الــــحــــــــــــرامـــي

[سعود القت]

هجرس سعود القت مما حصله = تفجرت قريحة الاحتدامي
اونس بصدري مثل وخز الاخله = وشياط مرقاعٍ على الكبد حامي
كبرت نفوذ المعضله والشكلّه = على مفاهيم الضروف الجسامي
وحاولت ارايع خاطري بالتدله = لكن موج صدوف الايام زامي
خطير فكري يختلف من محله = لولا ضميري يدعمه بالتسامي
وقامت مشاريه الرهاوه تتله = تل الرشا على جويد المقامي
من جال صهلوجٍ مهيفٍ مزله = والورد فرز ويرهجن الظوامي
فاحت على جمر الهواجيس دله = تقطع ضرم عمس التعب والمنامي
بريةٍ فنجالها يوم ازله = يشدي خضاب معورجات الوشامي
قايست حكمي له وانا مضرمٍ له = اجذيت منقه معتلين المقامي
فرايدٍ مرفاه من كل زله = تبقى على صدر الجزاله وسامي
يشفي بها قلب الغرابيل غله = وتطرد عن البال الغبش والقتامي
يرودني شفٍ ما كلٍ حصله = وشبوح جسرات الروابع حيامي
وهيج الضروف يلوف قلب الموله = كما يلوف القيض نبت النوامي
ولاكل من يسعى لعلمٍ وصله = بعض الهقاوي يعسرن المرامي
والشي زين ليا تهيا بحله = وليا تعدت فاقته ما يسامي
يهون عقد الحبل ويكيد حله = الا على فكر الشنار العصامي
ودمع التصنّع من عيون الجبله = مثل الامين اللي يحوف الحرامي
سريت في ليلٍ نجومه مطله = لكن غبشّها عتيم الغمامي
كون سوادٍ يستتيه الادله = احلك سوادٍ من شديد الظلامي
تقند خطايه خطوةٍ مستزله = واهويت مهواي العديم القطامي
والرجل لوذاه الهزيل ونزله = تخروط مع العيز واخطا السنامي
والصبر مفتاح القفول المكله = والصمت يصلح ما يعيب الكلامي
وبعض الاقارب للاقاريب عله = مثل البراد ليا دخل فالعظامي

[محمد العسكر]

الله الله

صح لسانك

مدد بلا عدد


صحححححح لسانك

دمت للشعر مبدعا

[حي الضمير]

ابدعت بارك الله فيك
ومدد صح لسااانك ياجزل

[الطامي]

والصبر مفتاح القفـول المكلـه=والصمت يصلح ما يعيب الكلامي
وبعض الاقارب للاقاريـب علـه=مثل البراد ليا دخـل فالعظامـي

مرحبا ياسعود
اهلا بك
صح السانك ملايين
جزلة من شاعر جزل لافض فوك
شكرا لك

[الطائر المهاجر]

ارحب ياسعود
والحمد لله على السلامه
يارجل انت حي او ميت
انقطعت اخبارك
حياك
وصح لسانك
ولا هنت
تحياتي الطيبة

[صعبة المنال]

للتميز

صح لسانك وحرفك

صعووووب

[داعي الشوق]

صح لسانك يالشاعر سعود

و الحمد لله على السلامة

قصيدة جميلة كـ حضورك الجميل

صح لسانك مع التحية لك

،،،،،،،،،،،،

[سناعيس]

صح لسانك ياسعود
وبيض الله وجهك
ولاهنت

تحياتي

[مبروك بن ماضي]

الاخ الفاضل الشاعر / سعود القت
ما أجمل الوقوف على عتبات كلماتك
صح لسانك مدد بلا عدد
فقد أستمتعت بكل حروفها
تقبل تحياتي وتقديري
أخوك / بن ماضي

[ترانيم المطر]

صح لسانك ياسعود
وبيض الله وجهك
ولاهنت

تحياتي