( مـعـاناتي مع موظف حـكـومي )

[حي الضمير]

خالـد اللـي ويـل حالـه جـاه بالصـدر احتـراق=مـن موظـف بالحكـومـه يابـونـوره مكسـلـه
بـه عنـاد وبـه تكبـر شـوف عينـي مايـطـاق=لامـبـالـي وغـيــر مـنـتـج والـنـظـام يــــدلله
في يمينه كـاس يغلـي ريحتـه حلـو المـذاق=والجسـم عظمـه رقــاق والعـيـون مــزغلله
والشمـاغ اخـر موديـل خـط مـرزامـه دقــاق=مثـل فرجـارآ تشوفـه فــوق راســه منقـلـه
الجرايـد قـدًم عينـه يشـرب الـشـاي بــرواق=والملـفـات بـيـسـاره حـــول مـتــرًًً باطوله
وبينـك وبينـه حـواجـز كـنـك الـلـي بالـعـراق=ماتـقـول الا المـراجـع فــي جيـوبـه قنـبله
الملـك مفتـوح بـابـه وان بغيـتـه لــه تـسـاق=وهــذا طـرطـورن منـتـف دوم بـابـه يقـفـلـه
وان زهمته زاد صمتـه عقـد الحاجـب وضـاق=كـنـك تقاسـمـه رزقـــه والا جـاي بتقـتـلـه
والله انـي حـول ساعـه يمكـن اكثـر يارفـاق=بين روحـه وبيـن جيـه ماعـرف كيف اوصله
لعنبـو حيـه تعـبـت وصابـنـي مـنـه اختـنـاق=ان شكيـتـه مشكـلـه وان تركـتـه مشـكـلـه
مادريـت الازميلـه مــن عـلـى الشـبـاك واق=قلـت هـذا لـي رحـوم وبـه سلـوم ومرجـلـه
واثره اردى مـن زميلـه عـل شوفـه للفـراق=قـــال وشـبــك يالـمـراجـع لاتـثـيـر البلـبـلـه
ويتـبـجـح بالـنظـام ولـــو يـطـبـق بالرفاق=المـؤهـل مايحـطـه غـيـر عـامــل مغـسـلـه
وبين كيـف وليـه وايـن ربـع ساعـه ثـم فـاق=قـال خلـص هالـدوام وهـيـت بـاكـر وازهـلـه
ومر باكر واللي عقبه وابسط حقوقي تراق=مطلبـي هـو رقـم قيـد وعـشـرة ايـام اجـلـه
اتعبـونـا وارهقـونـا يـاعـرب وش عـــاد بـــاق=الـوضـع بالحـيـل مــزري والرقـابـه غـافله
واكثـر اللـي بالحكومـه شغلهـم بـرا النطـاق=وسـوء اداره مـع فسـادً والعمـل فـي بـهلله
ادهـن السيـر وتعلّم كيف تضبط للعناق=والخطـاب اللـي بيمينـك فـي ثوانـي يعملـه
واللي يمشي بالنظام حط ساقً فوق ساق=باخـر السـيـب متعـكـف مـابـه احــدً يسـألـه
والخلـل واضــح عـلاجـه لوتـشـدون الـوثـاق=لـلـحـوافـز والــعــلاوه بالـلـيـالـي المـقـبـلـه
وحطو تقييـم ونقـاط واتركوهـم فـي سبـاق=قـبـل ماتخرب ثقـافـة مجتمـعـنـا باكـمـلـه

[الطائر المهاجر]

صح لسانك يالقرم
جزل ومتمكن
لاهنت
تحياتي وودي

صح لسانك ويعطيك العافيه

تحياتي

[حي الضمير]

المشاركة الأصلية كتبت بواسطة الطائر المهاجر

صح لسانك يالقرم
جزل ومتمكن
لاهنت
تحياتي وودي

صح بدنك استاذي ابوعبدالله
ومرورك وكلماتك وسام على صدر مغليك
تحياتي لك

[الطامي]

خالد الحمد
صح السانك ملايين
رائعة جدا جدا
لاهنت اخي

[طوفـــان]

صح لسانك شاعرنا خالد

والله يكووون في عونك ، عندنا وعندك خير ، ياما وياما تجدلنا مع هالشاكلة من الموظفين ..

الدعوة ضايعة إلا من رحم ربك ،،


صح لسانك مرة أخرى وطرح رائع وواقعي ، لك كل التحايا أخي الغالي على طرحك

دمت بخير

[محمدالحارثي]

صح لسانك ابيات صادقه
والكل يعاني من الاسلوب الغير اخلاقي
من موظفين مهملين
الله يعينك ويسهل امرك
تحياتي

[منيع]

لم تغادر الحقيقة
ابيات رائعة ومعبرة
شكرا لك
تحياتي

[كظيم]

حي الضمير

سلمت وصح لسانك
قصيده جزله ووافيه ابدعت فيها يالغـلا
ترجمت واقع مرير
استمتعت بما وجدت .. وتأملت بين السطور
ويالله عفوك
تقبلني وتقبل مروري المتواضع لاهنت
ودي وتقديري

[سعيد عوده الحويطي]

صح لسانك خالد الحمد على هذه القصيدة ا لهادفة والتي بينت فيها سلبيات بعض الموظفين الذين لايخافون الله في الناس ولا يحللون رواتبهم شكرا لك على هذا الابداع. وتقبل تحياتي