانها المناسب ..

وإن كان هناك نقد لبعض الابيات ارجو الإشارة إليه باللون الأحمر ( وذكر النقد بشكل واضح ) لكي اتلافى اخطائي مستقبلا :::

	(( التجــربة صـارت )) التجــــربة صـــارت ويا لعـــبة الطـــيش حـــنا عـلقــنا والهـــوى صـــدق بلـشـــه لـو نـدري الدعــوة تجـــارب وتهـــويش مــا كــان حـــال القـــلب يزداد وحـــشــه و كــنا اجــتنـبنا درب لـيــل المــغــابيـش ولا مـشــى هالقــلب بعــــيـون عـمـشـــه مـســـكـين قلبـي مــد كـفـه يبـي يعـــيـش وا شـــين حـــظــه ابلـشــــه ثم طــــشــه من عــقـبكم قـد صــار قلـبي هـشــاهـيش طـحــنا وطـــيحــتنا كمــا طـــيح قـشـــه يا اللـي تنـاهـجــتـوا مــناهــيج تـطـــنيش مـن صــــدكم مـذهــــول قـلبي بدهـشـــه نســيتوا مـا ذقــتـوه من حــالي العــــيش ذقـتـوا عــســل صـافي ومـا فـيه غـشــه ذليتـوا رجـل(ن) غادي بعــقـل تشــويش دمـــعـه نـزل و لا لـقـى مــن يـمــشـــــه ضاعـت هـيبته بين رجـال(ن) حــناتيـش مـن بـاح ســـده مــا بـقـى شـي خـــشــه غدى ضعـيف(ن) مثل طـير(ن) بلا ريش تـوه صــغـير(ن) ما عـرف غـير عــشـه لو طـاح مـن عــشـه غـزته المــنـاهــيش وإلا مــرض مـن زود بــرد(ن) يلــشــــه يـا قــوهــا منكم حــصـــاة الحــراحـــيش يا اللي المـشـاعــر صـــوبكم دوم هـشــه حــتى نـقــشـــتـوا حـــبـكم بالمــناقــيش ولا ظــنتي اقـــوى عـلى محــي نقــشـــه لا نـقــشــــــة الحــــنا ولا هـي دنـاديــش نقــش الصـخــر مـنهـو بيـقـدر يـمــشـــه ليـش التجــارب واللعــب بالهـــوى ليـش اللـعــــــــب بالكـــبريت يـامـــا يـوشــــــه هــي تجــربة وفـرقــت صـــفـة الجـــيش ضـاعت صـفـوف(ن) قـادها اليوم دبشـه شـف فـعـل عـين(ن) بطـشها بالمراهـيش ترهب جيوش(ن) دون سيف(ن) وبطشه مـاعـــاد تفــــرق تجـــربه وألا تهــمــيش قـلـب انكـســــــر يا تجـــبره يا تطــــشــه جــبرة ســعــيد(ن) ينـعــم بناعــم الريـش وإلا فـقـــيـد(ن) وادفــنه وســط نعــشــه شـــعـر نواف بن يوسـف السـعداني

[الطائر المهاجر]

تعديلات جيده
فقط بعض الأشطر التي تحتاج اعادة نظر مثل:
ضاعـت هـيبته بين رجـال(ن) حــناتيـش
هيبته ضاعت بين الرجال الحناتيش
هــي تجــربة وفـرقــت صـــفـة الجـــيش
هي تجربه ياما تشتت لها جيش
مـاعـــاد تفــــرق تجـــربه وألا تهــمــيش
ماعاد تفرق تجربه ..مثل تهميش

صح لسانك
تحياتي

[نواف السعداني]

المشاركة الأصلية كتبت بواسطة الطائر المهاجر

تعديلات جيده
فقط بعض الأشطر التي تحتاج اعادة نظر مثل:
ضاعـت هـيبته بين رجـال(ن) حــناتيـش
هيبته ضاعت بين الرجال الحناتيش
هــي تجــربة وفـرقــت صـــفـة الجـــيش
هي تجربه ياما تشتت لها جيش
مـاعـــاد تفــــرق تجـــربه وألا تهــمــيش
ماعاد تفرق تجربه ..مثل تهميش

صح لسانك
تحياتي

صح بدنك وقلبك د. عثمان

يسعدني نقدك و اتشرف بأن دكتور وشاعر مميز مثلك يهتم بتوجيهي للسير على الطريق الصحيح ..

دكتور هذه القصيدة على وزن ( الطرق السهل )
وألحان الطرق السهل كثيرة لكني حاول اخذ الشائع منها فاخترت لحن ( لدن الغصوني ) سامري ..

الشطر الأول كما هو
ضاعـت هـيبته بين رجـال(ن) حــناتيـش
راكب على اللحن
وبعد التعديل :
هيبته ضاعت بين الرجال الحناتيش
ما ركب على اللحن عشان الـ التعريف

لكن الشطرين الثانيين راكبين على اللحن قبل وبعد التعديل , يمكن أنا شلت اللحن بطريقة مختلفة وغير صحيحه , ممكن تتأكد د.عثمان ..

وسؤالي هل فيه اشطر اخرى تحتاج إلى اعادة نظر ؟؟
لأني بكل صراحة حريص جداااا أن هذي القصيدة تظهر بصورة جيدة ... ولا استغني عن توجيهاتكم من ناحية الوزن تحديدا ..