الهاجس المجنون

[كظيم]

دوب القصيد استوى فنجاله امهيّل=من دلة الشاعر اللي حول ما غنــّّا
من عشق رجال وافي ماهو ابعيّل=ارسم مساري واتكتك فيه واتمنــّّا
كفخ بي الهاجس المجنون واتخيّل=انــّا وصلنا وقابلنا بعد وانـّا
واني اناظره بعد العصر بقليّل=قد فلّ شعره ولبسه قمة الفنـّا
يمشي وهو حافي الاقدام بمهيّل=في بهو قصره وكنّه مادرى عنـّا
اقدام مدري سحاب يحطّ ويشيّل=ومن زود ما به ليونه شفتنا لنـّا
يميل عكس الخُطا ما قصده ايميّل=بس اختلاف الكتل خلاه يتثنـّا
فيه الدلع والغنج طيوب وحليّل=جيته بفكري وهو بي يحسن الظنـّا
يا ميسم الريم واحلى ريم يا غزيّل=صدري فيافيك ربّع فيه واتهنـّا
مدهالك القلب ما من دونك محيّل=تعال له من هناك ومن هنا ومنـّا
به وادي العشق بـ/اصدق حِسّه ايسيّل=وغصن الاشواق من زود الثمر حنـّا
ولو سرى الذيب في صدري وبه ليّل=ماهو بواصلك في ريضانك الغنـّا
( لو قيل الذيب والله ماني امقيّل )=لي ما انت للذيب يخسى الذيب ويدنـّا

[الطائر المهاجر]

الله ..الله
بوح جميل من ذيب ولد ذيب
صح لسانك
تحياتي

[حوريه]

نص جميل
صح لسانك واحساسك
ودمت بكل خير
.
.

[طوفـــان]

صح لسانك شاعرنا عبدالله الوقيدي على طرحك الجميل

لك كل التحايا على طرحك الرائع ،،

بوركتم

[الطامي]

الوقيدي
صح السانك ملايين
رائعة ووافيه
لاهنت اخي

[داعي الشوق]

صح لسااااااااانك مليوووووووووووون يالوقيدي

ابدعت و امتعت يالشاعر

لاهنت لاهنت

وصح لساانك مدد يا مبدع

********************

[الراقي]

صح فكرك

صح بيانك

ودام حرفك ..

و صح السانك

[فايز بن جبيل]

الله الله ياعبدالله

جزل وعذب وذيب

قاف رنان من شاعر فنان

دمت مبدع

تقبل ودي وكل التقدير

[الـزلـزال]

عبداله الوقيدي

نص فاق حدود الجمال والروعه
من شاعر أطربنا هذا المساء بحروف شعره الرنانه
أبدعت وأمتعت شاعرنا الراقي المميز العذب الجزل
دمت في قمة توهجك الشعري ودام لنا نبضه
صح لسانك ملايين ملايين
ولك فائق تحياتي وتقديري

[وليدالبسطي]

صح لسانك ياعبدلله

نص مختلف

وابدع جميل

لاهنت