مطعم فاهيتا أفينيو بالرياض - Fajita Avenue

ابو ياسر · 01-06-2006, 12:18 PM

السلام عليكم ورحمة الله

مطعم فاهيتا أفينيو
Fajita Avenue

عنوان المطعم:

الرياض - شارع الضباب من الشمال - بين شارع التحلية و شارع الثلاثين في السليمانية (بعد التميمي سيفوي على اليسار و أنت متجه شمال على شارع الضباب).

تلفون المطعم:

4644999

صوره للمطعم من الخارج ( واهم ما في الصوره الهوندا الحمراء)pb034

اليوم كان اختيار المطعم المناسب لتناول وجبة الغدا صعب شوي ، لأنه و بكل بساطة الظاهر ما بقي مطعم في الرياض ألا أنا و المعزبة مرينا عليه.

لذلك اخترنا مطعم فاهيتا افينيو رغم أن أحناء أكلنا فيه من قبل ، لكن أكلة كان حليوي و في نفس الوقت كان ودنا نضحك على الجرسون الفلبيني الموجود فيه.

هذي صوره للمطعم من الداخل

وصلنا للمطعم حدود الساعة أربع و نص العصر ، و الحمد لله لقينا الجرسون و حرصنا أنا أحناء نقعد في المنطقة اللي هو يخدم فيها ، رحب فينا الجرسون زى العادة بصوته اللي تقل صوت حرمة مهوب رجال و بعدين جاب لنا قوائم الطعام ، بعد ما تفحصنا القوائم مضبوط ضغطنا على الجرس و جانا الجرسون يركض (تراه يركض بمعنى الكلمة و تسمع خطواته وهو يركض) ، أنا عطيته الطلبات و المعزبة جنبي مطيرة عيونها فيه ، بعد ما راح الجرسون قالت المعزبة "اسبرانزا والله أن الجرسون هذا حرمة و متنكر في ملابس رجال" ، أنا رديت عليه و قلت لها تخفض صوتها لحد يسمعنا و نتفشل ، و إن الجرسون رجال من رجاجيل الفلبين و أن كل رجاجيل الفلبين من هالنمونه.

هذي صورة الطاولة حقتناء

هذي صور لقوائم الطعام.

هذي صورة للطاولة بعد ما جاب الجرسون الخبز و المشروبات و الشوربة

هذي شوربتي ، كريمة الربيان ، و كانت زينة

هذي شوربة المعزبة ، حريره مغربية ، و تقول المعزبة أنها زينة

هذي صورة الابتايزر (المقبلات) ، أجنحة الدجاج بدون عظم ، بصراحة كانت مهبولة.

المشكلة أن أحناء رحنا للمطعم و الجوع ذابحنا ، لذلك طلبنا أكل واجد ، بس المشكلة انه مع الشوربة و الابتايزر شبعنا شوي.

هذا طلبي الرئيسي ، فاهيتا الدجاج و اللحم و الربيان ، الربيان ما كان زين أما اللحم و الدجاج فكان ممتاز.

هذي ألازانيا حقه المعزبة ، و الحقيقة مدري هي زينة ولا لا ، لان المعزبة شبعت ولا أكلتها.(طريقة تقديم الطبق ما أعجبتني).

هذا ماش بتيتو (مهروس البطاطس) ، و أنا من محبيه ، لكن للأسف ما أكلت منه ألا شوي ، لكن بصفة عامة كان مقبول.

هذا رز مكسيكي طلبته المعزبة و كان لاباس به ، لكن كان ممكن يزينونه أكثر من كذا.

هذي صورة للطاولة و عليها كل الإطباق ، العلبة السوداء هي اللي فيها الخبز حق الفهيتا.

و هذي صورة الجرسون "الرجال" الفلبيني. و تبون الصراحة هو أحسن ما في المطعم لان دمه خفيف و خدمته ممتازة ، تقل صاروخ ، ما يمدي الواحد يرن الجرس ألا و يجي يركض.pb027

هذي صورة الفاتورة و كانت بمبلغ 193 ريال ، و السعر مقبول أذا قست عليه كمية الأكل.

ملاحظات على المطعم:

- الببسي بسعر 5 ريال ، و احلي ما فيه انك تشرب كثر ما تبي بدون سعر إضافي.
- ديكورات المطعم كانت زينة ، بس مشكلتها كانت في الألوان الغامقة ، من ما أعطى انطباع بظلمة المكان.
- الأكل كان مقبول بصفة عامة ، لكن يعيب عليه طريقة التقديم اللي كان ممكن تكون أفضل.

- المطعم زين للي يحب يغير و يروح لم مطعم جديد.
- الستاير اللي تفصل بين الطاولات كان لونها اسود و يضيق الصدر ، ليتهم يحطون لون فاتح شوي.

و لكم مني أجمل تحية